¹ Nkyeno Yesu akaboka kwa kayya kaemutya mubale jwa bwelo bwa Mai. ² Kimuhyo kineni kikaemumogana, nene alenjela egolo lya Mashua, akamutya na kimuhyo kionse kikema mubale jwa Mai. ³ Yesu akababiela binto bineni kwa ngangania akabuga, “Doghora, muhorera agewrire ehurera. ⁴ Nabulya akore ahurerate, mbeho jinge jikatonya hadonko na nkondo, nyonyi jikaja jikajilya. ⁵ Jinge jitonyire eghoro egolo, lya ebe ati reri eneni na reri yale ndiri. ⁶ Roba lyakela na bala jikahela, mamuna mirir jitya syare hale njikomoma. ⁷ Jinge jatonyire nmiba ndane na mibwa jikamela jikajigira ebyala. ⁸ Jinge jyatonyire hantu hale reri enjaregu njikabyala emwe, egana na enge milonge esansantu na enge milonge esantu. ⁹ Olya ale kusigero nojyie.”

¹⁰ Batubageri behe bakamutuba, bakamubiela, “Tiininji nubagambaga naboo kwa mwanganio?”

¹¹ Yesu akabajokerya akababiela, “Enyie Mwaghwasewrigwa emana bilya byiebisire bya Mwegeri wa Kwegolo, aleboo batyati eghwaserigagwa. ¹² Mamuna olya wonse alena kinto akeroselwa bineni; ale olya wonse ati kinto, na kilya kyionse alena kyio naketujwa. ¹³ Bobyo nie ngambate naboo kwa mawanganio, kwa bulya badoghjora batibanaga nabojyia na batumune manya. ¹⁴ Na ekalaga lya Manabii Isaya ndibahikela kwooboo, libughhate, Ojyia mukojyia, nanga mutyumune manya, nedogoghora mukadoooghara, anga mutumune ebana.

¹⁵ Mamuna nkolo jya bantu baba jibakolw jirito, naa kwa masikelo joobo jatyiojagia bujaregu, na meso joobo bajarimirye. Bahabe bana kwa meso joobo, bakojya kwa masikelo joobo, bakamanya kwa Nkolo jyiobo bakari kabahurya.

¹⁶ Ale eng'oni meso jyenyu bobulya jabonena masikelo jyenyu bobulya jojagia. ¹⁷ Mamuna edekelai, nibabielate, Manabii baneni na balya batarerwe nsaba, barewreraga ebana jalya mubanate enyie bakalege jabana, neojya jalwa mwojate enyie, balegeojya.

¹⁸ Hai enyie tegerya mwangano jwa muhurera. ¹⁹ Monto ojyia ekalaga la Mwegeri ahabe manya, muromaajaga alihorya halya lihurerwe nkolo ndane. Oyyo mwoahurerwe mubale jwa nkondo. ²⁰ Nene olyua ahurerwe halya hale mibwa, oyo nwuo ojire ekala na akalyiedekela n kweghamela. ²¹ Ale ati miri nkolo ndane, na litolaga hariri, sina nesolwa kwe ekalaga lyiene amerigwa. ²² Nene olya ahurerwe halya hale mibwa. Oyyo nolya ojagya ekalaga l; ya Mugwe ale milemo jya nseno nesasaba lya busabi mbimwo ngomerere ekalaga lilya likahabebyala. ²³ Nene olya ahurerwe halya hale reri njaregu. Oyyo nolya ojagia ekalaga lya Mugwe nelimanya bujaregu oyyo nolya abyalaga lubyalu lujaregu oyo egana oyo nene milonge dandatu na oyyo milonge datu.”

²⁴ Yesu akabahumerya engana lenge akabuga, “Bwegeri bwa kwegolo bwengane na monto ahurere mbeho njaregu biserya bya Mugonda jwehe. ²⁵ Ale kwa eba budiko bubenganana mhoma akaja bantu barare akahurela mbeho mbeju ngano nane jyehe akagere ²⁶ biehe. Kwa eba lenge maryeka jangano jaekoi jabamela nebyala jakabanekana na mbeho eyo mbeju. ²⁷ Batomwa ba mwene wa nyumba bakagera bakamubyela ajage shengerate wahurere mbeho njarehu biserya nane bya Mugonda njwayyo? Jubabokya ko mbeheno mbeju geya?

²⁸ Akamubyiela, ‘Muhoma nwo ajire akahurela mbehono.’ Batomwa bakamubyiela, ‘Ryolo ngo nukunde tukabimagonie?’

²⁹ Akababiela yyengo mhabe bimogoni engera mkonde hamwe na ngano. ³⁰ Bihabei byonse bikole hamwe kung'ore ehika ngera yebu (Murihwane) nikebabyela bimogoniei mubibobohe masukumba masukumba mkabijaghe moki. Ale ngano mumoganiei mkamighaghare bibnondo nnane b byawa.”

