¹ E matungo, Yesu weta mw'ishwa ra mbuto mwotu rw' einga. E bhafuku bhae, bhabhesanga nti bhari na rwaka, bhabhuch' ikora mu byuma n'erisa. ² E bhafarisayo, moresunga mbyo, bhamushisha: sunga, e bhafuku bhabhe bhakiyange e nti bhyanwa ikorwa motu rw'einga.

³ Ina Yesu wasako bho: nti murisoma e bhyakiyanga Daudi, wabheasanga uri na rwaka, iwe ne bhabhesenga ne. ⁴ Bhuni ngi bhwakimenga e mo numba ya Ongo, n'erisa e tumbonsa tw'empero, na ntinti wakomenwa irisa to, nambi e bhabhesanga nae bhushwa twabhesanga nti twe bhashe bhakungu. ⁵ Ao nti murisoma mu myomba mbu, e matu er' otu rw'eriinga, e bha she bhakungu bhanoanga e myomba ye r'einga mu rirameso, na ntinti bhasunga mbu bhakukora chema? ⁶ Ina, nibhwerengi, hari hano mukiri irenga e rirameso. ⁷ Mumusibhange e bhisondwange iyebhwa: nisondekanyange nsasi ina nti bhisabho, mutumuiririsange e bhasira bhubhi. ⁸ Bhushwe e mwana we mweya iwe nge muhani we Sabhato.

⁹ Warikiya wetanko, Yesu wakime mu sinangoki, ¹⁰ Sunga, habhesanga wa bhume uma nturi na mwine wa sonda. bhashisha Yesu bhyakomenwa iramya mweya m'otu rw'einga? Bhashishanga mbo bhushwe rihuna imusongere.

¹¹ Washisha bho: inye mu bhanu kubha uri na mburi nima na yamahuka mu kiribhu otu rw'einga utamukochi ikutoyo? ¹² Bhuni e mwea nti mongo irenga e mburi! kai rakoma ikora ishu m'otu rw'einga. ¹³ Washisha e wabhuume oro e mwine wabhe. woroo, na warama bhuri e umpe. ¹⁴ E bhafarisayo bhasaa, na bhaansishishana mbu bhunike bhwamumushura bhate.

¹⁵ Ina Yesu, warikia wamasibha mbyo, wetunda mpo. Bheyabingi bhamwemisa. waramya Bhea mingi. ¹⁶ Na wechire bho mwiko mbu kiro bhamushea; ¹⁷ Bhushwe r'ibhererere ebhebhwanga n'emutahwa Isaya: ²² Bhamurishie kihumihumi na karumbu tu n' urikire na bhifasi, wamuramya e karumbu kebha na kakae. ²³ Enkumanano nkiri, ya shishara yebha: nti uno musike wa Daudi,

²⁴ E bhafasarisayo, bharikiya bhorukira mbo, bhebha: e wabume uno uhensange e bhifuasi, mu maa a Bheresebhuri, mwami w'ebhifasi,

²⁵ Isunga mbo Yesu e bhwabhesenga bhusiwe e myanikiri yabho, w'ire bho: E bhubhake bhwamabhaana ibho bhwesine, nti bhwashambukara, na ibho bhwesine bhutamusimana. ²⁶ Kuti nyamurairi wamuhensa umpe nyamurairi, wibhanya iwe wesine, bhuni bhwamusimana ebhubhake bhwae? ²⁷ Na kuti ani, nihesange e bifasi mu bhukangwe bhwa Bheresebhuri, e bhana bhinu, mu bhukangwe 'nki ngi bhwabhesenga bhumuhensanga mo'bho? Bhushwa na'ncho, ibho bhesine bhasebhukereyo e rubhansa. ²⁸ Ina nti mo mutima wa Ongo ng'uhesange ani mo bhifasi, ebhubhake bwa Ongo wasiya kuri bhanu.

²⁹ Bhuni bhwa mukiya mwea wamukime mu numba ya bhume munkangwe n'ishuma. e bhehe bhyae e bhiti, na wafund' imumina? na nge bhumbo useshumayo mu numba.

