Chunda 3
1
E matungo, wasaa Yohana murubhiki, wahana mu bhweru bhwa ku Yudea.
2
W'ebha: mubhunduke, bhushwa e bhubhake bw'e kwiyo iyo bhuri k'eya.
3
Yohana ngu webhwanga na Isaya. e mutahwa, Warekiya w'ebhange: Uno ng' muréngé wangu e ukuange mo bhweru: mutunganye e mwengere we mwami, na mworu e sanse sae.
4
Yohana wabhesenga nturi na ngombe yohu rwa ngamia, na mukabha mu mangati ae. Wabhesenga nti urisanga tukuku na bhuki.
5
E bharika Yerusaremu, ne bha ku Yudea e bhati ne bhe bhyuo ebhiti bhye kumushimushi na Yorodani, bha mwende.
6
Na bhasia e bhibhi bhyabho, bharubhikwa nae mo ruusi muri Yorodani.
7
Ina, bharekiya bhasunga e bhwiyange e bhea bhingi karubhikwa e bhafarisayo ne bhasandukayo, wire bho: uanda rwa nsoka, inye ngwakubhuhana ibheka e bhusubhuke bhuseyayo?
8
Mubhute ke bhyuma bhyakonda byibunduka.
9
Nakiro mwanikira iyebha bhanu bhesine: bhate turi na Aburahamu ngi tita! bhushwa ni bhwirengi mbu ne makoi ano Ongo wamusaishamo bhana bha Aburahamu.
10
E mwanda iye uri hetina ne emuti: kinsi miti e nti yabhuta byuma bhyakonda isekerwa nitawa mukasha.
11
Ani, nibhurubikange mu mecha, mwebhurisha muribhunduka ina ingu e wiyange kuruma nani iwe munkangwe indenga, na nsira na maa iyobhora e miri ye bhinantiro bhyae. iwe, wa bhurubhikayo mu Mutima mushasha na mukasha.
12
Uri na rweri mu mine yae: wafufurayo e se mpafa, n'ituma e bhyuma mu mwiso, ina useshikayo e se mpafa na sitatindiyo.
13
Yesu wiya ku Ngariraya muri Yorodani kuri Yohana, bhushwe warubhikwe nae.
14
Ina Yohana watina, mwiyebha: ani ngi nashima irubhika nabhe, na ongo wiya tu kuriani!
15
Yesu wamusubhiye: oongo kora, bhushwe rakomenwa tubherereshe e bhiti bhiri mubhutunganane. Na Yohana ntwa tina tu.
16
Yesu warekiya warubhikwa, wasaa kumund'e mecha e mbingu yobhoka, na hasungwa e Mutima wa Ongo wahita bhuri kampite n'esika e kuri Yesu.
17
Nampo herikirwa murenge ituka mu mbingu webha: uno ng'e mwana 'ni washimwa nani ne kuri we ngi kwira ani enchimi yani eiti.