¹ Mugero jyajyo, Mwekorani herode, ojiryie ekala lya Yesu, ² Akababiela bamilemo behee. “Oyyo nwuo Yohana mubatiza aryokire eboka kwa bakire. Kwa bobyo nguru jiji jile egolo yehe.”

³ Mamuna Herodi nwuo adabire Yohana, akamuhingela, akamujetela gerezani, Kwa bulya yohana, abugire tii nubatola n a wabaka wa mondogo wayyo. ⁴ Na kwa bulya Yohana aberire, “Tibujaregu ekolwa nene bulya mkehe.” ⁵ Herode bulya akondire emubolaga ale akaryala bantu, mamuna baje Yohana munabii.

⁶ Bulya yahikire kya bighoba ebyalwa Herode Mwanabaka Herodia, akarosa bushone bwa bantu, akaghamelya herode. ⁷ Nene akabuga Kwesima nebabiela akemuhaa kilya akemwehela. ⁸ Nene kono akeselatwe ning'ina, akabuga, “Ng'aa oho mutwe jwa Yohana mubatizaji.” ⁹ Nene mkolo wa nsee akererana, kwa Masima jyehe, na kwa balya bamutirye nene balagelate hamwe, akabuga ahebwe mutwe jya Yohana Mubatiza. Akatoma monto mtwe jwa Yohana jukebwe kokyio ahigerwe. Mutwe jwehe jukaletwa bushone bwa Mwanabaka oyyo akahebwa, akakihira kwa ng'ina. ¹⁰ Akatoma monto mtwe jya Yohana Jukebwe gokyio ahigerwe. ¹¹ Mutwe jwehe jukaletwa bushone bwa Mwana baka oyyo akahebwa, akakihira kwa ng'ina. ¹² Mbyo Batubageri behe bakagera, bakatola mubele jyehe bakamuryeka; basuba bakagera bakaebela Yesu. ¹³ Nene Yesu bulya ojiryie, bobyio; akagera akalenjela Muringa jwa mai egolo akagera hantu hatii bantu, hebisire. Na kimuhyo bulya bojire baka baka murohya kwa magolo eboka kwa Mujyene. ¹⁴ Yesu akahuma akabana kimuhyo kineni, akabarera, akabahorya malwala jobo.

¹⁵ Bulya kilahikire kubera, batubageri behe bakamutuba, bakabuga hantu oho bwelo egolo, na ngero nebaheta ngaba na bantu bagere kulya bagerate kwa mujiene, bakegolele byielya jyiobo.

¹⁶ Yesu akababiela, “Hati bwegera, bahei enyi byilelya.”

¹⁷ Akambiela, “Hati gantu oho kilya tule nakyio migate eshanu na singiri ebele.”

¹⁸ Yesu akabuga, “Bidetei oho.” ¹⁹ Mbyo Yesu akambiela kimuha kimutyie manyeka golo akatola migate na singiri jijyo ebele akadoghora kwegolo, akabimisa akagaba mikate jyiene akabaha batubageri, na batubageri na baboo bakaha kimuhyo. ²⁰ Bakalagera bonse bakagha, bakatolotola bityie bya Mikate ghobi ekomi nebele jyiojire. ²¹ Balya barere bale balome malufu atanu, ati baka na bana.

²² Omwe wobo ahika akasimereri batubageri bwehe elejela mashua ne b bahetela bushone yehe egera hareyo mugero jojyio akasegera kimuhyio. ²³ Nene bulya asubire ehabana na kimuhyio akalenjela taregolo akaeehela. ²⁴ Na mashua eyyo ekakolwa ebahika gate gate kamai egolo, kitiriregate muno kwa bighjori bya Mai egolo, mamuna lububu lwale luneni muno. ²⁵ Gere eyyo kwale budiko bwa mbele Yesu akabatuba, agerate na magolo mai egolo. ²⁶ Batubageri behe bulya bamubande agerate egolo lya mai, bakadeka bakabuga, “Kiriryanse,” bakalilana kwa riala. ²⁷ Lenge Yesu akaghamba, akababiela, “Edutumyie nie muhabe ryala.”

²⁸ Petiro akabuga nejokya, “Mwegeri nkolo nwue mbela jije egolo egolo la Mai.”

²⁹ Akabuga, “Enjoo.” Byo Petiro akahuma ndane ya mashua egolo, akagere kwa magolo mai egolo, akatuba Yesu. ³⁰ Ale bulya abande lububu lwa Muyaga, akaryala, akarunela eshala mai ndane ne lilana nebuga, “Mwegeri, ng'oninikya.”

³¹ Yesu akamudaba na kuboko kwehe kaminyigha, akamubiela, “Timubakolwa edekela riri bobyio, Tiinobaryala nubatiribana?” ³² Mbyo Yesu na Petro basabagire mashua egolo lububu lukasira.

³³ Batubageri bale ndane ya mashua bakamughumela, bakabuga, “Byio lile wee ule Mwana wa Mugwe.”

³⁴ Nabo bulya basabagine bakahika nsee ya bagerasi. ³⁵ Na bantu bahantu hene bulya bamanyire bakatoma bantu egera nsee jilya jile mubale, baleta bantu balya bonse batihigatyie.

³⁶ Nabo bakamwehela badabe kisabu kwa ngobi Yehe gyioko, na balya bonse badabire bakaholo malwala jobo lyionse.