1
Fi yom dak Yesua ruwa bara min al bet wa geni fi taraf bahar.
2
Nas ketir limu hauli huwo, huwo dakalu fi murkab wa geni, kulu nas al limu wagaf fi taraf bahar.
3
Bad dak Yesua kelimu le umon hajat ketir bi amsal. Huwo kelimu, "Muzari ruwa wa zara tirab.
4
Zema huwo bi zarau, tirab tanin waga fi sika, wa tiyur ja wa akal kulu.
5
Tirab tanin waga fi ardi fogo hujar, mahal al ma indu turab ketir. Tirab del gam, ashan turab ma ketir.
6
Lakin baad shemis tala, umon yabis kulu ashan umon ma indu iriik, wa umon mutu.
7
Tirab tanin waga fi nus shok. Shok gam fok wa kanagu umon.
8
Tirab tanin waga fi turab al kwes wa tala zura, tanin miya marat wa aktar, taninin sitin, wa tanin teletin.
9
Kulu zol al indu adan keli asuma."
24 Yesua wori le umon amsal tani. Huwo kelimu, "Molokut ta samah huwo ze zol al zarau tirab al kwes fi zira tou. 25 Lakin zaman nas naimin, Adu tou ja wa zara kaman ges fi wasat geme wa huwo ruwa. 26 Zaman geme del gam wa tala shimar, Wa ges del zahar kaman. 27 Kudam ta zol al mosul min al zira de ja le huwo wa gal 'Ya seid inta kan ma zara tirab al kwes fi zira? Kef biga indu ges?
28 Huwo kelim le umon, 'Adu yau amulu.' Kudam de kelim le huwo, Hal inta deir ashan nina bi ruwa amurugu bara?'
29 Zol al mosul de kelim, 'La. Le-anu kan intum amurugu ges de bara, intum bi amurugu geme de ma umon. 30 Keli umon raba sawa lahadi fi zaman ta hasad. Fi zaman ta hasad Ana bi kelim le nas al bi gatau, "Awel amurugu ges wa robutu umon fi komat ashan bi aragu, Lakin limu al geme fi gugu.'"'
31 Baad dak Yesua kaman wori le umon amsal tani. Huwo gal, "Molokut ta samah ze bizra al saker ali zol bi shilu wa zarau fi zira tou. 32 Bizra de huwo saker kalis min buzur al tanin. Lakin kan raba, huwo bikun akbar min buzur al tanin. Huwo bikun shejera, ashan tiyur al fi jou bi ja wa abinu biyut tomon fogo." 33 Yesua kaman wori le umon amsal tani. "Molukut ta samah ze kemira al mara bi shilu wa lakbatu ma talata wozin ta degig lahadi hajin kulu bi furu.
34 Yesua wori kulu hajat del le jamahir be. Amsal; wa huwo ma kelim haja le umon bidun amsal 35 De yau bi amur al kan nebi wanisu bi jaa hagiga, zema ma huwo wanusu, "Ana bi fata kasuma tai be amsal Ana bi kelim hajat al dusu min asas ta duniya."
36 Bad dak Yesua sibu nas al limu wa huwo ruwa juwa. Talamiz tou ja le huwo wa gal, "Wori le nina amsal ta ges al fi zira."
37 Yesua juwabu wa gal Zol al zara bizra huwo yau ibin al insan. 38 Zira huwo yau duniya; wa bizra al kwes de, del yau iyal ta molokut. Ges de yau iyal ta zol al sherir, 39 wa adu al zara umon yau sitan. Hasad yau nihaya ta zaman, 40 Ashan kida, ze ges del limu min dura wa haragu be nar, be kun zede fi hakir ta sinin. 41 Ibin al lnsan bi rasulu malaikat tou, wa umon bi limu bara min molokut tou kulu hajat al sabab le katiya wa del al amulu shar. 42 Bi jadau umon fi hufra ta nar, hinak bi kun fi kore wa adi sunun, 43 Baad dak nas al kwesin bi lama ze shemis fi molokut ta Abu tomon. Zol al indu adana kede huwo asuma.
44 Molokut ta samah ze haja al mohim dusu fi zira. Zol ligo wa dusu. Fi fara huwo ruwa, biyu kulu hajat al huwo indu, wa istara zira dak. 45 Tani Molokut ta samah huwo ze zol al tajir al aiynu hajat al indu keima. 46 Zaman huwo ligo wahid min juwahir al keima tou kebir, Huwo ruwa wa biyu ai haja al huwo indu wa istara al juwahir.
47 Tanimara, molokut ta samah ze sabaka al kutu fi bahar, wa limu kulu mokholugat ta ai nou. 48 Zaman biga malyan, Sayadin de juru fi taraf bahar Baad dak umon geni tehet wa limu hajat al kwesin fi makhazin Lakin hajat al ma kwesin jadau bara. 49 Huwo bikun zede fi zaman al akir. Malaikat bi ja wa ferigu al deifin min wasat ta nas al kwesin. Bi jadau 50 umon fi hufra ta nar, hinak fi bikun kore wa adi sunun.
51 "Hal intum fahim kulu hajat del?" Talamiz kelim le huwo, nam."
52 Baad dak Yesua kelim le umon, Ashan kida ai katib ta sheriya al biga telmiz ta molokut ta samah huwo ze zol al mosul fi al bet, al bi tala hajat al gedim wa al jedid min kazina tou. 53 Baad dak zaman al Yesua kalasu amsal del, huwo futu bara min makan dak.
54 Baad dak Yesua dakal iklim tou wa derisu nas fi biyut ta salah. Netija kan umon tala mostgrabin wa gal, Zol de ligo hikma tou de wen wa mujizat al? 55 Zol de ma yau weled ta najar? Akwan tou ma yau Yakub, Yusif, Samaan, wa yahuza? 56 Ikiwat tou ma yau kulu ma nina? Huwo ligo hajat del kulu wen?" 57 Umon aba huwo. Lakin Yesua kelim le umon, "Nebi ma bi ihteramu fi doula wa fi usra tou.' 58 Huwo ma amulu hajaib ketir hinak l-anu adam Iman tomon.