Ejel 13

KOLITUTUK MIAMA PHING TEI MIMEGA

1 Fid anga gadang, Yesus egomi kaluar jema poe jial kolang gadingkil mimiha. 2 Nama tohing rai gola adu Geng goleng. Gang angami e'tang mida miha, ibase nama tohing rai phuat gadingkil mi mate. 3 Gang il tohing rai miama giala tutuk, ibase koli tutuk gomi, ubagang gagiani, “Phing tei gamanusia anu, gang bola jema phing tei, 4 Ga phing tei gomi, phing kafa li adedeng, fiag gadingkilmi mugu, anga gelang aduang adu kede migaphohing. 5 Phing ebeng anga, meke fal tang jia tang haru, gameka tohing banaga, gang sekali philing ibase, meke anga ka kula banaga, 6 Phing phili ng fid mada u'kalila, anga gelang, fid gaharak godu, oli meke ka kula banaga, oli ga bariking hela fal ugahala, gelang phing philing malotil tarus amina. 7 Oli ping gaebeng bukal magang gomimi mugu, bukal magang philing geng tei. 8 Agani ibase ping ga ebeng anga meke nua tang mugu, gang gahi miama u, joa gahi gatohing ratu anu, joa anga gahi gatohing kartalaung, oli joa anga gahi anga gatohing karatoga. 9 Nama alalang ba gafeli u angase gafeli anga miama uhalela umagia.

YASUS KOLI TUTUK MIAMA NAMA AJAR

10 Angmuse Yesus gasa kola gonong adu angmi Geteng, “Getabaniba ang koli tutuk gomimi mia ging ajar?”

11 Yesus angami gi hur balas, Ing anga nama surga garahasia miama ma minang jema. Ibase ging anga nama ka garasia miama maginang banaga. 12 Tami namaba geg u' angase nama miama maginang, anga gelang mang tang tohing magala. Agani ibase, namaba geg ka ubana ga, angase neningba ae geng u' anga, ajimi-ajimi nama bale mia migaphohing. 13 Anga gelangba Nang koli tutuk gomi miama giala tutuk, anga hise ging ae ga uling jia agani ibase, gingka geli banaga. oli ging ae uha lela jia agani ibase gingka umagia banaga, oli gingka mangarati banaga. 14 Mia ma gidang anga emang hula Yesaya ubagang jema molo, 'Ifeli a'e ing miama uhalela umagia, agani ibase ing ka gamanggarati geli banaga. Oli ieng a'e ing miama il gau ling, agani ibase ing ka uling geli banaga, oli ingka gapa hang anga geli banaga.
15 Sebab bangsa adi gonong giomi anga ana mang jema Oli gifeli anga pomalas miama uhalela, Ging oli gieng anga utiali miama gadang. Kalo bola ka agani banaga angase, ging kuli gieng miama gauling, ging kuli uling geli, oli Ging gifeli miama uhalela, ging oli bisa giomimi ga manggarati geli, Anghise ging kuli bale mate Nola adu sengmuse ging angami mona.
Yaesay 6:9-10
16 Agani ibase berkat mia ma ieng kafali gadang sebab ing uling geli, oli miama ifeli gadang sebab ing umagia. 17 Nang tatabi miama iala tu tuk, nabi tohing oli nama ha molang tohing, bola ilba ing uling geli adi bola geli, iba se gingka uling geli banaga. Ging oli bola ilba ing umagia jia adi gindi bola umagia aga ni ibase gingka umagia bana ga.”
KOLI TUTUK MIA IL TEI GADANG GAMANGGARATI

18 Anga gelang, ifeli mia ma koli tutuk phing farehak gamaggarati adi umagia,

19 Namaba sorga abang gahur dal adi uhalela, ibase ka manggarati banaga, seta ng angmi adu firmanba ging miama giomimi mega anga rampas. Adi namaba phing miama fiag gadingkil mimu ding gamanggarati.

20 Namaba phing miama meke fal tang muding anga, namaba suka firman uhalela tarus tarima usuka nafera gomi, 21 Ibase gabariking ka kulami banaga, anga gelang ging mang tahang ol edeng. Oras nama ging gene susa, oli nama gijajahing karna firman gelang, anga muse gi'iman phenang angami mugu kola.

