¹ Matu mutubha eta, Yesu wenda na Petero, Yakobo na Yohana, munachabho, wenda nabho kwesine hambasiro er'ou. ² Watinge bhumpe bhususe munkati nabho, e mbaso yae yasusa bhuri mwishi, ne sangombe sae sasana bhuri chaka cha chamurekani. ³ Nikae, Musa na Eriya basaire bo mpo, bh'e bhana nae. ⁴ Petero watinge kinwa, were Yesu, e Nyerekuritu, charengekana, turike hano, na umasasa, nsebhwimbe hano bhitarango bhishatu, kima chabhe, kimpe cha Musa, ne kimpe cha Eriya.

⁵ Na wabhesanga ntu kiri webhange, utundo rwa chaka rwa bhumbe bho. nampo, kumunda n'er'otundo herikirwa murenge webha bhuno: uno nge mwana 'ni namushima nguru, nareriya e kumunda nae e nchimi yani eiti, mumorukirenga. ⁶ Bharekiya bhamerikira e murenge e bhamisa bhae bhenduko hamakakao n'ae, bhatingirwa na bhobha bhukiri.

⁷ Ina Yesu, washere 'kuri bho, watinge bho: webha musimane, kiro musubhaha! ⁸ Bhakando e meso, na bhasunga ho Yesu wesine.

⁹ Nambu e bwa bhesenga bhuhitange we 'r'ou, Yesu waninka bho mwiko: kiro mwere mweya bhuno bhususe.

¹⁰ E bhamisa bhae bhamushisha: bhushwa nanki ehbhandiki e mitiro bhabhesanga bhebhanga mbu Eriya wiyayo kasa e raroso?

¹¹ Wasubya: iira Eriya weyi na etunganyanya e bhikai bhiti. ¹² Ina na bhw'ire, mbu Eriya wamakindi 'ya, nti bharemuteerera. na bhamukore imbi bhyashima bho nge bhumbo e mwana we mweya wanubhi bhushwe nabho. ¹³ E bhemisa bhorukira mbu webhange bhushwa rwa Yohana murubhiki.

¹⁴ Warekiya wiya kwihi ne nteko, wabhume uma wiya kirekera mo makako na Yesu, na weba: ¹⁵ Mwami, kwire musikya'ni isasi iwe mweya wa rungu na unubhange nguru, na kinsi ntambi ienduchaa kwihi ne kasha, ne kusi. ¹⁶ Namurianga kuri e santumwa s'abhe, na bhamufundwa imuramya.

¹⁷ Mbuto isiri'simira, na yarerimina, iya runi otu nabhesi ninu? iya runi otu nabhurii? mundishii we hano. ¹⁸ Yesu wafine nguru e bhifasi, nabhyo bhyatuka kumunda ne. mwana warama mu kashangi nko.

¹⁹ E bhamisa bhasheere kwihi na Yesu, na bhamwire kwesine: bhushwa nki nti twahensa e bhifasi?

²⁰ Bhushwa n'erifundi 'simira rinu, were bho nabhwire mu reira, mumubhesange n'esimira bhuri chuma cha musobhyo, mumweringe ntanta mbu tuka hano, n'entanta ya mutukange, kusira chamubhufundisange. ²¹ Iina e bhususe bwe rishumbu bhuno, bhutukangaho munse ya mahemo ne mina irisa n'iyomo.

²² Warekiya wetange ku Gariraya, Yesu werebho: e mwana we mwea usesibhurwa mu mine ye bhea. ²³ Nabhase mushura, na otu rwashatu, wafuka yo warisa na bhonso bhwingi.

²⁴ Warekiya w'eya ku Kapernaumu, imbi e bhakongori bh'ekodi, bh'ehoro bhashisha Petero bhamw'ire: e muhani winu utakutonga horo? ²⁵ Warisiya, na bharekiya bhamakime mo munumba, Yesu watonde bho webha: Simoni e bhami bhakino chuo, bakutonga mituro mo bhana bhabho ari mo bhendendi?

²⁶ Wasako mu bhendendi, na Yesu wasako bho: e mwana usira kinwa mpo. ²⁷ Ina, murifundishura nkene, mwendi ekunyansa, murekere e tukunga mu nyasa murobhe, e kikwara cha roso e kiseshura banu: mwobhore e bhunu bwacho, na mukusunga kumunda kikoroto kima. mutingi cho na mutue bhushwa ani na ongo.