³⁰ Ingu nturi n'ani iwe nt'wambaa, na'ngu eutangasonja hima n'ani, iwe nt' unsansabhanyange.

³¹ Ngi bhumbo ni bhuerengi: kinsi bhubhi na kinsi bhukwemi bhusesasirwayo n'e bhea ina e bhukwemi bhweritina e mutima bhutasasirwiyo. ³² Kinsimweya usebhayo bhubhi kuri emwana we mwea use sasirwayo, ina e usebhayo bhubhi kuria emutima mushasha, utasasiriyo mukino kiranga na bhiranga bhisiyayo.

³³ Bhuni bwamwebha Ongo mbwe muti wakoma ne byuma byae bhyakoma, ari iyebha e muti wema ne bhyuma bhyae bhyema, bhushwa e muti usibhwange mo bhyuma bhyao. ³⁴ Uwanda rwansonka, bhuni wa mwebha bhanu bhinwa bhyakoma na bhanu musuwa? bhushwe ebhyarisia e mutima ngi bhwebhanga e bhunu. ³⁵ E mweya koma ukutongi bhikayi bhya koma mo 'nku yae, n'emwea wasua ukutongi bhikayi bhyema monku yae yema. ³⁶ Nibhwerengi: er'otu rw'erubhasa e bheya bhansansayo e bhinwa bhiti bhyema e bhyebhanga bho. ³⁷ Bhushwe mo bhunu bhwabhe ukoshukarayo, na mo bhinwa bhyabhe ukukererwayo ubhansa.

³⁸ Na mbu bhima mu bhandiki n'ebhafarisayo bhatinge kinwa, bhebha: emuhani tusondi kusunga mwikora kishisharo.

³⁹ Yesu wa subhiye bho e kiranga chasuma chosingirwa kihemange bhishisharo, kitamuninkwa wakindanga kishisharo irengwa kwe mutahwa Yona. ⁴⁰ Bhushwe mu bhumbo Yona warikanga matu ashatu mutu na mu mwishi mo bhura bhwe kikuro kiri, na bhumbo musiky'a Ongo wabhese matu ashatu mutu na mwishi mu kino chuo. ⁴¹ Bhisa ku Ninawi bhasimana mo r'otu rwe rw'erobhansa hima n'ekiranga nchi ne riminwa mw'esiye e bhibhi bhushe n'e mahano a Yona; sunga hano hari bhingi irenga bya Yona. ⁴² E mumbo w'eroharo rwa kuruma wasesungwayo e r'otu rw'erikerwa e r'obhansa na kino kiranga; bhushwa weyanga etuka wendende Chuo, sunga hari bhingi irenga Soromono.

⁴³ E kifasi chamatuka kumunda n'e mwea, chendanga kakiya-kiya mw'isonda ehaseruhuke cho. Ina chamaruka bhumpe bhuari bhweuhuke mo. ⁴⁴ Nti ch'ebha nsekuruke mo numba y'ani e mwakutukanga 'ni. Chameya nti chakumana mo kikai, kumunda kwahairwa n'itonda mo. ⁴⁵ Wendanga karisha impe mitima irinda yasuma imurengi. E kifasi ncho chamakime tu, e mikorere y'e mwea ngo ya kuruma ntyanyara irenga e yaroso.

⁴⁶ Yesu wabhesanga webhange n'e bhae. Nina na bhasike bha'bho bhari ha bhutara bhasond'iebha n'ae. ⁴⁷ Mwea uma wamwire: sunga nsoko na bhasike bhinu bhari habhutara na bhasondi kushisha

⁴⁸ Ina Yesu wasubhie 'ngu wabhesangaumushishange: inye ngi koyo na? bhanye ngi bhasike bhitu? ⁴⁹ Hiha washea e minwe kuri e santumwa sae, w'ebha: sunga koyo na bhasike bhitu. ⁵⁰ Bhushwa uti'ngu ukorange er'isasa ra Tita ingu'ri e kwiyo, ngi musik'itu, ngi mwis'itu, ngi koyo.