¹ Mu gihe co Yesu yarangije gano magambo, yaviye i Galilaya agera ku mipaka ya Yudea hakurya ya Yorodani. ² Abandu akangari bamukurikiye, yabakizize indwara zebo.

³ Nuko Abafarisayo barija, bamupima mu magambo ngo: Mbesi bikwiriye ko umundu yotana n'umugore kubera ikibazo coshe?

⁴ Yabashubize ngo: Ndo mwasomire ko mbere na mbere Imana yaremire umugabo n'umugore? ⁵ Aragamba ngo: Kubera ibyo umugabo akasige she na mama we, akabane n'umugore we. Nabo bakabe umubiri gumwe. ⁶ Ndo bakabe bakiri babiri ahubwo umubiri gumwe. Rero ico Imana yahuzize, umundu atagitanya.

⁷ Baramubwira ngo: None si kubera ki Musa yemeraga ko umugabo yandika ibaruwa yo kuyirukana no gutanya umugabo n'umugore?

⁸ Kubera imitima yenyu mibi, Musa yabemereye kugirukana abagore benyu kandi kuri bamwe. ⁹ Ndababwiye kwa kweli, umundu weshe ukayange umugore we atari kubera icaha co gusambaba, agashohweza uwundi, akabe ari umusambanyi kandi, ukashohweze wa mugore akabe nawe arikumusambanya.

¹⁰ Abanafunzi be bamubwira ngo: Iby'abagabo n'abagore bibeye ari guco, ndo ari ngombwa gushohweza.

¹¹ Yesu yabashubize ngo: Ndo ari kila mundu ushobweye kwakira rino gambo, atari babandi bakiriye igambo. ¹² Kubera ko hariho bamwe bavukire ari ibifene, n'abandi bafenesezwe, ariko hariho abandi bakigirire ibifene kubera umurimo g'Ubwami bwo mu juru. Ushobweye kumva gano magambo agakurikize.

¹³ Maze bazenye abana kugira ngo abahireho ibiganja no kubashabira. Abanafunzi be babangira. ¹⁴ Ariko Yesu abwenye ibyo, yagambire ngo: Mureke abana batoto bije iwanje mute kubabuza kubera ko Ubwami bwo mu juru ni ubwebo. ¹⁵ Abahiraho ibiganja, nuko ava iyo.

¹⁶ Yesu yabeye arigutembera, umundu umwe arija yamubwira ngo: Mwalimu uboneye, ni nga ki kiboneye nokora, kugira ngo mbone ubuzima butakashire?

¹⁷ Yamusubizize ngo: Kubera ki urikunyita Uboneye? Uboneye ni umwe gusha, ariko ubeye wenda kubana n'Imana ibihe byoshe, ugitondere amategeko.

¹⁸ Yamubazize ngo: Agahe mategeko? Yesu yamubwiye ngo: Were kwita, were gusambana, were kwiba, were gushinja umundu ububesi. ¹⁹ Wubahe sho na mama wawe, kandi ukunde mwira wawe nguko ugikundaga.

²⁰ Uwo mushore aramubwira ngo: Ibyo byoshe ndabikurikizaga, ikindi gisigeye n'ikihe?

²¹ Yesu aramubwira ngo: Ubeye wenda kuba indungane, genda ugurise ibyawe byoshe, ubigabe ku bakene. Nawe ukabe ukibikiye mu juru, hanyuma wije ungurikire. ²² Uwo mushore yumvisize ibyo Yesu agambire, yababeye, agenda kubera ko yari afite ubukire kangari.

²³ Yesu yabwiye abanafunzi be ngo: Kweli ndabwiye ko bikomereye umukire kuyingira mu juru. ²⁴ Kandi ndabibwiye tena, birorohire kubona ingamiya yingira mu gapfumure k'isindani kuruta ko umukire yokingira m'ubwami bwo mu juru.

²⁵ Abanafunzi be bumvisize batangeye cane. Barabaza ngo: Mbesi none n'inde ushobweye gukizwa?

²⁶ Yesu yabarebire, arababwira ngo: K'ubwenge bw'abandu ndo bishobokire ariko ku Mana byoshe bishobokire.

²⁷ Nuko Petro yashubize aramubwira ngo: None twewe ko twasigire ibyetu byoshe tukagukurikira, tukabone ki?

²⁸ Yesu yababwiye ngo: Kweli mwewe mwangurikiye, mu gihe co guhindura byoshe ngo bibe bishasha, igihe Umwana w'Umundu akabe yikeye ku ndebe y'ububonere bwe, namwe mukayikare kuri za ndebe cumi na zibiri murigucira imanza ubwoko icumi bwa Israeli. ²⁹ Kandi kila mundu ukasige inju ye, abavukanyi be na she na mama we n'abana cangwa imirima kubera njewe akahembwe kali ijana kandi akabone ubuzima bukahoreho.

³⁰ Ariko abandu kangari babonekaga ko ari aba mbere bakabe abo kunnyusirizo, n'ababonekaga ngabo ku nyusirizo bakabe abambere.