¹ Yesu kingiriti mu boti, karokiti na kusaka mu muji pakaweliti kalikala. ² Guloli, wamjega muntu yakapooza wamgonjeka mu ligodoru. Pakaoniti imani yau, Yesu kamgambazia muntu yakapooza, “Mwana gwangu, guweri na furaha, madoda gaku garekeziwa”

³ Guloli, muwamu wafunda wa sheria walitakuzia womberi kwa womberi, “Muntu ayu kankufuru” ⁴ Yesu kavimaniti mawazugau na kuzumba,” Kwa ntambu gaa murihora madoda mu mioyu yenu? ⁵ Shi shashiwera yeuka kuzumba,' Madoda gaku galekeziwa' ama kuzumba,' Gugoloki na gugendigendi?' ⁶ Viraa muvimani kuwela mwana gwa Adamu kana uwezu wa kusamehe madoda... “yakazumbiti aga kwa uli yakapooza, “Gugoloki, gutori ligodoru laku, na gugendi ukaya kwaku” ⁷ Su muntu uliya kagoroka na kugenda ukaya kwakuyi. ⁸ Makutanu pawaoniti aga, washangaiti na kumkwisa Mlungu, yakawela kuwapanana uwezu agu wantu.

⁹ Na Yesu pakaweliti yakapita kulawa panu, kamuoniti muntu yakawela wamshema kwa litau Mathayo. Yakaweliti kulivaga sehemu ya watoza ushuru. Na yomberi kamgambazia,” Gufati neni" Na yomberi kagoroka na kumfuata. ¹⁰ Na Yesu pakalivagiti ili kalii shiboga mnkati mwa numba, wiziti watora ushuru wavua na wantu wadoda pawashiriki shiboga pamuhela na Yesu na wafundwa wakuyi.

¹¹ Su Mafarisayo pawaoniti aga, wawagambizii wafundwa wakuyi? “Kwa shishi mfunda gwenu kamkulia shiboga pamuhela na yawatoza ushuru na wantu wadoda?”

¹² Yesu pakapakaniliti aga, na yomberi kazumbiti, “Wantu yawawela na afya iherepa apa wamfili mganga, aipoti walii yawawela wagonju. ¹³ Iwapasa mgendi mwakalifundi mana yakuyi, “Namfira rehema na si dhabihu" Kwa kuwela niziti, si kwa wana haki kutubu, viraa kwa yawawela na madoda.

¹⁴ Su wafundwa wa Yohana wiziti kwakuyi na kuzumba,” Kwa ntambu gaa twenga na mafarisayo tufunga, viraa wafundwa waku wafunga ndiri?”

¹⁵ Yesu kawagambazia, Je yawasindikiza waruhusu waweza kuwela na hiuzuni lishaka Bwana harusi pakawela pamuhera nawa? Niraa lishaka liza ambapu bwana harusi akatolwi kulawa kwa womberi, na su pawafunga.

¹⁶ Kwahela muntu yakatula shipandi sha nguu yasyai mu nguu ya makashu, shirika ashipapulwi kulawa mu nguu na mapasuku mkulu agalawiri. ¹⁷ Kwahela wantu yawatula mvinyu gwa syayi mu vyombu vya mvinyu vya makashu, paiwela pawatenda, ngozi aidegeki, mvungu aulawi na ngozi aiharibiki. Badala yakuyi hutula mvinyu gwa syayi mu ngozi ya syayi na vyoseli aviweli salama.

¹⁸ Lshaka Yesu pakaweliti pakawagambira mambu aga, guloli, kiziti afisa kasujudu palongolu pakuyi, nayomberi katakluliti, “Binti gwangu kasokela punde, viraa gwizi na kutura mawoku gaku kumpindi kwakuyi na yomberi akalikali kayi. ¹⁹ Su Yesu kagoroka na kumfata na wafundwa wakuyi viraa. ²⁰ Guloli, mwanamdakla yakaweriti kulawa na mwazi kwa muda gwa miaka kumi na miwili, kiziti pakwegera na Yesu na kubata sehemu ya pindo la vazi lakuyi.

²¹ Kwa kuwela kazumbiti. “Pawela paniribata vazi laku na neni ampati kuponaziwa.”

²² Yesu kagalambuka na kumlola na kumgambira. “Binti, gujipi moyu, litumbiru laku likutenda guponi,” Na muda gulagulii mwanamdala kapatiti uponyaji muda gulagulii.

²³ Na Yesu pakafiki munumba mwa afisa, nayomberi kawaoniti wakoma tarumbeta na umati wa wantu uweliti pa ukoma umatu. ²⁴ Na yomberi kazumba, “Muuki panu, kwa kuwera binti kufua ndiri, bali kagonja. Viraa womberi wamsekiti na kumkebehi. ²⁵ Na wali wantu pawalaviiti kunja, na yomberi kingiriti kushumba na kumbata liwoku na msichana kaamkiti. ²⁶ Na habari azi zitangaliti mu mji goseli.

²⁷ Su Yesu pakaweliti pakapita kulawa pali, wapalu wawili wamfatiti. wendereiti kupaza sauti pawazumba, “Turua guturehemu, mwana gwa Daudi.” ²⁸ Su Yesu pakaweliti kusoka mu numba, walii vipofu wiziti kwa kuyi. Yesu kawagambazia,” Mjimila kuwela weza kutenda?” Na womberi wamgambazia, “Yina, Mtua”

²⁹ Su Yesu kagusiti masu gau na kuzumba" Na itendeki hangu kwa mwenga gambira litumbiru laliwela” ³⁰ Na masu gau gavumbukiti. Su Yesu pakasisistiza na kuwaamuru na kuzumba,” Mloli muntu yoseli nakavimana kuwela lijambu ali.” ³¹ Viraa wantu hawa wawili waukiti na kushowa habari azi sehemu zoseli za mji.

³² Su walii wapalu wawili pawaweliti wankugenda zau, Guloli muntu yumu bubu yakapagawitwi na mashamshera wamjegiti kwa Yesu. ³³ Na shamshera pa wamlaviiti, uliya muntu bubu kanjiti kuyowela. Umati ushangaiti na kuzumba “Ali aleniwahi kulawila mu israeli.

³⁴ Viraa Mafarisayo waweliti pawazumba" Kwa kuwela gwa shamshera kawawinga shamshera”

³⁵ Yesu kagenditi mu miji yoseli na vijiji, na yomberi kendeleiti kufunda mu masinagogi, pakashoa mu ufalme na kupanazia wagonju wa kila aina udhaifu wa kila ntambu zoseli. ³⁶ Lishaka pakaguloliti umati, na yomberi kuwaonera huruma kwa kuwela wasumbuka na kumegeka mioyu. Waweliti gambira kondoru yawahela mchungaji. ³⁷ Naye kawazumbiti wafundwa wakuyi,” Mavuno gavua, viraa watenda kazi wadidini. ³⁸ Hangu su kulongora mumgambiri Bwana gwa mavuno, ili kuwela kawalagalili wa ndumindumi mu mavuno gakuyi.”