¹ Mu matungo mubhake Herode werukira nti bhebhange kuri Yesu, washisha e bhafuku bhae: mbenti Yohana murubhiki. ² Wakufuka munkati ne bhakwiri chasingwa wakiya bhishisharo.

³ Bhushe Herode ingu waminanga Yohana, wamuria mu ngori bhushe bwa Herodia, mukari wa Firipo, musiky'abho. ⁴ Bhushe Yohana webhanga: kiro wamutinge bhuri, mukari. ⁵ Wabhesenga usondange mushura ina wasubhahanga e bhea bhushe bhatingenga Yohana bhuri mutahwa.

⁶ Bhakia bhari mu kimoo chebhutwa ra Herode, mwisiwe Herodia washata ishu munkumanano. ⁷ Herode webha n'isere mwimuninka kiti chamuhema we. ⁸ Washeereshiwa na nina webha konga mu ntengi e muntwe wa Yohana murubhiki. ⁹ E mubhake wasunga bhubhi, ina bhushi wabhesenga nt'wamasere mo bhea mbo, webha bhamuninke e muntwe wa Yohana. ¹⁰ Na webha bhakere emuntwe wa Yohana mo ngori. ¹¹ Emuntwe warishiwa mu ntengi bhamuninka nae warishieo nina. ¹² Esantumwa sa Yohana siya karinga e kinda bhamutaa. Bhenda katureo Yesu. ¹³ Mo mwasingo Yesu watuka himpo mu bhwaato wenda kumushi mo bhweru, nkumanano yakia yamasunga watuka bhamubhungura na mindi. ¹⁴ Wakiya wamatuka mo bhwaato wasunga nkumanano nkiri werukire bho bhoonso waramya ebhakoni.

¹⁵ Mwiyorioro esantumwa sae siya kumushi, ne, bhebha: hano bhweru na n'esantambi sameta kurucha enkumanano bhendi mo sambungu kachura bhiyo.

¹⁶ Yesu wasubhiebho: nti bharaa mw'ienda, muninke bho bhiyo bhanu bhesine.

¹⁷ Ina bhamushisha: turiho tumbonsa tusanu na bhikwa bhibhi.

¹⁸ Webha: munirishiibhyo. ¹⁹ Warikecha e nkumanano mo bhisu, watinge etumbosa tusanu n'ebhikwa bhibhi, wakae kokwiyo, wahema ikasanirwa, wakekera e tumbosa waninka e santumwa bhabhanyie e nkumanano. ²⁰ E bhati bharisa na bhasukuta hasia mitundu ekumi na ibhi. ²¹ Imbi bharisanga bhabhesanga bhea bhihumbi bhisanu nti hari e bhomina ne bhana.

²² Kuruma na'mpo washisha esantumwa sitaye mu bwaato mw'iende kubhusondori murumpe uharo, ²³ Wakiya ukuruchange enkumanano wataya murou, ienda kahema kwahehe, akiya ebhutu bwa miya, nt'uri w'esine. ²⁴ E bhwato nti bhuri munkati n'enyansa, bhwashatishiwa n'emibhimbi. ²⁵ Mo ntambi sinye sa mutu Yesu wenda kuribho hambasiro emecha. ²⁶ E santumwa sakia samasunga e bhwiyangewe hambasiro ne nyansa bhatingirwa na bhobha bhebha: mbenti kifasi, munkati ne bhobha bhabhuchikuwa. ²⁷ Yesu washishabho: mwininke mutima ani uno.

²⁸ Petero wamusubhie mukota kubha nti ongo, ebha niye kuri ongo nti nendange hambasiro ne mecha.

²⁹ Wamushisha Petero iya kuri ani, Petero watuka mu bhwato wenda hambasiro ne mecha, mor'ienda kuri Yesu. ³⁰ Ina wakiya wamasunga e mibhimbi wasubhaha, na wakia iyo uminwange, wakua Mukota noshukaye.

³¹ Na muntambi nkeke Yesu woro eminwe yae, wamutinge, wamwere: mwea wisimira rikeke, bhushanki ukutingirwa na koha? ³² Bhataya mo bwaato, n'emibimbi yakobha.

³³ Bhati bhabhesenga bhari mo bwato bhiya katata Yesu, na bhebha: mo reira oongo musike wa Ôngo.

³⁴ Bharekiya bhamateana e nyansa bhiya ku Nasareti. ³⁵ E bhea bha muroharondo imbi bhabhesenga bhasi Yesu, bharebheka myasi mosankaronkaro, bhamurishie e bhakoni bhati.

³⁶ Bhasonda ho mbu bhatingi mo nganju yae, mo nchangi yae. n'ebhati bhatingenga mo nchangi yae bharama.