¹ SuYesu kalongoziwitwi na Rohu mpaka kujangwa su kajerwi na ibilisi. ² Pakaweliti kamkufunga masiku arobaini paluhala na pashiru kapatiti njala. ³ Mjaribu kiziti na kumgambila,” Handa gwenga gwa mwana gwa Mlungu, gwamuru mabuhi aga gaweli mikati.” ⁴ Viraa Yesu kankula na kumgambira, “Ilembwitwi, 'Muntu apa kalikali kwa mkate gwka yakuyi, bali ni kwa kila shisoweru shashirawa mu mlomu mwa Mlungu.'” ⁵ Su ibilisi kamjegiti mpaka mu mashi mananagala na kumtura mahali pa kumpindi sana pa lijengu la hekalu, ⁶ na kumgambira, “Handa gwenga gwa nwana gwa Mlungu, gulyosi pasi, kwa irembitwi,' Akaamuru wamahoka wakuyi wizi kuwadaka; na' Na awakugolosii kwa mawoku gau, su nagulikwala liglu laku mumabuhi.” ⁷ Yesu kamgambira,” Kai ilembwiti,' Nagumjera Mtua Mlungu gwaku.”'

⁸ Su, ibilisi kamtora na kumjega sehemu ya kumpindi zaidi kumlangazia falme zoseli za ulimwengu na fahari ya aga geseli. ⁹ Kamgambira,” Anikupanani vintu vyoseli avi pagusujudu na kunabudu.” ¹⁰ Su Yesu kamgambira, “Gugendi zaku guuki panu, Shetani! kwa maana ilembwa, 'Ikupasa kumwabudu Mtua Mlungu gwaku na gumtumikili yombeli gweka gwakuyi.'” ¹¹ Su ibilisi kamleka, na guloli, mahoka wiza kumtumikila.

¹² Su Yesu pakaikaniliti kuwela Yesu wambata, kawukiti mpaka Galilaya. ¹³ Kaukiti Nazareti kagenditi na kulikala Kapernaumu yaiwela kando mwa bahari, ya Galilaya, mumipaka mwa majimbu ga Zaburoni na Naftari. ¹⁴ Ashi shirawiliti kutimilika shiri shashizumbitwi na nabii Isaya, ¹⁷ Tuka lishaka lilia Yesu kanjiti kubwela na kuzumba, “Mtubu, kwa kuwela ufalme gwa Mlungu wa pakwegela.”

¹⁸ Pakaweliti pakagendagenda kada ya Galilaya, kawaoniti walongu wawili, Simoni yakaweliti wamshema Petro, na Andrea kaka gwakuyi pawatega nyavu baharini, kwa kuwela waweliti wavuvi wa wasomba. ¹⁹ Yesu kawagambazia,” Mwizi munfati, aniwatendi kuwela wavuvi wa wantu.” ²⁰ Mara yimu wazilekiti nyavu zau na kumfata.

²¹ Na Yesu pakaweliti kamkwendelea kulawa pali kawaoniti kayi walongu wawili wamonga. Yakobo mwana gwa Zebedayo, na Yohana kakagwakuyi waweliti watika mtumbwi pamuhela na Zebedayo tati gwau pawasona nyavu zau. Kawashemiti, ²² na mara yimu walekiti mtumbwi na tati gwau nau wamfatiti.

²³ Yesu kagenditi karibu na Galilaya yoseli, pakafunda mu masinagogi gau. Pakabwela injili ya ufalme, na pakamponazia kila aina ya maradhi na magonju mu wamwa wantu. ²⁴ Habari zakuyi zitangaliti Siria yoseli, na wantu wakawajega kwakuyi woseli yawaweliti warula, pawawela na maradhi mbalimbali na kutama, yawaweliti na mapepu, na wana shifafa na yawapooza. Yesu kawaponazia. ²⁵ Umati mkulu wa wantu wamfatiti kulawa Galilaya, na Dekapoli, na Yerusalemu na Uyahudi na kulawa kumwambu kwa Yorodani.