¹ Sady tamin'ny halin'ny Sabata, laha vao nanomboky mangiran-draty gnandro voalohany amin'ny herignandro, la lasa nandeha nanenty gny fasana Maria Magdalena voho gny Maria raiky hafa. ² Ingo, nisy horohoron-tanybe, fa gny gny anjelin'ny Tompo ro nizotso bakagny an-dagnitsy, avy sady nagnakodia gny vato, ka nipetraky tagnabon'io. ³ Gny endriny la manahaky gny helatsy, sady gny akanjony la foty manahaky gny oram-panala. ⁴ Raiki-tahotsy reo mpiamby ka nanjary manahaky gny johary maty.

⁵ Niresaky tamin'ireo ampela gny anjely ka nanao tamin-drozy hoe: “Ka matahotsy, haiko fa mila gnan'i Jesosy nareo, gny nofantsihy tamin'ny hazofijalia. ⁶ Tsy ato Ie, fa fa nitsanga, araky gny fa niresahiny. Avia henteo gny toera zay nandrian'ny Tompo.

⁷ Mandehana malaky ka resaho reo mpianany hoe: “Nitsanga tamin'ny maty Ie. Ingo, fa nandeha nialohagnanareo agny Galilia Ie. Agny ro jerinareo Gnazy.” Ingo, fa voalazako taminareo.”

⁸ Nagnenga malaky gny fasana tamin-tahotsy voho tamin'ny fazotoabevata reo ampela, sady nilay mba hivola reo mpianany. ⁹ Ingo, nihaona tamin-drozy Jesosy sady niresaky hoe: “Arahaba!” Namonjy reo ampela, nitanjaky gny tombony sady nandrengy Gnazy. ¹⁰ Sady bakeo Jesosy niresaky tamin-drozy hoe: “Ka matahotsy. Mandehana miresaky amin'ireo rahalahiko, mba hiala ka hitanjaky gnan'i Galilia. Agny ro jerin-drozy Gnahy.”

¹¹ Sady; aha mbo igny nandeha igny reo ampela, ingo, gny sasany tamin'ireo mpiamby nagnagny amin'ny tanan-dehibe ka nivola tamin'ny lohan'ny mpisoro gny raha iaby zay niseho. ¹² Lafa nihaona tamin'ireo loholona gny mpisoro sady niresaky momban'ny olana tamin-drozy, la nagnome drala be gnan'ireo miaramila rozy ¹³ sady niresaky gnan-drozy hoe: “Resaho amin'ireo hafa hoe: “Avy tamin'ny andro haly reo mpianats'i Jesosy ka nangalatsy gny vatany laha mbo niroro rahay.” ¹⁴ Laha avy agny amin'ny governora io tatitsy io, la handresy lahatsy gnazy tsika sady hangala gny ahiahy aminareo.” ¹⁵ Sady la nalan'ny miaramila gny drala ka nanao araky zay fa niresaha gnazy rozy. sady tatitsy io la nieli-patrana teo amin'ireo Jiosysady nitohy mandrak'androany aza.

¹⁶ fa nagnagny Galilia reo mpianatsy folo raikamby, tagny amin'ny tendrombohitsy zay fa natoron'i Jesosy gnan-drozy. ¹⁷ Lafa nahajery Gnazy rozy, la nandrengy Gnazy, fa gny sasany koa niahiahy. ¹⁸ Namonjy gnan-drozy Jesosy ka niresaky tamin-drozy hoe: “fa namea Gnahy gny fahefa iaby agny an-dagnitsy voho etoy an-tany. ¹⁹ Ka mandehana voho ataovo tonga mpianatso gny firenena manontolo. ataovo batisa rozy amin'ny agnaran'ny ray, gny Anaky, voho gny Fagnahy Masy. ²⁰ Ampianaro rozy hankato gny raha iaby zay nandidiako gnanareo. Ingo, miaraky aminareo avao Aho, eka fa ndra hatramin'ny fiafaran'izao tontolo zao aza.”