¹ Ekaheta nkya esansatu Yesu Akatola Petro, Na Yakobo na Yohana mwondogo wehe, abale ta taregolo endelu atii bantu. ² Akarigoka bulya anga bushone bwuobo, bushop bwehe bukoka boo ryioba, ngobi yehe ekaba enjelo boo musenya. ³ Na doghora akaghubekelwa ni Musa na Eliya, bakaghamba nan nene. ⁴ Petro akajokya akamubiela, Yesu, “Mwegeri, Ndijaregu eshie ekolwa oho; wakonda nikeghaya bighoje midatu, kimwe kya yo wee, kimwe kya Musa, na kimwe kya Eliya.”

⁵ Akakolwa abugate, ndoghora kighundu kyielo kikebebeka, na ero eboka kwegolo eboka kighundu ndane, ikabuga, “Oyyo Mwaniwa mukondwa wawa, kamerigwe nuo, mutegeryie.” ⁶ Na batubegeri bulya bojirye bakasega birugunyi bakaryala muno.

⁷ Yesu akabatuba, akabadaba akabalela, “Bokai, rari muhabe ryala?” ⁸ Babokya meso jobo batyati ebana monto, ale ni Yesu weka.

⁹ Na bulya bakorye baharokate tareegolo, Yesu akabatoma, akababiela, “Muhabebela monto rari ou, ekelaga lalelya kilya mubabanire, kya ing'ore ehika ya Mwana wa Adamu yeryoka eboka kwa biryokane.”

¹⁰ Batubegeri behe bakamuborya, bakabuga, “Ale ninjii Baandishi babugaga, kukondate Eliya aje bushone lyerunela?”

¹¹ Nene akajokya. Akababiela, ni nsaba “Eliya nuo akerunela nene akegharerya jonse. ¹² Ale nibabelate, bubulya Eliya najire, bahabe mumanya, ale bake mugharya jalya jonse bakonde mugharya-Na byio bobyio Mwana wa Adamu nene agerate etirirwa kwa miboko yehe.” ¹³ Ndyo batubegeri behe bakamanya abalyamba nabo ekela lya Yohana mbatiza.

¹⁴ Na boo bulya bahikere kimuhyo, monto omwe akamutuba, akamusegela birugunyi akabuga. ¹⁵ “Mwegeri rirera mwaniwa, kwa mamuna ale sansa, ne tirirwa bubeju, mamuna kaneni agwejaga moki ndane, na kaneni mai ndane. ¹⁶ Akamuleta kwa batubageri bayyo bakalemwa emuhorya.”

¹⁷ Yesu akajokya akabuga, “Enyie lubyalo lutyie edekere Mugwe, mutikonde ojya kemutya nenyie kalenga? Kegera nenyie kalenga? Mudetelei kono.” ¹⁸ Yesu akaheda kisolo kyanse, nene amuhuma, mutana wene akahola gero yene.

¹⁹ Nanho naho batubegeri bakatuba Yesu hati bantu bakamubiela, “Tyie eshie tubalemirwe umihumya?”

²⁰ Yesu kababiela kwa bulya edekela lyienyu diriri, mamuna nibabielate ": mwakolwa needekela likangana nangeki ya bulo mukebela ngita eyyo, ekera oho ugere gokyio, na yyoo nekegera, na hikinto kikeba kibibo kwenyu.” ²¹ Na kwa bobyio. Gekekitumune ekera ale kwehela nehinga.

²² Naboo bulya bakorwe bale kwa Galilaya, Yesu akababiela, “Mwana wa Adamu nae jitelwa miboko egolo jya bantu, nabo bakemubolaga- na kya yakadatu nakeryioka. ²³ Bakemubulaga, na nkya ya esatu akeryoka mule bakire.” Batubegeri behe bakemena muno.

²⁴ Na bulya bahikire Kapernaumu, balya badosaga Nusu-shekeli bakatuba Petro, bakamubiela Mwalimu wenyu atihumagya nusu-shekeli? Akababiela nahumagya. ²⁵ Bulya asharire Nyumba ndane, Yesu akarunela emuborya, amubiela, “Obonebo Simon? Bekorani banseeno bahumagya godi anga bushuru kwa bantu kee? Kwa bana boobo anga kwa bageni?”

²⁶ Nene bulya abugire kwa bageni. Yesu akamubiela, “Kola byiobyio, bana hati kilya badosatye. ²⁷ Ebuga tuhabe eghayya bubeju, gera kwa mai egolo ukangane dowana, ukadabe singiri elya ebadabwa bushone na na uhingole kania kehe ohumyie shekeli, niawa na yyayo geraoka mihumyie.”