¹ Nuko Abafarisayo n'abakarani baviye i Yerusalemu bagendera Yesu bamubwira ngo: Kubera ki abanafunzi bawe batari kubaha imigenzo y'abambere? ² Ndo bakarabaga indoke mbere yo kurya.

³ Yabashubize ngo: Ni kubera ki namwe mutumviraga amategeko g'Imana, ahubwo mugahira imbere imico yenyu? ⁴ Imana yagambire ngo: Wubahe sho na mama wawe, kandi ukatuke She nangwa mama we akapfe ako kanya.

⁵ Ariko mwewe murikugamba ngo kila mundu ukabwire she na mama we ngo: Ibyo ngombaga kubafashisha bikave kwa Data. ⁶ Uwo ndo akabe yubahire she. Ingeso na kamere zenyu byatumire Igambo ry'Imana ryapoteza agaciro. ⁷ Mwewe ndimanganya mwe, murikwenda kwerekana ko kila mundu aboneye. Isaya yababuriye ngo: ⁸ Bano bandu banyubahaga ku kannwa gusha, ariko imitima yebo iri kure yanje. ⁹ Berekanaga ko bari kunyubaha, kandi barikukigisa ibihwenye n'ingeso zebo.

¹⁰ Nuko yayakwiye ihuriro ryoshe, bamusanga, arababwira ngo: Mwumve! ¹¹ Ndo ari ikindu cingiye mu kannwa gihumanyaga. Ariko ibiviye mu kannwa, nibyo bibi.

¹² Nuko abanafunzi be barija bamubwira ngo: Wiji ko Abafarisayo bababezwe na bya bindu byo wagambire? ¹³ Arabasubiza ngo: Imbuto zoshe zitaterirwe na Data, akazirandure. ¹⁴ Mubareke abo n'abayobozi b'imbumyi kandi imbumyi iyobweye iyindi zombi zigwaga hamwe mu cobo.

¹⁵ Petro yabashubize ngo: Tugambire ugo mugani.

¹⁶ Ariko si na mwewe kugeza na bunoya ndo murakamenya ico bigambire? ¹⁷ Ndo mwiji ko ikinyurire mu kannwa kijaga mu nda kinyuriye mu njira yaco? ¹⁸ Ariko ibindu byoshe bishohokaga mu kannwa bibaga biturukire m'umutima kandi byerekanaga ico umundu arico, bikamuzambya. ¹⁹ Kubera ko m'umutima g'umundu havagamo ibitekerezo bibi: ubwitanyi, ubusambanyi, kugifuza umugore w'uwundi, ubusambo, kubeserana no gutukana. ²⁰ Binoya nibyo bitumaga umundu yaba mubi. Ariko kurya udakarabire ndo bihurize n'ingeso zenyu.

²¹ Yesu yaviye aho handu yigira kurya hafi ya Tiro na Sidoni. ²² Umugore w'umukanani aturuka hakurya, arikwabira cane ngo: Mbabarire, Nyagasani, mwene Daudi, umuhara wanje yafatirwe n'ibizimu.

²³ Ariko Yesu atamushubiza ikindu. Abanafunzi be barija, bamuhendahenda ngo: Nyabuneka mubyire agende kubera arikutuyombera.

²⁴ Yesu yabashubize ngo: Ndo mwiji ko natumirwe gushaka no gukiza indama zaherire za Israeli?

²⁵ Nyuma, wa mugore arija, apfukama imbere ya Yesu arikugamba ngo: Nyabuneka mvashe.

²⁶ Yesu yaamushubize: Ndo biboneye gufata ibiryo by'abana bo murugo no kubiterera utubwana.

²⁷ Uwo mugore yamushubize ngo: Ndabyemeye Mwami, ariko imbwa nazo zifite uruhusha rwo gutoragura ibya menekire hashi y'imeza ya patro.

²⁸ Nuko Yesu yamushubize ngo: Wa mugore we, kukizera kwawe kurakomeye; none bibe nguko wagifusize. Ako kanya umuhara we arakira.

²⁹ Yesu yaviyeyo, agera ku ngengero y'ingezi ya Galilaya atarama umusozi yikara yo. ³⁰ Abandu kangari bamusangire yo, bajenye abarwayi bebo, ibirema, abapfiye matwi, ibiragi, n'abarwayi akangari bu bwoko butandukenye. Babarambikire ku bisando bye, hanyuma arabakiza boshe. ³¹ Abandu boshe batangeye babwenye ibirema bikirire, ibiragi birikugamba, abatumvaga barikumva, imbumyi zirikureba, maze baragisima, bahimbaza Imana ya Israeli.

³² Yesu amarire kwakura abanafunzi be, yagambire ngo: Mbabariye bano bandu bo tumarenye imisi ishatu batari barya no kugnwa. Kandi ndo ndenda ko bagenda guco, batagwa mu njira bapfiye injara.

³³ Abanafunzi be bamubazize ngo: Hanoya m'ubutayu si turakura hehe imikati yo guhaza abandu akangari boshe? ³⁴ Yesu yababazize: Mufite imikati zingahe? Bamusubiza ngo: Dufite imikati irindwi n'uduhere tunnyori.

³⁵ Nuko yabwiye abandu boshe ngo bikare hashi. ³⁶ Yafatire imikati irindwi na twa duhere ashimira Imana, ahereza abanafunzi ngo bahe buri mundu. ³⁷ Abandu bariye no guhaga. Batoragwiye imisigara yujwiye mu bisobane birindwi. ³⁸ Abandu boshe bariye no guhaga bari bagerire ku bihumbi bine hatarimo abagore n'abana.

³⁹ Yemerera abandu boshe ngo batahe iwebo, naho we yingira m'ubwato yigira hakurya ku mipaka na Magadani.