Toko 23
1
Vaho Nitsara tamy reo vahoakew naho reo mpianane.
2
Nanao tihoe Re: “Reo mpanora-dalagna naho fariseo le mitoboke eo amy ty fitoboha ndre MOsesy.'
3
Noho zay na ino na ino handilia iareo anareo hanoe, le ataovo regny raraha regny le mitoa aireo. Te ko tahafe ty asa iareo, satria iareo le mitsara raraha feie bak'eo tsy mamboatse zay.
4
Eka, fatora iareo ty enta-mavesatse ze sarotse andese, vaho bak'eo le ampo iareo eo amy ty soro ty ndaty. Te tsy hagnetsike ty rambon-tagna raeke akore ty vata iareo soa handay aiereo.
5
Manao ty asane iabt aireo soa ho hisa ty ndaty. Te atao iareo malalake ty filakiterane, vaho tohiza iareo ty sisin'akanjone.
6
Tea iareo ty toera ty manan-kase agne amy ty fagnasa naho ty toera ty bey ao amy ty synagoga,
7
naho ty fiarahaba miavake egne an-tsena, vaho soa ho kaihy ty ndaty tihoe: 'Raby.'
8
Te nareo tsy azo kaihe tihoe: 'Raby', te rake avao ty mpampianatsinareo vaho mpirahalahy nareo iaby.
9
Vaho ko mikaike ty ndaty etoy an-tane tihoe babanareo, te raike avao ty Babanareo, vaho Reke le agne an-dagnitse.
10
Nareo ko mete kaihy tihoe: 'Mpampianatse', te rake avao ty mpampianatsinareo, le re Kristy.
11
Te ze bey loatse aminareo ro ho mpiasanareo.
12
Na ia na ia magnambone tegna le ambane, vaho na ia na ia magnambane tegna le hasondrotse.
13
Te lozanareo, mpanora-dalagna naho fariseo, mpihatsaravelatsihy! Te ahilinareo amy ty ndaty ty fanjaka ty lagnitse. Te nareo tsy mampizilike ty vatanareo, vaho tsy amponareo reo ze mipay hizilike.
14
15
Lozanareo mpanoran-dalàgna naho fariseo, mpihatsaravelatihy! Te mandeha magnorike ty ranomasy naho ty tane nareo soa hampiova arofo ty ndaty raeke, vaho lafa miova re, le ataonareo ty ana ty helo ambo roe mihoatse noho nareo re.
16
Lozanareo, ry mpitarike goa, nareo ze mitalily tihoe: Na ia na ia mifanta amy ty tempoly, le tsy misy dikane zay. Te na ia na ia mifanta amy ty volamena ty tempoly, le vaorohy ty fifantane re.'
17
Nareo goa adala! Ia ro bey vatane, ty volamena sa ty tempoly ze manao ty volamena ho masy?
18
Vaho, 'Na ia na ia mifanta amy ty alitara, le tsy misy dikane zay. Te na ia na ia mifanta amy ty fagnatitse ze ao ambone zay, le voarohy ty fifantane re.'
19
Nareo ndaty goa! ia ro bey vatane, ty fagnatiste sa ty alitara ze manao ty fagnatitse ho masy?
20
Noho zay, ze mifanta amy ty alitara, le mifanta amy zay naho amy ty raraha iaby eo ambonine.
21
Ty raeke ze mifantaamy ty tempoly, le mifanta amy zay naho amy ze mitoboke ao amine,
22
vaho raike ze mifanta amy lagnitse, le mifanta amy ty seza fiankina ty Andragnahare naho amine ze mitoboke eo ambone zay.
23
Lozanareo, ry mpanora-dalàgna naho fariseo, mpihatsaravekatsihy! Te mandoa ty fahafolo ty solila naho aneta vaho komina nareo, te nareo le tsy nagnina ty raraha mavesa-danja loatse amy ty lalàgna le ty hitine naho ty famindragn'arofo vaho ty finoa. Te reo ro tokone nataonareo vaho tsy tokone naponareo ho tsy vita ty raeke hafa.
24
Nareo ty mpitarike goa, nareo ze maniva ty lalitse nefa mitele rameva!
25
Loza ho anareo, mpanora-dalàgna naho fariseo, mpihatsaravelatsihy! Te sasanareo ty amabaliky ty kapoake naho ty finga, nefa ty ao agnatine le feno fagniria naho fila.
26
Nareo fariseo goa! Sasao aloha ty alo ampo ty kapoake naho ty finga soa ho lasa malio avao kea ty ambalikine.
27
Loza ho anareo, ry mpanora-dalàgna naho fariseo, mpiahatsaravelatsihy! Te nareo le manahake ty valavato voalalotse foty; ze soa ambalike, te ty ao ampone kea le feno ty taolampate naho ty loto iaby.
28
Manahake zay avao kea, etoy ambalikine nareo miseho ho marene eo amy ty ndaty, nefa aoa amponareo le feno fihatsaram-belatsihy naho heloke.
29
Loza ho anareo, mpanora-dalàgna naho fariseo, mpihatsaravelatihy! Te magnory ty valavota ty mpitoke nareo vaho mampimpoze ty valavoto ty ndaty to.
30
Nanao tihoe nareo: 'Laha niay tamy ty andro ty razambeitika tika, le tsy ho nandrambe anjara niarake tamy iareo tamy ty fandatsaha ty lio ty mpitoky tika.'
31
NOho zay le mitsanga vavolombelo amy ty vatanareo nareo te anagny reo ze namono ty mpitoke
32
Nareo avao kea le nahafeno ty faharatiagny reo razambeinareo.
33
Nareo bibilava, nareo taranake ty menara, nanao akore ro hilaisanareo ty fagnameloha ho agny amy ty helo?
34
Noho zay, ingo, magnirake mpitoke naho ndaty matotse vaho mpanora-dalàgna ho anareo Raho. Ty ilane amy iareo le ho vonoanareo naho fatsihinarei; vaho ty ilane ho fofohinareo ao amy ty synagoganareo vaho handroake aze hiala ao na-tanà.
35
ty vokatsy zay le hagnozo anareo ty lio marene iaby ze napoke teto an-tane, nanomboke tamy ty lio ndre Abela marene, le hatramy ty lio ndre Zakaria ana ndre Barakia, ze nivonoanareo teo agnelagnela ty fitoera masy naho Alitara.
36
Ataliliko marene aminareo, te ty raraha iaby le ho avy amy toy taranake toy.
37
Jerosalema, Jerosalema, rihoa ze mamono ty mpitoke naho mitorake vato ze irahy ho aminao! Impiry Raho ro magniry ty hamory anagnao miarake, manahake ty akoho vave raike mamory ty akoho kele ao ambane elane, nefa tsy nete nareo!
38
Ingo, ty tragnonareo ro ampoke ty hisy ho anaoreo.
39
Te ataliliko aminareo, hatramy zao tsy hahisake Ahike vatane nareo zisikim-pitalilinareo tihoe: 'Isaora vatane ze bak'amy ty agnara ty Tompo.”'