¹ Lishaka ali Yesu kagenditi lishaka la sabato kupitira mumarambu. Wafundwa wakuyi waweliti na njala na kwanja kugamega masuke na kuliya. ² Viraa Mafarisayo pawaoniti aga, wamgambazia Yesu" Guloli wafundwa waku wakuimega sheria wakutenda lishaka siyiusiana na lishaka la sabato”

³ Viraa Yesu kuwagambazia,” Msoma ndili ntambu Daudi yagagenditi, lishaka pakaweliti na njara, pamuhela na wantu yakaweliti nawa? ⁴ Ndambu ya kingiriti mnkati mwa numba ya Mlungu na kulia mikati ya wonyeshu, ambayi iweliti ndiri halali kwakuyui kulia na walii yakawela nawa, viraa halali kwa makuhani? ⁵ Badu amwenisomi mu sheria, kuwela mu lishaka la sabato Makuhani mnumba mwa hekalu huitenda najisi sabato, viraa wahela hatia? ⁶ Viraa nakutakula kwa mwenga kuwela yakawela mkulu kuliku hekalu kapanu. ⁷ Gambira pamvimana hangu imanisha shishi; fira rehema na siyu dhabihu; amwewahuku wantu yawawela na hatia, ⁸ Kwa kuwela mwana gwa Adamu ndiye Mtua gwa sabato.”

⁹ Su Yesu kalawiti palia kagenda mu sinagogi lau. ¹⁰ Guloli kaweliti muntu yakapooza liwoku. Mafarisayo wamkosia Yesu, pawazumba. “Je, ni halali kuponazia lishaka la sabato?” ili kuwela wamashitaki kwa kutenda madoda.

¹¹ Yesu kawagambazia,” Gaa muyumu gwenu pakawela na kondoru yumu, na ayu kondoru pakagua mnkanti mwa lilindi lishaka la sabato, apa kambati na kumlavia kwa makaka mnkati mwa lilindi? ¹² Je, shi shiwera na thamani, zaidi kuwela, si zaidi ya kondoru! kwa hangu su ni hakib kutenda maheri lishaka la sabato.” ¹³ Su Yesu kamgambizia ulia muntu,” Gutalazii liwoku laku" Kautalazia, na kupata afia, gambira ulii umonga. ¹⁴ Viraa Mafarisayo wwalawiti kunja na kulipanaga ndambu ya kumwagamizia wagenditi kunja kulipangalila shimbeli shakuyi. Wa wliti wankusakula ntambu ya kumwilaga.

¹⁵ Yesu pawaweriziti ali kawokiti panu. Wantu wavua wamfatiti na kuwaponazia woseli. ¹⁶ Kawalagalila na wiza kumtenda kuvimaniki kwa wavua, ¹⁷ kuwela itimiliki iliya nakaka, yaiwelitwi uzumbwa na nabii Isaya, pakazumba, ²² Muntu fulani shipofu na bubu, yakapagawa na m, apepu kajegwitwi palongolu pa Yesu. Kamponazia, pamuhela na matokeu ya kuwela muntu bubu kayowela na kuona. ²³ Makutanu goseli washangaa na kuzumba,” Kuweza kuwela muntu mwana gwa Daudi?”

²⁴ Viraa shipindi Mafarisayu pawapikaniliti muujiza agu, wazumba,” Ayu muntu kalavia ndiri pepu kwa makakala gakuyi mweni aipoti kwa makakala ga Belzebuli, mkulu wa malpepu.

²⁵ “Viraa Yesu kavimaniti fikra zau na kuwagambazia,” Kila ufalme ya uligawanya weni kubongonyoka, na kila muji ama numba yailigawa yeni apo igoroki. ²⁶ Paiwera shamshera, aklamuusii shamshera, su kankulikoma mu nafsi yakuyi mweni. ²⁷ Ni mana ga mfalme wakuyi au gagoroki? na gambira kalavia shamshera kwa makakala ga Belizabuli, wafuasi weni awalavii kwa njila gani? kwa ajili ya ali awaweli mahakimu kwa mwenga. ²⁸ Na palavia pepu kwa makakala ga Rohu ya Mlungu su ufalme wa Mlungu wiza wana.

²⁹ Na muntu kaweza ndili kwingila mnumba ya muntu mwenye makakala bila kumtawila kwanja? yina pakiwa mali yakuyi kulawa munkati mwa numba.

