¹ Kwa lishaka ali, Herode kapikanila habari kumpindi ya Yesu. ² Kawagambira wantumi wakuyi,” Ayu ni Yohana mbatizaji kafufuka kulawa mu wafu. Kwa ndambu ayi makakala ga kumpindi kwakuyi.”

³ Kwakuwela Herode kaweliti kamkana Yohana kumtawa na kumwasila mu ligereza kwa ntambu ya Herodia, mdara gwa Filipo kaka gwakuyi.” ⁴ Kwa kuwela Yohana kamgambiriti,” Si halali kumtora yomberi na kuwela mdara gwakuyi.” ⁵ Herode akamwilagi viraa kawaoniti wantu kwa kuwela kamwoniti Yohana kuwela nabii.

⁶ Viraa lishaka la kuzaliwa Herode paifikiti binti gwa Herode kaviniti pakati pa wantu vna kumfirizia Herode. ⁷ Pakati pakankula kili kahaiditi kwa shiapu kuwela akampanani shoseli shanakamruwi. ⁸ Badala ya kushauriwa na mau gwakuyi, pakazumba,” Gunupi neni panu mu shikombi mtuwi gwa Yohana mbatizaji.” ⁹ Mfalme kaweliti na sikitiku kwa mabu ga binti viraakwa ajili ya shiapu shakuyi, kwa kuwela woseli yawaweriti mushiboga pamuhera na yomberi kaamuru kuwela impasa itendeki. ¹⁰ Kalagalila Yohana kajegwi kulawa muligereza. ¹¹ su wamdumuri mtuwi gwakuyi, na kushijega pampindi pa sinia na kupananwa binti na kujega kwa mau gwakuyi. ¹² Su wafundwa wakuyi wiziti kutora shimba na kuizika, baada ya ali wagenditi kulawa kumgambira Yesu. ¹³ Na yomberi Yesu pakapikaniliti aga, pakalibaguliti kulawa mahali palia kakwena mkati mwa mashua pakagenda mu sehemu yaibagulwa. Lishaka umati pauvimaniti, wamfatiti kwa maguru kulawa ku mjini. ¹⁴ Su Yesu kiziti kulongolu pau kaguona umati mkulu. Kawaonela huruma na kuponazia magonju gau.

¹⁵ Jiopni paisokiti, wafundwa wakuyi wiziti kwakuyi na kuzumba, “Ayi ni sehemu ya lijangwa, na siku kalaipita. Guwatawanyi makutanu ili wagendi vijijini wakahemeli shiboga kwa ajili yau.

¹⁶ Viraa Yesu kawagambira,” Kwahela haja ya kuuka zau. muwapi mwenga shiboga”

¹⁷ Wamgambazia,” Apa twana mikati mitanu na wasomba wawili tu”

¹⁸ Yesu kazumbiti, “Muijegi kwa neni.” ¹⁹ Kisha Yesu kaamuru umati kulivaga pasi pa mihamba. Katoriti mikati mitanu na wasomba wawili. Katoriti kumpindi, kaubariki na kukumega mkati na kawapanana wafundwa. Wafundwa wakawapanana ²⁰ umati. Waliiti woseli na kukwita. Su wakusanyiti vipandi vyoseli vya shiboga na kumemazia mu vikapu kumi na viwili. ²¹ Walii ya waliiti wakadiria kuwela waparu elfu tanu bila ya kuwalanga wadara na wana.

²² Mara yimu kawaamuru wafundwa wakuyi wingiri mkati mwa mashua, lishaka ali yomberi auwaga umati ugendi zau. ²³ Badala ya kuaga umati ugendi zau, kakwena kumpindi kulugongu kuluwa gweka yakuyi. Lishaka paiweliti jioni kaweliti gweka yakuyi. ²⁴ Viraa vinu mashua paiweliti pakati pa nbahari paiyumba kwa ndambu ya mawimbi, kuwela upepu uwela wa mpisho. ²⁵ Lishakan la pashiru la nzamu ya msheshi Yesu kawakaribia, poakagenda kumpindi kwa mashi. ²⁶ Lishaka wafundwa wakuyi pawamwoniti pakagendagenda kumpindi mwa bahjari, wahofu na kuzumba,” Ni mzuka" na kukoma umatu mu hali ya kutira. ²⁷ Yesu kawagambazia marayimu, pakazumba,” Mujipio moyu! ni neni namtira.”

²⁸ Petro kamwankuliti kwa kuzumba,” Mtua, kama ni gwenga, guamuru nizi kwaku kumpindi kwa mashi.”

²⁹ Yesu kazumbiti, “Gwizi.” Vinu Petro kalawiti mkati mwa mashua na kugendagenda kumpindi kwa mashi kugenda kwa Yesu. ³⁰ Viraa Petro paklaoniti mawimbi, katira, na kwanja kuzama, pasi, pakashema kwa sauti na kutakula, “Mtua, gunopili!”

³¹ Kulongolu Yesu katarazia liwoku lakuyi pakamnyasura Petro, na kumgambazia, “Gwenga gwana imani ndidini, kwa ndambu gaa guweliti na mashaka?” ³² Su Yesu na Petro pawangiliti mu mashua, upepu ukomiti kuvuma.

³³ Wafundwa mumashua wamwabudu Yesu na kuzumba, “Nakaka gwenga gwa mwana gwa Mlungu.”

³⁴ Na pawaweliti waloka kala, wasokiti mu nchi ya Genesareti. ³⁵ Na wantu wa lieneu lilia pawammaniti Yesu, waragaliliti ujumbi kila sehemu za mkandu. Na kujega kila yakawela mgonju.

³⁶ Wamsii kuwela kubata pindu la vazinlakuyi, na wavua yawabatiti waponiti.