Toko 18

1 Tamy zay andro zay avao le avy teo amy ndre Jesosy reo mpianane vaho nitsara tihoe: “Ia ro bey agne amy ty fanjaka ty lagnitse?”

2 Jesosy nikaike ajaja kele ho eo amine. nampitoboke aze teo amy iareo, 3 Vaho nitsara tihoe: “ataliliko marine aminareo, te laha tsy miova manahake reo ajaja kele nareo. le tsy hisy hevitse ty hizilihanareo agne amy ty fanajaka ty lagnitse. 4 Noho zay, na ia na ia magnambane vata manahake toy ajaja kele toy le bey loatse ze agne amy ty fanjaka ty lagnitse. 5 na ia na ia mandrabe Ahike.

6 Te na ia na ia mahaave ty raeke amy reto ajaja kele reto ze mino Ahike hanao rate, le ho soa vatane ho aze ty hagnatogna ty famofoham-bare befoloay eo amy ty vozone, le halentike agne amy ranomasy lalike re. 7 Loza ho ahy zao tontolo zao noho ty fotoa ty fanafintohigna! Te mpaiave ty ahaave zay andro zay, feie loza ho ahy ty ndaty niavia zay fotoa zay! 8 Laha miterake fahalavoa ho anao ty tagnanao na ty tombonao, le tapaho zay vaho afaho eo aminao. Soa ho anao ty mizilike sembana na maleme agne amy ty fiaigna zisikam-parane noho ty ho rombake agne amy ty afo tsy mete mate amy ty fanagna tagna roe na tomboke roe. 9 Laha miterake fanafintohigna ho anao ty masonao raeke, homboto zay vaho afaho eo aminao, Soa ho anao ty mizilike agne amy ty fiaigna zisikam-parane miarake amy ty maso raeke noho ty tihoe rombane agne amy ty afo tsy mete maty miarake amy ty maso roe.

10 Tandremo tsy hanao tsy dikane reo ajaja malineke reo nareo. Te mitalily aminareo Raho te agne an-dagnitse reo anjeline le mivamba avao ty tarehe ty Babako ze agne an-dagnitse. 11 1 12 Ino ro eritseritsareo? Laha misy mana aondry zato, le mandeha amy ty lala-diso ty raeke amy iareo, le tsy handao ty sivam-polo sivy ambe eo amy ty havoa vao re vaho andeha hipay iaze raeke ze nandeha agne amy ty lalan-diso? 13 Laha hisane zane, le ataliliko marene aminareo, te mifale amy zay mihoatse noho reo sivam-polo sivy ambe ze tsy nandeha amy ty lalan-diso re. 14 Manahake zay avao kea, tsy tea ty Babanreo agne an-dagnitse ty hahavere ty raeke amy reo malinike reo.

15 Laha manao rate aminao ty rahalahinao, mandehana vaho talilio aze ty hadisoane, aminao naho re raeke avao. Laha mijanje anao re, le hifankahazo ammy ty rahalahinao ndraike riha. 16 Nefa laha tsy mijanje anao re, le mangalà raeke na roe hafa miarake aminao, amy zeay soa amy ty vavany reo vavolombelo roe na telo ro ahazahoa magnamarine ty tsara iaby. 17 Vaho laha mandà ty hijanje aiereo reke, le talilio amy ty fiangona ty zaka-miseho. Laha tsy magnina hijane ty fiangona avao kea re, le ampoho re hanahake ty jentilisa naho ty mpitake haba. 18 Ataliliko mare aminareo, na ino na ino fehezinareo etoy an-tane le ho feheze agne an-dagnitse; vaho na ino na ino avelanareo etoy an-tane le ho voavela agne an-dagnitse. 19 Le mboe ataliliko aminareo ndraike tihoe: “Laha misy roe aminareo magnina etoy an-tane ty amy ze iaby angataha iareo, le ho atao ho aiereo zay amy ty alala ty babako ze agne an-dagnitse. 20 Te na aia misy roe na telo mirake mivore amy ty Agnarako, le eo ampagnivoa iareo eo Raho.”

21 Bak'eo namonje Petera vaho nitsara tamy ndre Jesosy tihoe: “Tompo, impiry hanao rate amiko ty rahalahiko le hamela aze raho? Hatramy ty im-pito vao?

22 Jesosy nitsara aze tihoe: “Tsy mitsara aminao Raho tihoe im-pito, te hatramy ty fitopolo im-pito 23 Noho zay ty fanjaka try lagnitse le manahake amy ty mpanjaka raeke ze te hifandame ara-bola miarake amy reo mpiasane. 24 Laha vao nanomboke ty fandamina re, le nisy mpiasa raeke nandese teo amine ze nana talenra raeke. 25 Nefa satria tsy nana fomba handoava zane re, le nandily ty hamarota aze ty tompoe, miarake amy ty valine naho reo anane vaho ze hanagnane iaby, le ho vita ty fandoavan-trosa. 26 Noho zay le niondrike iaze mpiasaa, vaho nihohoke teo agnoloane, vaho nitsara tihoe: “Tompo manàgna fahareta amiko, le haloako aminao ty raraha iaby.' 27 Noho zay ty tompo zay mpiasa zay, le nahaferegnay, le nagnafake aze vaho namela ty trosa tamine. 28 Te niboake io mpiasa io le nahisake ty raeke tamy reo mpiara-miasa amine, ze nanagnane dinaria zato. Nisamborine re, nirambesine tamy tendane, vaho nirehake tihoe: 'Aloavo amiko ze nitrosanao.'

29 Nefa niondrike io mpiara-misa amine io vaho nasoloho tamine, nanao tihoe: 'Manàgna fahareta amiko, le haloako amina ndraike.' 30 Nefa nandà iaze mpisa voalohane. MIfanohitse amy zay, nandeha re vaho nataone tagne am-pigadra iaze mpiara-miasa amine zisike handoavane amine ze nitrosaine. 31 Lafa nahisake ze niseho reo mpiara-miasa amine, le nalahelo vatane iareo. Nandeha vaho nitalily tamy ty tompone ze iabe niseho iareo.

32 Bak'eo nikaike aze ty tompo io mpiasa io, vaho nitsara aaze tihoe: 'Iriha ry mpiasa rate fagnahe, namela ty trosa iaby taminao raho satria iriha nisoloho tamiko. 33 Tsy tokone hana famindram-po amy ty mpiara-miasa aminao vao iriha, manahake ty nanagnako famindram-po tamminao?' 34 Meloke ty tompone vaho nanday aze tagne amy reo mpampijale zisike handovane ze iaby nitrozane. 35 Manahake zay avao kea ro hatao ty babako agne an-dagnitse aminareo, laha tsy mamela ty rahalinareo amy ty aforone ty tsikiraikiraike iaby aminareo.”

1Fagnamariha: Ty dikan-tene taloha soa loatse le tsy ahisaha ty fehezantene ze mimboake ty v. 11. tihoe: “Te ty Anagn'Ondaty le avy soa hanorombane ze vere.”