³⁰ Yoseli yakawela ndiri pamuhela na neni kakumbeli kwangu naye yakakusanya ndiri pamuhela na neni ayu katawanya.

³¹ Kwa hangu zumba kwa mwenga, kila shidoda na kufuru wantu wasamehewi, ili kumkufuru Rohu mnanagala apo walekaziwi madoda. ³² Na yoseli yakatakula shisoweru shimberi na mwana gwa Adamu, ali akasamehewi. Viraa yoseli yakatakula shimberi na Rohu mnanagala, ayu apakasamehewi mu ulimwengu agu, handa guli gwiza.

³³ Ama gugutendi mtera guweri guherepa na matunda gakuyi gaherepa, ama guguharibu mtera na litunda lakuyi kwa kuwela guvimanika kwa matunda gakuyi. ³⁴ Mwenga mwa shizazi sha nyoka, mwenga ni mwawadoda, mweza ashi kutakula mambu gaherepa? kwa kuwela milomu yenu itakula kulawa mu akiba yagawela mu moyu. ³⁵ Muntu mwema mu akiba njema ya moyu wakuyi hujega mema, na muntu mwovu mu akiba ovu ya moyu wakuyi, hulawila sha kidoda. ³⁶ Niwagambazia kuwela lishaka la hukumu wantu awalavii hesabu ya kila linenu liwelandiri na mana lawatakuliti. ³⁷ Kwa kuwela kwa manenu gaku aguwalangwiti haki na kwa visowelu vyaku agahukumiwi.”

³⁸ Su wamu warambu wa mafarisayo wamwankula Yesu pawazumba,” Mfundwa tufira kuwona ishara kulawa kwaku.”

³⁹ Viraa Yesu kawankula na kuwagambazia,” Shizazi shidoda sha zinaa shisakula ishara. Viraa kwahela ishara yanailaviwi kwa womberi aipoti ili ishara ya Yona nabii. ⁴⁰ Gambira vilii nabii Yona ndambu yakaweliti mu mtima gwa somba mkulu kwa masiku matatu paluala nja pashiru, hangu ndo ndo mwana gwa Adamu akaweli mnkati mwa moyu wa nchi kwa shaka tatu paluwala na pashiru. ⁴¹ Wantu wa ninawi awagoroki palongolu pa hukumu pamuhela na shizazi sha wantu awa awashihukumu. kwa kuwela awatrubu kwa moahubiri ga Yona, na guloli, muntu fulani mkulu kuliku Yona kapanu. ⁴² Malkia gwa kusini akagoloki mu hiuduma pamuhela na wantu wa shizazi ashi na kushihukumu. Kiziti tangu miishu ya dunia kwiza kkupikanila hekima ya Selemani, na guloli, muntu fulani mkulu kuliku Selemani kapanu.

⁴³ Lisha pepu kadoda kamlawa muntu, hupita mahali pahela mashi pakasakula koyela, viraa apakaoni. ⁴⁴ Su kazumba, 'ambuyi mu numba yangu yandawiti.' Pakauya kawona numba ilii igurutwa na yatayali. ⁴⁵ Su hugenda na kuwajega wamonga rohu wadoda saba walii zaidi kuliku yomberi, wiza kulikala woseri paliya. Na hali yakuyi kumwishu huwela idoda kuliku ya kwanja. Hangu ndo iweli kwa shizazi ashi shidoda.

⁴⁶ Lishaka Yesu pakawela kankutakula na umatu guloli, mau gwaku na walongu wakuyi wamsakula kuyowla nayu. ⁴⁷ Muntu yumu kamgambazia,” Guloli mau gwaku na walongu wakuyiwaku wagoloka kunja, wasakula kuyowela na gwenga.”

⁴⁸ Viraa Yesu kamwankula na kumgambazia yakamjulisham,' Mau gwangu ndo gaa? Na walongu wangu ndo wagaa?” ⁴⁹ Na yomberi katalazia liwoku lakuyi kwa wafundwa na kuzumba,” Guloli, awa ndo wamau na walongu wangu! ⁵⁰ Kwa kuwela yoseri yakatenda ufiru gwa Tati gwangu yakwela kumbingu, muntu ayu ndo Mlongu gwangu, m dada gwangu na mau gwangu.”