22 Phing ba bukal magang gomimi mugu hela phenang ba namaba hur dal uhalela umagia, duni rupa-rupa gene miama gidang, bisa kafasa u pikir, ta' ali talaleko miama giaphe tal gadang, gaumate mi firman ka gahi ubanaga.

23 Agani ibase firman ba meke nua mihela anga, nama ba firman anga uhalele, ging umanggarati sengse miama gomimi mega, ging angaba tabi-tabi gahi miama u, gato hing anga joa 100, ajoa gato hing anga 60, oli gajoa anga gahi miama u' 30.
KOLI TUTUK MIAMA LUAL OLI ALAK MIGAU

24 Yesus oli koli tutuk ebeng banu miama magi nang, Gang sarinta gagiani, Sorga abang anga, nama koli tutuk miama phing nua ba nama phana iladagal gomimi tei' 25 Agani ibase, il kakua nama a'e ta jia angmuse, setang adu, meng kafali pha na alak kafali anga gahaha mami tei seng muse gang jema. 26 Jema gaorasmi phing phenang philing mada bola gahi miama u, anga mu se meng angadi nama uling geli. 27 Angmuse, palika mana king gamalal anga gonong adu palika manaking getang, 'Nimang mianu angkalu phing nuaba niohi phana iladagal mi tei? Angase meng anga ta'ang gegoami adu?

28 Angmuse Gang giala tutuk sebola. Anga setangba gakarajang agani. Angmuse gamalal phenang gala tutuk ubagang bola, 'Kalo, ang ujalise ning jema phating miama to kumpul mega?

29 Palika manaking anga ubagang sebola, gajia! Seba b ing kalo jema meng anga phating kumpul angase, ing bisa meng miama alakdi ga la hama-hama phating. 30 Biarla alopi ugalolang gang philing hama-hama sampe jema gaoras olu uhi la. Gaoras bola oluse, nang namaba phing muding ang a giala tutuk, Gahalomang ing meng angaba gatula phating pata tili kumpul sengse miama ad faling mi phei. Agani ibase alak anga ing olu sengse miama gapa la mi gamihing.
SORGA ABANG GARUPA MI AMA SAFI OLI MUR KAFALI MIMEGA

31 Sengmuse Yesus ang mi koli tutuk ebeng anu miama gila tutuk, ubagang gagiani, Sorga abang garu pa anga, emang hula safi ka fali ba nama miama ilada gal gomimi farehak. 32 Il kafali anga geng mi'ol, dari il kafali ribu, ibase gang phi ling mada phenangba, lebe miphal dari phalegal ribu gala hama banaga. Garupa anga te phal anu molo, adu ang ribu burang gomi ajimi adu, gafilik miama gatang tang gene.

33 Sengmuse Yesus angmi koli tutuk ebeng anu miama giala sarinta, “Sorga Abang garupa anga emang hula mur gajoang, nama hi al anu gang mur mia, seng muse gang oli topong ge las atoga miama mur anga ugau, sengmuse gang ajimi miama to ado sampe ajimi jadi anu.

34 Il ajimiba Yesus bola tutuk miama nama tohing rai gidang, Gangka bola ko li tutuk banaga anga naga, ajimi Gang mang koli tu tuk miama nama tohing rai giala hama. 35 Agani ang hise jema nabi-nabi gono ng gitutuk ubagang anga gene gakanapmi. “Nang kuli nag buka miama giala tutuk koli tutuk gomimi mi ama giala tutuk ubagang. Nang kuli ilba taphuning mulai dunia jadi bado gomi mi anga, Nang miama giala tutuk.
Mazmur 78:2
KOLI TUTUK MIAMA LUAL NAPAHA ILADAGALGOMI PHILING GADANG

36 Gaumate Yesus anga mi nama tohing rai anga gio hapha, Gang egomi ma so. Angmuse gasakola go nong adu Geng harak ging gala tutuk, “Ambake koli tutuk miama meng tohing rai iladagal gomimi anga gamanggarati mia niala tutuk.”

