¹ Sady lafa avy gny mara, la nitetiky hanohitsy gnan'i Jesosy mba hamono Gnazy reo lehiben'ny mpisosro voho gny loholo manontolo. ² Rozy namehy Gnzy, nitariky Gnazy tagny ivelany, sady nanolotsy Gnazy tamin'i Pilato governora.

³ Sady Jodasy, gny namadiky Gnazy, lafa nahita fa voaheloky Jesosy, la nibebaky ie sady nampimpoly reo volafofoty telopolo tamin'ireo lehiben'ny mpisoro voho reo loholona,

⁴ sady niresaky hoe: “nanota aho tamin'ny namadihako ra tsy manatsiny.” Fa rozy niresaky hoe: “Ahoanayino? Gnanao io.” ⁵ La natsipy tao an-tempoly reo volafoty, sady nanainga, voho niboaky sady namonjy gny vatany Ie.

⁶ Reo lehiben'ny mpisoro nangalaky reo volafoty sady niresaky hoe: “Tsy ara-dakagna gny mametraky toy ao amin'ny fagnajarian-drala, fotony toy la vilin-dra.” ⁷ Niara-niresaky gny olo rozy sady nivily gny sahan'ny mpanao valagny tanimanga zay handevegna reo vahiny tamin'ireo drala. ⁸ sady io ro antony nikahia gnan'io saha io hoe: “Sahan'ny Ra.” mandrak'androany.”

⁹ sady la tanteraky zay valaza tamin'ny mpaminany Jeremia, manao hoe: “Nangalaky gny volafoty telopolo rozy, vily nagnombagnan'ireo vahoakin'Israely Gnazy, ¹⁰ sady rozy nagnome gnan'io ho gnan'ny sahan'ny mpanao valagny tanimanga, araky gny natoron'ny Tompo gnahy.”

¹¹ sady Jesosy nijoro teo agnatrehan'ny governora, sady gny governora nagnontany Gnazy hoe: “Iha va ro mpanjakan'ireo Jiosy?” Jesosy namaly gnazy hoe: “Voalazanao.”

¹² Fa lafa nampangain'ireo lehiben'ny mpisoro voho reo loholona Ie, la tsy namaly ndra ino ino.

¹³ la niresaky taminy Pilato hoe: “tsy renao va gny fiampanga iaby atao aminao?” ¹⁴ fa tsy namaly ndra la teny raiky aza Ie, treriky tanteraky nohon'io gny governora.

¹⁵ Sady isakin'ny firavoravoa la fomban'ny governora gny mamotsotra gadra raiky voafilin'ny vahoaky. ¹⁶ Tamin'io fotoa io, nana gadra malaza raty atao hoe Barabasy rozy.

¹⁷ Nohon'io lafa niara-nivory rozy, la hoy Pilato tamin-drozy hoe: “ia ro tianareo halefako ho gnanareo? Barabasy, sa Jesosy zay atao hoe: “Kristy?” ¹⁸ hainy fa nohon'ny fialogna ro nanoloran-drozy gnan'i Jesosy taminy.

¹⁹ Laha nipetraky teo amin'ny seza fitsara ie, la nandefa safa taminy gny valiny sady nanao hoe: “tsy mana na ino ino atao amy toy johary tsy manan-tsiny toy aho. Fa ory loatsy ahoandroany noho gny nofy azoko momba Gnazy.”

²⁰ sady reo joharin'ny mpisoro voho reo loholo nandresy lahatsy gny vahoaky mba hangataky gnan'i barabasy, sady hampamono gnan'i Jesosy. ²¹ nagnontany gnan-drozy gny governora hoe: “ia amin-drozy roe ro tianareo halefa ho gnanareo.”

²² Pilato niresaky tamin-drozy hoe: “Ino ro tokony ataoko amin'i Jesosy zay atao hoe Kristy?” Rozy iaby namaly hoe: “fantsiho amin'ny hazofijalia Ie.” ²³ la hoy Ie hoe: “nagnino, ino ro heloky nataony?” Fa vao mainka rozy nikoraky mare hoe: “fantsiho amin'ny hazofijalia Ie.”

²⁴ fa lafa hitan'i Pilato fa tsy afaky hanao na ino ino ie kanefa fa nanomboky gny toretoreo, la nangalaky rano ie, nanasa gny tagnany teo agnatrehan'ny vahoaky, sady nanao hoe: “tsy manan-tsiny amin'ny lion'ny toy johary tsy manan-tsiny toy aho. fa asanareo.”

²⁵ Reo olo manontolo niresaky hoe: “Ho aminay voho gny anakay anie gny liony.” ²⁶ La nalefany ho gnan-drozy Barabasy, fa nively karavasy gnan'i Jesosy ie sady nanolotsy Gnazy ho fantsihy.

