1
Baad dak pharishiyin wa kataba ja le Yesua min Urselim. Umon gal,
2
"Le talamiz taki bi kasuru taghalid ta siyuk? Umon ma bi kasulu idan tomon zaman kan umon bi akulu."
12 Baad dak talamiz ja wa kelimu le Yesua, "Hal Inta arufu be inu Pharisiyin del tala zalanin zaman umon asuma kalam de?"
13 Yesua juwabu wa gal, Ai shejer al abu tai al samawi ma zarau bi amurugu bara. 14 Sibu umon barau, Umon amiyanin. Kan zol amiyan juru zol amiyan kulu umon bi waga fi ufra."
15 Butrus juwabu wa kelim le Yesua, "Haki le nina amsal de.
16 Yesua gal, "Hal Intum lisa ma fahmin? 17 Hal intum ma aiynu be inu ai haja al bi dakalu be kasuma bi ruwa le batna wa baad dak be ruwa le bakhana. 18 Lakin kalam al bi tala min kasuma ja min geliba. Umon yau kalam al bi karabu zol. 19 Min geliba bi tala afkar sherira, kitil, zina, daara, sherga, shahada be kidib, wa kalam kafir. 20 Del yau hajat al bi karabu zol. Lakin akulu be idan al ma kasulu ma bi karabu zol."
21 Baad dak Yesua tala min hinak wa ruwa le akhlim ta mudun ta Tyre wa Sidon. 22 Asmau Mara min Canaan ja min iklim dak. Huwo kelim be shot fok wa gal, Arhamni, Rabuna, Ibin Daud! Biniya tai moskun shedid."
23 Lakin Yesua ma juwabu hiya. Talamiz tou ja le huwo wa kelim, gal, kelim le hiya keli ruwa, hiya bi amul izaach wara nihna."
24 Lakin Yesua juwabu wa gal, "Ma rasulu ana le ai zol ile bes le korufan ali woduru ta bet ta Israel."
25 Lakin hiya ja wa dengir gidami, gal, Rabuna, saidni."
26 Huwo juwabu wa gal, Huwo ma kwes ashan inta bi shilu ezh ta iyal wa jadau le kilab."
27 Hiya Gal. Nam, Rabana, hata kilab al suhar bi akulu fadalat ali bi waga min terbeza bita seid bitomon."
28 Bad dak Yesua Juwabu wa gal le hiya, "Ya mara, Iman bitak azim, Keli haja de hasil le inta zema inta deiru." Bit bitou ligo ilaj fi nefsu zaman.
29 Yesua sibu mahal dak wa masha gerib ma bahar ta Galileya. Bad dak huwo masha fi ras jebel wa geni hinak. 30 Jamahir be adad kebir ja le huwo. Umon jabu ma umon nas abu mukasirin, amiyanin, tamtam, wa ali bi douru be rukuba, wa nas kutar al ayanin. Umon jabu fi kura ta Yesua, wa huwo aliju umon. 31 Jamahir istkarabu zaman umon ainu nas al kan abu tamtam bi wonusu, al bi douru be rukuba tala kwesin, abu mukasirin bi douru, wa amiyanin bi sufu. Umon sabihu Allah bita Israel.
32 Yesua nadi talamiz tou le huwo wa gal. "Ana bi hin le jamahir del le anu umon geni ma ana le fetra ta talata yom wa ma indum haja ashan bi akulu. Ana ma deiru ashan bi sibu umon bi yemsi bidun ma akulu, wele umon bi tala tabanin fi sika."
33 Talamiz kelimu le huwo, Nina bi ligo esh kifaya wen fi mahal al fadi zede ashan bi kefi jamahir kebir zede?
34 Yesua kelimu le umon, "Intum i indakum esh kam? Umon kelimu "Saba, wa samak suhar besit." 35 Bad dak Yesua kelimu le nas al limu del kede geni tehet fi turab. 36 Huwo shilu saba esh de wa asmak de, wa bad huwo wodi sukur, huwo kasuru esh de wa wodi le talamiz. Talamiz wodi le jamahir. 37 Nas del akulu wa tala sabanin. Bad dak umon limu saba gufat malyan min fadalat. 38 Del al kan akulu arba alf rijal bidun nasawin wa iyal. 39 Bad dak Yesua rasulu jamahir del wa rikib murkab wa masah le iklim bita Magadan.