37 Gang gihur balas miama magi nang sebola, Namaba iladagal mi phing nua tei anga Lahatala Ga fal. 38 Iladagal anga phenang ba dunia adi. Phing nua anga namaba parsaja. meng anga nama phela, 39 Phalongba miama tei phenangba iblis, oli oras uolu anga burang palika gaumate mi, oli namaba adu olu anga Gamalaikat.

40 Mengba nama pata tili sengse, miama ad huling mi phei. Agani dise jema ga umatemi, 41 Lahatala Ga Fal kuli gamalaikat ging gahing, sengse ging kuli kuphat fal ba fiag gomimi jia nama ukuphat, sengse gingba oli phela gahalang ukarajang ae ga'abang gomimi. 42 Gang kuli ging miama ad huling ga tutuk fal gomim iphei. Mana anga ko hanuleng, oli susa lala ba'ae gomimi ani gegjia. 43 Agani ibase, na ma hamolang anga ging liali, emang hula fid fede lia li anga molo, toe Pimang Ga abangmi. Nama alalangba gafeli u'se biarla miama uhalela.
SORGA ABANG GARUPA EMANG HULA PASAKA OLI MUTIARA TAPHUNING OLO

44 Sorga abang garupa emenghula, pasaka taphu ning iladagal gomimi, nama harak sengmuse, nama oli bale gaphuning mega. Gang rasa sanang anga ge lang gakafasa ajimi gang aphali, sengmuse gang ila dagal anga pheli.

45 Tang oli sorga abang anga garu pa emanghula nama da gang bola mutiara enas go la molo. 46 Gang mutia ra anu harak, gaphili phal talalu, anga gelang gang jema gabarang anga gono ng ajimi aphali sengmuse, gang miama muti ara anga pheli.”
SORGA ABANG GA RUPA ANGA EMANG HULA POKO AB AFING MOLO

47 Agani dise sorga abang garupa anga emang hula pokoba nama miama tang gomi phei, gang ab ru pa-rupa anga ajimi kum pul. 48 Jema poko ab afing, ging biri adung tang mada, sengmuse ging miha ab ganua anga kumpul mia ma gahora phal-phal gomi mi, ibase gaphela anga gang phei. 49 Il garupa agani gang kuli jadi oras gaumatemi, malaikat ajimi kaluar, Gang kuli nama phela, nama nua gahahamami olu, 50 Sengse nama phela Gang miama tutuk fal ad faling gegjia miphei. Mana anga, susa lala ko hanuleng ba'ae angami.

51 Angase ing il adi ga manggarati geli?” Ging gala tutuk sebola, “ya ning geli.”

52 Angmuse, Yesus ang mi giala tutuk, “Anga gela ng Taurat gaboma ba ging miama sorga abang gasa kola gene, Ging anga ema ng hula, emanakingba pasa ka haba ba'ae pasaka fege ng gahahamami, gang mia galahela.”
YESUS GA'ABANG GOMIMI NAMA GATOMBA

53 Yesus angmi koli tutuk, ututuk gaumatemi sengmuse Gang angami mate lamal jema. 54 Gang jema moe ga' abang mamolo mi, Gang gi e'sam bajang gomimi na ma ajar, angmuse ging he rang, ging tutuk bola, Nama adi Gang tatami bisa pintar oli tanda herang adi mia? 55 Kalu Geng adiba, na maba te' ukarajang anga gafal? Geng adiba gifa ang a gane Maria, oli gakaku gonongba, Yakobus, Yusuf, Simon oli Yudas? 56 Kalu oli gakaku hial anga gonong ba gie pihahamami, gie ma na adimi? Kalo aganise Nama adi Gang tatami senghise il adi gonong Gang tarima?” 57 Geng gelang ging rasa ka enas banaga. Aga ni ibase Yesus giala tutuk, “Nabi anu nama Geng uada, suma kalo ga'abang mamolo gomi.”

58 Gang oli ka tanda herang tohing talalu ukara jang banaga, karna ging ka Geng parsaja banaga.