¹ ka mitsara, la tsy hotsara nareo. ² Fa amin'ny fitsara nataonareo, ro hitsara gnanareo, voho amin'ny fandresea andreseanareo, ro handresea gnanareo. ³ Nagnino iha ro manenty gny singa-mololo zay ao agnatin'ny fijerin'ny rahalahinao, nefa tsy tsikarikao gny andry ao agnaty fijerinao? ⁴ Manao akory ro hiresahanao gny rahalahinao hoe: “Engao aho hangalaky gny singa-mololo zay ao agnaty fijerinao, laha mbo ao agnatin'ny fijerinao gny andry? ⁵ Ry mpihatsaravelatsihy! Alao aloha gny andry zay ao agnaty fijerinao, voho bakeo hahita soa lafa mangalaky gny singa-molo zay eo amin'ny fijerin'ny rahalahinao.

⁶ Ka amea gny alika zay masy, voho ka hatoraky eo agnatrehan'ny koso gny vatosoanareo. Laha tsy io la mety ho voahitsany gny tombon-drozy, voho bakeo hifotitsy voho hamiravira gnanareo amin'ny fahapoteha.

⁷ Mangataha, la hamea gnanareo io. Mila, la hahajery nareo. Dondony, fa hisokatsy ho gnanareo io. ⁸ Fa ze iaby zae mila la mahajery, voho ho gnan'ny gnolo mandondo, la ho voha.

⁹ Sa ia aminareo, laha angatahan'ny gnanany mofo, ro hanolotsy vato gno gnazy? ¹⁰ Na koa laha nangatahany fia, ka hanolotsy bibilava gnazy? ¹¹ Nohon'io, laha nareo zay raty ka mahay magnome reo fagnomeza zay soa ho gnan'ny anakareo, moa tsy bevata mandilatsy va gny raha soa amean'ny Babanareo zay agny an-dagnitsy ho gnan'ireo zay mangataky Aminy?

¹² Nohon'io, ndra ino ino raha tianareo ho ataon'ny olo amin'ny vatanareo, la tokony hanao manahaky gnan'io avao koa nareo, fa io ro lalagna voho reo mpaminany.

¹³ Milira amin'ny vavahady tery. Fa bevata gny vavahady voho malalaky gny lala manday agny amin'ny fahavereza, voho maro reo olo zay mandeha amin'io. ¹⁴ fa tery gny vavahady voho sarotsy gny lala zay mitariky magnagny amin'ny fiaigna, voho tsy ampy reo ze mahita gnan'io.

¹⁵ Mitandrema amin'ireo mpaminany sandoky, zay mamonjy gnanareo amin'ny fisikignan'aondry nefa alika lia tena mpihaza. ¹⁶ Amin'ny alalan'ny voany ro hahaizanareo gnan-drozy. Mihaza voaloboky egny amin'ny fatiky va gn'olo, na koa aviavy egny amin'ny songosongo? ¹⁷ Mitovy amin'io, gny hazo soa iaby la mamokatsy voa soa, fa gny hazo raty la momakatsy voa raty. ¹⁸ Gny hazo soa la tsy afaky gny hamoaky voa raty, na koa gny hazo raty la tsy afaky mamokatsy voa soa. ¹⁹ Gny hazo iaby zay tsy mamokatsy voa soa la tapahy voho atoraky agny agnaty bolo. ²⁰ Ka nohon'io, ho hainareo rozy amin'ny alalan'ny voany.

²¹ Tsy reo iaby zay miresaky amiko hoe: “Tompo, Tompo, la hilitsy gny fanjakany gny lagnitsy, fa reo zay manao gny sitrapon'ny Babako zay agny an-dagnitsy avao. ²² Maro reo olo hiresaky amiko amin'io andro io hoe: “Tompo Tompo, tsy fa naminany tamin'ny agnaranao va rahay, tsy fa namoaky reo demonia tamin'ny agnaranao, voho nanao reo asa bevata tamin'ny agnaranao? ²³ Bakeo Aho hagnambara amin-drozy ampahibemaso hoe: “tsy mahay gnanareo mihitsy Aho! Miala lavitsy, ry mpanao raty.

²⁴ Nohon'io, reo iBy zay mahare gny safako voho mankato gnan'io la manahaky gn'olo hendry zay nagnory gny tragnony egny agnabon'ny vatolampy. ²⁵ Nirotsaky gn'ora, avy gny tondra-drano, voho nifofofo voho namely gny tragno gny tsioky, fa tsy nilavo io, fotony naory teo agnabony vatolampy. ²⁶ Fa gny olo iaby zay mahare reo safako ka tsy mankato gnazy la manahaky gn'olo adala zay magnory gny tragnony egny agnabo fasy. ²⁷ Nirotsaky gn'ora, avy gny tondra-drano, voho nifofofo voho namely gny tragno gny tsioky, ka la nilavo io, voho feno gny faharava.”

²⁸ Sady lafa avy nagnamabara reo safa reo Jesosy, tandregna tamin'ny fampianarany reo fokonolo, ²⁹ fotony nampianatsy gnan-drozy manahaky gn'olo zay mana fahefa Ie, fa tsy manahaky reo mpanora-dalagnan-drozy.