Toko 17
1
Enegn'andro tatoy afara Jesosy le nangalake ahy ndre Petera, Jakoba, naho Jaona rahalahine niarake tamine, vaho nanday aiereo niakatse ty ambone vohitse ambo tamy ty vata iareo.
2
Niova tarehe teo agnoloa iareo Re, namiratse manahake ty masoandro ty vatane, avho reo fisokinane lasa namiratse manahake ty hazava.
3
Ingo, niseho tamy iareo Mosesy naho elia nirehake tamine.
4
Namale Petera vaho nanao tamy ndre Jesosy tihoe: “Tompo, soa amintika ty etoa. Laha teanao, le hanao aloke telo ho antika eto raho - raeke ho anao, raeke ho ahy ndre Mosesy, vaho raeke ho ahy ndre Elia.”
5
Laha mboe nitsara Re, ingo, nisy hiboke mazava nanaro aiereo, vaho ingo, nisy feo niboake bak'ao amy ty hiboke, nanao tihoe: “Toy ty Anako malalako, ze teako vatane, Janjgno Reke.”
6
Laha heno reo mpianatse zay, le lavo iareo vaho natahotse mafe.
7
Bak'eo bak'agne Jesosy vaho nikasike aiereo le nitsara tihoe: “Mitsanga vaho ko matahotse.”
8
Bak'eo le nagnete ambone iareo te tsy nahisake na ia na ia ankoatsy Jesosy raike avao.
9
Laha nizotso ty vohitse iareo, le nandily aiereo Jesosy, nanao tihoe: “Ko mitatitse zao fahisaha zao na amy ia na ia mandra-pitsanga ty Anagn'Ondaty amy ty mate.”
10
Nagnontane Aze reo mpianane, nanao tihoe: “Nanao akore vao reo mpanoratse lalàgna ro mitalily te Elia le tsy maintse ho ave aolo?”
11
Jesosy namale vaho nitsara tihoe: “Elia le ho ave vatane vaho hampimpole amy ty misy aze ty raraha iaby.
12
Feie ataliliko aminareo, te fa ave Elia, te iareo tsy nahay aze. Mifanohitse amy zay, nanao ty raraha iaby ze teane natao tamine iareo. vaho manahake zane avao kea, ty Anagn'Ondate avao kea le hijale eo an-tagna iareo.
13
Bak'eo le azo reo mpianatse te nitsara tamy iareo ty mikasike andre Jaona mpanao Batisa reke.
14
Lafa avy teo amy ty vahoake iareo, le nisy lehilahy raike namonje Aze, nandohalike teo agnoloane, vaho nitsara tihoe,
15
Tompo, manàgna famindragn'arofo amy ty anandahiko, te voa ty kopoke re vaho mijale mafe. te milavo matetike agne ampo afo na rano re.
16
Nanday aze teo amy reo mpianatsao raho, te tsy afake nagnafake aze iareo.”
17
Namale Jesosy vaho nitsara tihoe: “Ry taranake tsy mpino naho simba toetse, zisikim-bia ro tokone hitobohako miarake aminareo? zisikim-bia ro tsy maintse iaretako miarake aminareo? Andeso atoy amiko reke.”
18
Nitsara mafe ty demone Jesosy, le niboake tamine zay vaho le afake tamy zay lera zay iaze ajajalahy.
19
Le namonje ahy ndre Jesosy mangingike reo mpianatse vaho nanao tihoe: “magnino ro tsy nahavita namoake an'igny zahay?”
20
Jesosy nitsara aiereo tihoe: “Noho ty finoa kelenareo. Te ataliliko marene aminareo, laha mana finoa na le kele manahake ty voatsinampe nareo, le afake mitsar amy toy vohitse toy nareo tihoe: 'Mifindrà bak'etoa ho etia,' le hifindra zay vaho tsy hisy na ino na ino tsy ho hainareo atao.
21
22
Laha nitoboke tagne Galilia iareo, le nanao tihoe Jesosy tamy reo mpianane: “TY Anagn'Ondaty le homea eo an-tagna ty ndaty,
23
vaho iareo hamono Aze, vaho ty andro fahatelo le hatsanga Re.” Lasa nalahelo tanterake reoi mpianatse.
24
Lafa avy tagne Kaperinaomy iareo, le nandeha amy ndre Petera reo lehil; ahy ze namore ty haba atsasake ty sekele vaho nitsara tihoe: “Tsy mandoa ty haba atsasake ty sekele vao ty mpampianatsinareo?”
25
Nanao tihoe re: “Eka.” Te laha nizilike tao an-tragno Petera, le Jesosy aloha ro nirehake tamine le nanao tihoe: “Ino ro dinehinao, ry Simona? Reo mpanjaka etoy an-tane, bak'amy ia ro andrambesa iareo haba na habagn'ondaty? Bak'amy reo vahoakine vao sa bak'amireo mbahine?”
26
Lafa nitsara Petera tihoe: “Bak'amy reo mbahine,” le nanao tihoe Jesosy tamine: “Le afake amy ty fandoava zay reo vahoake.
27
Te soa tsy hahampanotantika ty mpitake haba, le mandehana agne amy ty ranomasy, manoraha fita ao, vaho alao ty fia ze miakatse voalohane, lafa voasokatsao ty vavane, le hahisake sekele riha, alao zane vaho ameo reo mpitake haba ho Ahike naho ho anao.”