¹ E bhafarisayo ne bhasadukayo bhiya kwihi na Yesu bhushwa bha musone, bhamushisha mbwa shee bho mushinga uma wa mo mbingu.

² Yesu wasubhie bho: murisisi bhanu mwebhange mbu kwahunda bhushwa ebhutu bhwaacha 'shu mukomakoma. ³ Kwaabhese keme chasuwa runotu, bhushwa e bhutu bhuri n'otundo, bhanu mwosi e bhitenganya bhy'esantambi. ⁴ Ubhuto rwa bhasingirani ruhemange bhishisharo bhuri rwa Yona, wasiabho wiire

⁵ E santumwa, mwiyeta murumpe ruharo bhobya itinge etumbonsa. ⁶ Yesu washishabho: mwirange n'entero y'e bhafarisayo ne bhasadukayo.

⁷ E bhemisa bhashishana niyebha bhushwa nti twakuria tumbosa.

⁸ Yesu wasibha, werebho, bhushwa nki bhanu mushishirishanange, mbu bhanu musira tumbosa, bhea bhisimira rikeke. ⁹ Mbeni bhanu musira bwenge ni anikira etumbosa tusanu mu bhea bhihumbi bhisanu na mitundu inga yarishanga bhanu. ¹⁰ Ne tumbosa turinda bhihumbi bhinye, mitundu inga ya rishanga bhanu? ¹¹ Bhuni nti ngi bwateerera bhanu mwiyebha mbu nakubhubhikira bhushwa ntumbosa? mwirange n'emushiiro we bhafarisayo ne bhasadukayo. ¹² Naha bhasibha mbu nti bhushwa mushiiriro wa tumbosa ng'utikongi we, ina mo mahano ebhafarisayo ne bhasadukayo.

¹³ Yesu wakia wamakime mo chuo ku Kaisari, ku Firipi, washisha ensantumwa: inyengi webhange bho mbwani, ngi musike wa Ongo?

¹⁴ Bhamusako: bhima bhebhange mbu oongo ngi Yohana murubhiki, na bhampe mbu Eriya bhampe mbu Yeremia, ari uma mu bhatahwa.

¹⁵ Na bhanu mwebha, mbwani inye?

¹⁶ Simoni Petero wasubhya: ongo rukombora musike wa Ongo ing'uri ho.

¹⁷ Yesu webha, oongo rina ngowa Simmoni musike wa Yona, bhushwa nti nyama ao enchama ngi bya kukuhana mbi, iina tita Ôngo uri mo mbingu. ¹⁸ Nani, ni kwirengi ongo Petero mbu mor'ikai ndo ngi mwimba ani er'irameso n'esa ndubhi s'ekwerunga sitarengiyo ro maa. ¹⁹ Nsekuninka efunguro s'ebhubhake bwa mu mbingu. Incho chaminwa hano hansi na mumbingu nti chamaminwa, n'echobhorwa hano hansi na mumbingu nti chamobhorwa. ²⁰ Naha Yesu washisha e bhemisa bhae mbu anga mwebha na mweya uti uti 'mbu ani ngi rukombora.

²¹ Ituka e ntambi iya wabhucha ishea ebhemisa bhae 'mbu rakomenwa wendi ku Yerusaremu, kanubha ringi ituka e bhakungu, ne bhakwakare, n'e bhandiki, mwikwa, nifuka, mwotu rwa ashatu. ²² Na Petero wenda naye kumushi n'ibhucha imufine n'iebha: kuri Ôngo nti cha kokomesha. icha kitakochi kwiyere.

²³ Ina Yesu wabhinduka: webha na Petero eta kuruma nani mushumbu, ongo nerekange, bhushwa emyanikiri yabe nti myanikiri ya Ôngo, ina ye bhea.

²⁴ Na Yesu webha n'e bhemisa bhae uti uti usonda inemisa wesibhure kasa wisine n'iriya eriyango, na wanimise. ²⁵ Bhushwa ingo usondange ishukaya ekaramo kae wariminyako, ina ingo wariminyanga ko, bhushwa 'ni washee ko. ²⁶ Risemuninka'nki e mwea wamashee e chuo kiti na wamariminya e mutima wae ari mwea wamenganya nki n' e bhuingo bwae? ²⁷ Bhushwa musike wa ongo wiya muri tatwa n' ishe n'ebhasanasana bhae nacha waatuwayo kinsi uma mwitukana n'emikorere yae. ²⁸ Ni bhushishange muriira, bhima mumbi bhari hano, bhatakwiyo, nti bhasunga emwan'emweya wiya mo bhubhake bwae.