¹ Ekatokea ehi Yesu kuyamazile ebhigambo ebho akagaho Galilaya, na no kugenda mumupaka gwa Yudea omumaiso go mugela Yolodani. ² Embaga mpangoyamukulatila yabhakiza okwonini.

³ Amafarisayo bhakamwizira bhamulegesa bhamughambila, Ensi chisanile aha muntu kumuleka omumakaziwe aharwensonga yonayona?

⁴ Yesu yaholola na nokugamba, Timulasobhole muti olinya eyabhato nziile obhwambele akatonda omusaiza na nomukazi? ⁵ Na kandi akagamba aharwensonga eyo omusaiza alamuleka Tata wenini na maha wawenini na no kutelana na no mukaziwe, nabho bhabhili bhalabha omubhili gumwe? ⁶ Aharwecho Tbhabhili kandi bhabha omubhili gumwe. Aharwecho kilinya echiyatelanisa Mungu, Omuntu wenawena atakukitanisa.

⁷ Bha mugambila ``Imbwenu ahanki Musa akatulagiza tutange Echeti che talaka na no kumuleka?

⁸ Yabhagambila, Aharwokuguma emyoyo yanyu Musa akabhalekula kubhaleka abhakazi bhanyu, chonka kuruga khale ekabha etabha etyo. ⁹ Nimbhagambila inti, wenawena alaleka omukazi we, Ketyari nsonga ye obhusihani, na akaikula owhundi yasihana `` Naomusaiza alamwimula omukazi asigirwe yasihana.

¹⁰ Abhanafunzi bha mugambila Yesu kakilabha kityo ahamusaiza na nomukaziwe, Tikuzima kwimula.

¹¹ Chonka Yesu yabhaghambila Tibhuli muntu alasobhola kwakila ameegeso aga, hamwe ni bhalinya abhalekwilwe kwakila. ¹² Ahalwokiubha haliho enghuma abhazairwe kurugilila omumabhunda gabhanyina bhabho. Kandi notyonini na bhantu. Nahaliho eghumbha abhayekozile eghumba aharwensonga eyo butwale obhwa ahaiguru. Alisobhola kwakila ameegeso aga akile

¹³ Kiyamazile, bhalkamuletela abhana bhake, abhachali bhato abhateleho emikono ahaiguru yabho na no kudsabhila, chonka abhanafunzi bhe bhabhangiza. ¹⁴ Yesu aho yabhaghambila `` mubhalekule abhana bhatyo, nagu mubhangiza kwiza owange orwokubha obhuzima obhwomwiguru no bhuntu nka bha. ¹⁵ Nawe yabhatelaho emokono ahaiguru yabho, kiyamzile aho yarughaho.

¹⁶ Lebha, omuntu omwe akaiza aha kwaYesu yabhagambila omwegesa Nekintu ekizimz echi kwenda bhwa inchikole inyze mbone obhuzima abhatalikuhwaho?

¹⁷ Yesu yamugambila Ahanki no mbhaza ne kintu kizima? halino omwe wenka alimuzima chonak kolayenda kubhona obhuzima, okwate ebhilagiro bhya Mungu.

¹⁸ Olinya omuntu yamubhaza, Nebhiragiro bhihi? Yesu yagamba, Otakwita, Otasihana, Otakwibha, Otagamba ebhisubha. ¹⁹ Obhanekitinwa Tata wawe na maha wawe na omwende omwatani wawe inko mwoyo gwawe.

²⁰ Omuntu alinya yamughambila Ebhintu ebhi bhona nibhikola insi ichayende bhwaki?

²¹ Yesu yamugambila kolabha no yenda obhe ohikile, genda oguze ebholinabho na obhahe abhanaku naolabha oine omfuko omwgulu male oize onkuratile. ²² Chonka omunsigazi olinya kiyahulile bhilinya Yesu bhiyagambile yagenda ahahuzuni orwokubha akabha aine intunga lihango mno.

²³ Yesu yabhagambila abhanafunzi bhawenini ``Omumazima nimbagambila, nikiguma omuntu omutungi kutaha omubhutwazi obwomuwigulu. ²⁴ Male kandi ni mbagambila, nibhwangu ahangamia kuhigalula omukihuru che orusinge, hatari omuntu omutungi kutaha omutwazi bhwa Muingu.

²⁵ Abhanafunzi kibhahulile ebhyon bhakasobherwa muno na no kughamab Aho nohi nalalokoka?

²⁶ Yesu aka bhalebha, yabhagambila Ahabhanadamu echo tikilikusokana, chonka owa Mungu bhyona nibhisobhokana.

²⁷ Kandi Petro yamuholola na nokumugambila lebha tweasiga bhyo na twakukulatila iwe, ne kintukiekitulabhona?

²⁸ Yesu yamugambila omumazima nimbagambila olinya eya nkulatila inye omuruzalo mushasha orwo mwanya wa Adamu kalatekama aha kitebhe kihangoche kitinwana nobhusobhola bhwa wenini muilatekama ahaiguru ye ebhitebhe ikumi na bhibhili ebhyeki tinwa nkubha lamula abhengambo nikumi na ibhilieza Isaeli. ²⁹ Bhuli omwe wanyueyaleka enzu mukuruwe, munyanya, Tata maha abhana, angu ishmba aharwesongayizina lyange naiza kwakila obhwongezwa igana nokurithi obhuziam obhutalikuhwaho.

³⁰ Chonka abhaingi abhali abhambele abhu nibhabha abhamwisho, abhalibhamwisho ni bhabha abhambele.