³¹ Akabahumerya mwanganiyo junge akabuga bwegeri bwa kwegolo bwenganigwe na mbeho ya Haradali atore monto akahurela mugonda jwehe. ³² Nayo nindiri kwa mbeho jyonse ale yesube emela bejaga n neni kulya kule mho jyonse jya Madighi nja musambura.

³³ Akababiela mwangano junge bwegeri bwa kwegolo bukangenigwa na bugundirye bitorolu- wabaka atore akabisa nkere nane jya monto ejagha mutu najwo jukagunda. Na jwo sei.

³⁴ Bobyo bonse Yesu babiere kimuhyo kya bantu nkwa muyanganiyo okola hati miyengamyo atantiye ebuga kibugu. ³⁵ Ebuga lihikele ekalaga lya bugirwe Munabii kala akabuga, Nketagola kaniya kawa kwa miyanganio nkebuga bilya byabisekire kala na kala.

³⁶ Ryolo ngo Yesu akeguna kimuhyo kwa bantu akashala nyumba nane bamanyerigwa behe bakamutuba bakamubiela tullkalagereryen ng'ine ekalaga lya mbeho mbeju mgonda nane.

³⁷ Akajokya akabuga olya ahurelate mbeho njaregu Mwana wa Mugwe (wa Adamu). ³⁸ Mugonda jwa biserya bibyo ni ngiselo kyanse yonse ale mbeho juyo jijaregu mbana ba Bwegeri (Mugwe) na mbneho eyo mbeju ana bamhom, a mubeju. ³⁹ Muhoma oyo ahurere mbeho mbeju ni Ibilisi murihuane ni nkya ya gisiro kyanse yonsew balya bakebuna Ba Malaika ba Mugwe. ⁴⁰ Na bulya bihukyie bimoganigwa hamwe nejaghwa moki, byioi ekekolwa mudughubelu jwa nseeno. ⁴¹ Mwana wa Adamu aketoma Malaika jyehe naboo bakemogania eboka Mwegeri bwehe bubeju bwonse, na babyo baghayaghia buhombia. ⁴² Nebata kwa mugeleku jwa moki, kwoo kukekolwa na lujuru nebubura magego. ⁴³ Ndyoo balya batarerwe nsaba bakebasabasha booryioba kwa Mwegeri bwa Mugwe woobo. Balya balimasikelo bojyie.

⁴⁴ Na mwegeri wa Kwegolo bwagane na kibondo kyiebisiri mugonde egolo; na bulya monto amibande, akanibisa. Neghamela na akagera akagorania bilya bionse alenabyo, akaegola mugonda jyene.

⁴⁵ Na bwegeri bwa kwegolo bwagane na majurusi asorate lulu enjaregu. ⁴⁶ Nene bulya abande lulu emwe eghamu eneni, akagera akorarania bilya ole nabyio.

⁴⁷ Nalenge Bwegeri bwa Mugw e bwanganigagwa na mutegu, jutegirwe mai ndane jukamogonia singiri jya malangalanga. ⁴⁸ Rari bulya lijore, bakalinyuka mujbale jwa mai, bakamutya bakamogonia balya bajaregagu muringa egolo na balya babejagu bakatebwa halehu. ⁴⁹ Byio egekolwa kyaya mugero jwa nsee eno, Malaika bakeghubuka ne lobola babejagu na balya batarere nsaba. ⁵⁰ Nebata moki ndane, ndyio kukakolwa na ejura nebubura magego.

⁵¹ Yesu akababorya, mubamanya jajyio jonse! Bukamubiela ee.

⁵² Yesu akababiela, kwa bobyio, monto olya aje andeka nesoma Mwegeri bwa kwegolo, angane na monto ale na nyumba ahumatye binto kibondo ndane binto byambya na byakala.

⁵³ Ekaba Yesu bulya asubiri angangania lelyo, akahuma akagera. ⁵⁴ Bulya hikire nsee yehe, akaba manyererya masinangogi ndane jobo, bakadeka bakabuga, “Oyyo amanyire kyo emanya lele neghaya binto byedekya. ⁵⁵ Monto Oyyo timwana wa msema horiga? Ng'ina atibugelagwa Mariamu? Na bandoga behe ni ni Yakobo, Yusufu, simoni na Yuda? ⁵⁶ Na nkeribbyari jyiehe tijiji tule na jyosho, woo abande koo binto bibi byionse.”

⁵⁷ Bakamenigwa mwuo. Ale Yesu akababiela, “Munabii na sogwa, ale tii nse yehe na kwa mwehe.” ⁵⁸ Atyati eghayagia bibugu byie dekya gokyio, mamuna batyatii edekela ekalaga lyiehe.