¹ Mu ntambi njo, e bhomisa bhashere kuri Yesu, na bhamwere: inye nge mukakare mu bwami bwa ko kwiyo?

² Yesu, wabhikira kabhonsobhonso, wamutereka munkati nkati nabho. ³ Na webha: ni bhwerengi mureira, kuti mutunga sonda ibhunduka n'ibha bhuri e kabhonsobhonso kano mutukimiyo mo bhwami bhwa kokwiyo. ⁴ Ngi chasingwa, kinsi mwea usekwehicha yo bhuri e kabhonsobhonso kano, usebhayo mukiri mu bhwami bwe kwiyo. ⁵ Na kinsi mwea wakokeyo kabhonsobhonso bhuri kano mu'rina rani nti ani ngwankoke.

⁶ Ina kinsi mwea waseriminya uma mu bhakeke mbi e bhansimira, chakonda kuri we, bhamine ikoi ikiri murikoti rae, na bhamurekere munkati ne nyansa. ⁷ Otaki mo chuo bhushwa n'e sambangu, bhushwa rarengekana e mbangu sibheko, ina bhuhanya kuri e mwea warisha to. ⁸ Kuti e mwine wabhe ari e mwindi wabhe wa mubha nsomombo y'ikuriminya, kera o na rekerao kore nabhe, rakonda kuri ongo ikime mu mbingu kirema, irenga ubhe na bhitando bhibhi ao mine'bhi ni rekerwa mu kasha ke matuati. ⁹ Na kuti e riso rabhe ramubha nsomombo y'ikuriminya kutoro na rekeraro kore nabhe, ra konda kuri ongo ikime mo mbingu na nti ongo uri na riso rima irenga ubhe n' abhi n'urekerwe mu kasha ne kwirunga.

¹⁰ Mwirange ni nena kima mu bhinwa bhikeke bhino, bhushwa ni bhwerengi, mbu esangashani ibo mu mbingu basungange e matu ati e mbaso ya tita e uri mu mbingu. ¹¹ Bhushwa e mwana we mwea wareya iramya imbi e bharerimina. ¹² Musunga bhuni? kubha mwea uma uri na mburi iyana na kuti n'ima yarimina, utamusiya e makumi mwenda ne mwenda habhasirwa ne ntanta, nienda kasonda inji eyakurimina? ¹³ Na wamashee yo, nabwire muriira, yamurishie imoa ikiri irenga e makumi mwenda ne mwenda e nti sakuriminanga. ¹⁴ Nge bhumbo, ntishima ra tita winu e uri mu mbingu mbu n'ima irimine mumbhyo bhyana.

¹⁵ Kuti munakinu wakukora bhibhi, mwendi ongo wesine, wamakwerukire, nti umamushee muna kinu. ¹⁶ Ina wamafundi'kwerikire, ringa u mpe mwea ari bhea bhabhi, bhushwe e bhinwa mbyo bhisire, munsonsomoro sa bhea bhabhi ari bhashatu bhe kariho. ¹⁷ Wamatina ibwerukire, enda nae mwirameso na wamatina, mutingi bhuri mwea wa bhubhi wasusana n'e bhakongori bh'esahoro. ¹⁸ Nibwerengi muriira, kitikiti e kiseminayo bhanu hano hansi, nti chaminwa na mu mbingu, na kitikiti echobhori bhanu hano hansi, chobhorwa na mumbingu. ¹⁹ Nabhwire tu, kuti bhea bharisiana mukinwa hano hansi na bhamanihema, tita wa mu mbingu wabhereresha incho kinwa. ²⁰ Bhusha e hari bhabhi ari bhashatu murina rani nani niri munkati nabho.

²¹ Petero washeere kwihi nae, wamwire; e Nyerekuritu, menta'nga namusasira munakitu, wamankore bhubhi? ramwiya meta'rinda?

²² Yesu wa musako; nti nakwire mbu meta' rinda, ina meta makumi arinda ngendo sirinda. ²³ Ngi chasingwa, e bhwami bhwa mu mbingu bhwasusana na mubhake uma wabhesenga usondange iansa ne bhafuku bhae. ²⁴ Warekia wamabhucha er'iansa, bhamurishie mufuku uma nturi na mwinda wae wa bhihumbi ikumi. ²⁵ Ne bhwabhesengae ntusiri e bwa mutuwae e mwinda'ngo, e mubhake webha'mbu mumuchuye iwe, mukari, n'ebhana bhae 'bhati, ne bhitibhiti e bhyae, kongo e mwinda wasira. ²⁶ E mufuku, wahita e kwansi w'erunda mu makako ae, wamwire: e Nyerekuritu, nkwiri'sasi, na kutuayo euti. ²⁷ Wabha na bhonso bwingi, e mubhake we mufuku' ngo wamureke wendi, na wamusiere e mwinda uti. ²⁸ Mo ntambi ya tukangae mpo, e mufuku'ngo wakumunana na mirae uma nturi na mwinda wae wiyana. Wamutinge ni muniania, n'iebha, tuwa e mwinda'ni.

²⁹ Mirae, wahita e kwansi, wamurire, webha: nkwiri isasi, na kutuayo. ³⁰ Mine watina, wenda nae kamurekera mu ngori iya n'er'otu rusetuwayoe e mwinda'ngo. ³¹ E bhabhesenga nabho mpo, bharekiya bhasunga 'mbyo, bhatingirwa na bhonso bhukiri nishishara, benda kature 'mwasi; ngo kuri e mubhake mumbi bhiti e bya meta.

³² E mubhake wabhikira e mufuku'ngo, wa mwire: mukori wema, na kukusasiranga mwinda uti, bhushwa ukukonganga musasiro. ³³ Na ongo utumusasirange munakinu, ebwa kubhesanga ani na bhonso kuri ongo? ³⁴ E mubhake wasubhuka nguru, wamusibhura mwikamwa iya ne rutundo rwa tuwiyowe e mwinda wae e uti. ³⁵ Bhumbo ngi bhwakii tita wa mumbingu wabhukore kubha kinsi mwea mu bhanu utamusasira muna chabho mo mutima wae e uti.