Toko 20
1
Te ty fanjaka ty lagnitse le manahake ty tompon-tane ze nandeha mbo maraindray bey hagnakarama mpiasa ho ahy ty tanem-boalobone.
2
Lafa baka nifagnarake tamy reo mpiasa re te ho denaria raike san'andro ty karama iareo, le nalefane tagne amy ty tanem-boalobone iareo.
3
Niboake ndraike re tamy ty ora fahatelo vaho nahisake mpiasa hafa nitsangatsanga tao an-tsena.
4
Nanao tihoe re tamy iareo: 'Nareo kea, mandena agne amy ty tanem-boaloboke, vaho ze an-kevene to le omeiko anareo.' Le nandeha niasa iareo.
5
Mboe niboake ndraike re teo ho eo amy ty lera faha ene vaho kea tamy ty lera fahasive, vaho nanao manahake zay avao.
6
tamy ty lera faharaeke amby ty folo le niboake ndraike mandeha kea re vaho nahisake mpiasa hafa nitsangatsanga. Nanao tihoe re tamy iareo: 'Nanao akore nareo ro mitsanga eto agnate ty tontolo andro?'
7
Nanao tihoe iareo tamine: 'Tsy misy ndaty magnakarama zahay.' Nanao tihoe re tamy iareo: 'Nareo avao kea mandena agne amy ty tanem-boaloboke.'
8
Lafa avy ty hariva, le nitsara tamy ty mpiamby ty rarahanw ty tompo iaze tanem-boaloboke tihoe: 'Kaiho reo mpiasa vaho haloavo ty karama iareo, manomboke bak'agne amy ty farane mandeha agne amy ty voalohane.'
9
Lafa avy reo mpiasa ze nala tamy ty lera faharaik'amby ty folo, le nahazo denaria raike tsikiraekiraeke iaby iareo.
10
Lafa avy reo mpiasa voalohane, le nihevitse te ahazo mihoatse iareo, nefa iareo avai le nahazo denaroa raeke tsikiraekiraeke iaby.
11
Lafa nahavoaray ty karamane iareo, le nitaray mikasike iaze tompon-tane iareo.
12
Nanao tihoe iareo: 'Reo mpiasa farane reo le niasa lera raike avao, feie le nampitozinao taminay iareo, zahay ze niaritse ty vesa ty tontolo andro naho niharitse hafana ty andro.'
13
Te namale iaze tompon-tane le nitsara tamy ty raeke tamy iareo tihoe: 'Ry namako, tsy manao ze tsy mete aminao raho. Tsy denaria raeke vao to nifagnarahanao tamiko?
14
Rambeso ze anao vaho hitio ty lalanao. Raho le nifily ty hagnome ho ahy reo mpiasa nikarama farane manahake ty anao avao.
15
Tsy manan-jo hanao arake ze teako amy ze ahike vao raho? Sa mialo vao nareo satria malala-tagna raho?'
16
Le ty farane le ho voalohane, vaho ty voalohane ho farane.”
17
Laha handeha ho agne Jerosalema Jesosy, le nangalake reo folo roa ambe teo agnilane Re, vaho tegne an-dalagna Re nitsara tamy iareo tihoe:
18
“Ingo, hiakatse ho agne Jerosalema tika, vaho ty Anak'Ondaty le hamea eo amy ty loha ty mpisoro naho reo mpanora-dalàgna. Iareo le hagnameloke Aze ho fatse
19
vaho homea Aze amy reo Jentilisa soa hiheheza ho fofohy, vaho hamatsiha Aze amy ty hazofijalea. Te amy ty andro fahatelo le hatsanga ndraeke Re.”
20
Bak'eo ty reniny reo anandahy ndre Zebedio namonje ahy ndre Jesosy niarake tamy reo anandahine. Niankohoke teo agnatrehane iareo nangatake raraha bak'amine.
21
Nanao tihoe Jesosy tamine: “Ino ro irinao?” Nanao tihoe re tamine: “Mandilia soa hitoboha reto anandahiko roe reto, ty raeke eo an-tagnanao ankavana vaho ty raeke eo an-tagnanao an-kavia, ao amy ty fanjakanao.”
22
Te Jesosy namale vaho nitsara tihoe: “Tsy hainareo ty raraha angatahinareo. Afake ty hino kapoake ze hinome vao nareo?” Namale iareo tihoe: “Afake zahay.”
23
Nanao tihoe Reke tamy iareo: “Hino ty kapoakako vatane nareo. Te ty hitobke eo an-tagnako ankavanako naho ankaviako le tsy anjarako ro magnome, te ahy reo ze fa niomany ty Babako.”
24
Lafa naheno zay rei mpianatse folo lahy hafa, le meloke mafe tamy reo mpirahalhy roe
25
Te Jesosy nikaike aiereo handeha eo amine vaho nitsara tihoe: “Hainareo te reo mpanakae reo Jentilisa le hanery aiereo, vaho reo lehilahy manan-danja iareo le hampiasa ty fahefane eo amy iareo.
26
Te tsy tokone hanahake zay ty aminareo. Mifanohitse amy zay, na ia na ia magniry ty ho lasa bey aminareo le tsy maintse ho mpiasanareo,
27
vaho na ia na ia magniry ty ho voalohane eo aminareo ltsy maintse ho mpiasanareo,
28
manahake ty Anagn'Ondaty tsy avy ho tompoe, fa hanompo, vaho hagnome ty fiaine soa ho vilim-pagnavota ho ahy ty maro.”
29
Laha niboake bak'agne Jeriko iareo, lew vahoake lahiale ro nagnarake Aze.
30
NIsy lihilahy goa roe nitoboke teo amy sisin-dala. Lafa naheno te nandalo Jesosy, le nikoke mafe iareo tihoe: “Tompo, ana ndre Davida, mamindrà arofo aminay.”
31
Nasiaky aiereo ty vahoake, nitsara aiereo soa hitsy, nefa vao mainke iareo nikaikaike mafe tihoe: “Tompo, ana ndre Davida, mamindrà arofo aminay.”
32
Bak'eo Jeosy nijano vaho nikaike aiereo sade nitsara tihoe: “Ino ro irinareo ho ataoko aminareo?”
33
Nanao tihoe iareo tamine: “Tompo, hahisaha ty masonay.”
34
Bak'eo Jesosy, nahafegnay, le nitsapa ty maso iareo. Avy le nahiratse iareo vaho nagnarake Aze.