¹ Mabarisayo na Masadukayo bakamutuba bakamusuma, bakamwehela ababanishie bibugu byie dekyia eboka kwegolo.

² Akabaajokerya, akababiela, “Kwaba kubera mubugaga kubagayya shaghajitune. ³ Nagutune mwabuga nkyeno kukekolwa na lububu, mamuna kwegolo kutune, na kibala, enyi bamba kubele muje edoghora egolo ale mtije emanya mugero jwa mudubugherib jwa nkya jiiji. ⁴ Lubyalu lubeju na lwabusuji lukondate binto byedekekya, na lutumune hebwa binto byedeka nabake banisigwa kilya Yohana agharerigwa.” Akabaha akagera.

⁵ Batubegeri nabo bakagera hareyyo bakobelwa ebala migate. ⁶ Yesu akababiela, “Edoghorei, na eredelei na natororejya barisayo na Masadukayo.”

⁷ Boo bene bakaghirania, “Bakebelana ni kwa bulya tutyati ebala migate.”

⁸ Nene Yesu akamanya, akababiela mbo mubagharania enyie kwa enyie, enyie bedekela riri, kwa bulya hati migate? ⁹ Mtyati emanya, lenge, teryai migate elya eshanu, kwa bantu malubu eshanu na nighobi elega batorotorire? ¹⁰ Anga kwa Mikate muhungati kwa bantu malubu anna, na nighobi elenga batolotorire? ¹¹ Ebaba boo muhabe emanya, tii bobulya bababere mikate na baberire. ¹² Ndyo akamanya ne babiela eledeleni na natoraroru ya migate, na emanyererya lya Mabarisayo na Masadukayo.

¹³ Yesu akagera hara ya Kaisaria, akaborya batubageri behe akabuga, “Bantu babugate Mwana wa Daudi nino?”

¹⁴ Bakabuga, “Bange babugaga ni Yohana Mbatizaji, Bange Eliya, bange Yeremia anga emwwe wa manabii.”

¹⁵ Akababierela, “Naboo nednyie mubugate nie ndou?”

¹⁶ Simoni Petro akajokya akabuga, “We nuwo Kristo Mwana wa Mugwe ale-seryie.”

¹⁷ Yesu akajokya, “Akababiela eng'oni we Simoni Bar Yona, m kwa bulya mubelel na ndaghami tiibyio bikumareryie bibi, ale ni Mugwe wa Kwegolo. ¹⁸ Nanie nie kubelate nuwe Petro, na kwebego lele kuboka Kanisa lyawa, rari milyangu jya kiselo kya nsee kitumune lihija. ¹⁹ Nanie nikekuha wee kihingori kya Bwegeri bwa Kwegolo, na kilya okekiboha nsee eno, kwegolo kyahingolwa.” ²⁰ Ndyoo Yesdu akagirya batubageri behe ahabe monto rari omwe nuo Kristo.

²¹ Eboka mugero jojyio Yesu akarunela ebiela batubegeri behe ekondatwe jyie Yerusalemu na niketirwa muno na balya baketirira balakolo na bakolage ba Makuhani, na Baaandishi, ne bolagwa na nkya ya kadatu na ryioka. ²² Petro akalega ne munegenia, akabuga, “Bibugu bibi jile halehu nawe, Mwegeri, jajyio jatumune kubana.”

²³ Ale Yesu Akahondoka akababiela Petro, “Ehondole suha yawa kiryoka! Ole kinto kyiendija mamuna utii kidemi kya Mugwe, ale kya Bantu.”

²⁴ Mugero jojyio Yesu akababiela Batubageri behe, “Monto woonse, akonde ndohya nelege wee mwene, na ebale Musalaba jwuehe na andohyie. ²⁵ Mamuna olya akerera nkolo yehe na kemyio bya, na monto olya akabya nkolo yehe kwee ebina lyawa nakemibana. ²⁶ Monto akebana njii rari akahebwa nsee eno yonse, naobyie nkolo yehe? Anga akehumyia njii eheta Nkolo yehe? ²⁷ Mamuna Mwana wa Adamu akeja na bugeri bwa Mugwe na Malaika jehe; ndyioakeleha monto woonse gendelu jyiehe? ²⁸ Edekelai nibabielate, Hati bantu kate gate bababemire oho, batumune bana lokyio lyionse, bakeng'oree ebana Mwana wa Adamun ajate na Bwegeri bwehe.”