²⁷ Bakeo reo miaramilan'ny governora nangalaky gnan'i Jesosy handea ao an-dapa sady namory reo vondro miaramila manontolo. ²⁸ Nangalaky gny fisikinany rozy sady nampanao akanjo jaky Gnazy. ²⁹ Nagnamboatsy satro-boninahitsy fatiky rozy sady nametraky gnan'io tandohany teo, sady nametraky tehy teo amin'ny tagnany ankavana. nandohaliky teo agnatrehany rozy sady naneso Gnazy hoe: “Arahaba, ry mpanjakan'ny Jiosy!” ³⁰ Nororain-drozy Ie, sady nalan-drozy gny tehy la namangoa Gnazy gny maro teo ami'ny lohany. ³¹ Lafa baka naneso Gnazy rozy, la nangalaky gny akanjo lavany sady nampisiky Gnazy fisikignany, sady nanday Gnazy niboaky mba hamantsiha Gnazy amin'ny hazofijalia.

³² Lafa niboaky rozy, la nahajery johary raiky bakagny Syrena atao hoe Simona, zay noteren-drozy hiaraky amin-drozy mba hampilanja gny hazofijaliany. ³³ nagnagny amin'ny toera atao hoe Golgotarozy, zay midika hoe: “Toeran'ny karandoha.” ³⁴ namean-drozy divay mifangaro amin'ny afero Ie mba hinomy. Fa lafa nandramany io, la tsy nino Ie. ³⁵ Lafa nifantsihin-drozy tamin'ny hazofijalia Ie, la nataon-drozy loka gny fizara reo fisikinany, ³⁶ ka nipetraky rozy sady nijano niamby Gnazy. ³⁷ Teo agnabon'ny lohany ro nametrahan-drozy soratsy milaza gny nagnameloha Gnazy, zay mivaky hoe: “Toy ro Jesosy, mpanjakan'ireo Jiosy.” ³⁸ Nisy jiolahy roe nifantsihy niaraky taminy, gny raiky tenkavanany voho gny raiky tankaviany. ³⁹ Reo zay nandalo la nanevateva Gnazy, nanivingivy gny lohan-drozy ⁴⁰ sady nanao hoe: “Iha zay handrava gny tempoly sady hagnamboatsy gnan'io ndraiky ao agnatin'ny telo andro, vonjeo gny vatanao! Laha Iha ro Anakin-Dranagnahary, mizotsoa bakegny amin'ny hazofijalia!”

⁴¹ Manahaky gnan'iokoa reo lehiben'ny mpisoro naneso Gnazy, niaraky tamin'ireo mpanora-dalagna voho reo loholo, sady niresaky hoe:' ⁴² Nagnavotsy reo hafa Ie, fa tsy afaky nagnavotsy gny vatany, Ie ro mpanjakan'Israely. Engao Ie hizotso bakegny amin'ny hazofijalia, sady la hino Gnazy tsika. ⁴³ Natoky gnan-Dranagnahary Ie, engao Ndranagnahary hamonjy Gnazy zao, laha mankasitraky gny hagnafaky Gnazy Ndranagnahary. Fa ndra Ie ka nivola hoe: “Zahoro Anakin-Dranagnahary.” ⁴⁴ Manahaky gnan'io koa reo jiolahy zay nifantsihy niaraky taminy niresaky fanevateva taminy avao koa.

⁴⁵ sady nanomboky tamin'ny fotoa fahaeny la nandrakotsy gny tany manontolo gny hahiky ka hatramin'ny fotoa fahasivy. ⁴⁶ Teo amin'ny ora fahasivy, la nikoraky tamin'ny feo mare Jesosy ka nanao hoe: “Ely, Ely, lama sabaktani? zay midika hoe: “Ndranagnahariko, Ndranagnahariko, nagnino ro nahafoy Gnahy Iha?” ⁴⁷ Lafa ren'ny sasany tamin'ireo zay nitsanga teo, la hoy rozy: “Mikaiky gnan'i Elia Ie.” ⁴⁸ Teo ho eo la nilay gny raiky tamin-drozy sady nangalaky spaonjy, namonto gnan'io tamin'ny vinaingitsy, nametraky gnan'io tamin'ny tohitohy bararata, sady nagnome gnan'io Gnazy mba hinomy.

⁴⁹ Gny sasany tamin-drozy niresaky hoe: “Engao Ie. Hitantsika eo laha ho avy hamonjy Gnazy Elia.” ⁵⁰ la nikoraky tamin'ny feo mare ndraiky Jesosy sady nanolotsy gny fagnahiny. ⁵¹ Ingo, gny lamban'ny tempoly nitriatry roe hatragny agnabony ka hatragny ambany, sady nihorohoro gny tany, sady vaky nisasaky reo vatolampy. ⁵² Nisokatsy reo fasana sady fatin'ireo olon-Dranagnahary maro zay maty la nantsanga. ⁵³ Rozy la niboaky bakao amin'ny fasa tafaran'ny fitsanganany tamin'ny maty, nilitsy gny tana masy, sady niseho tamin'ny maro.

⁵⁴ sady reo kapiteny voho reo zay nijery gnan'i Jesosy lafa nahajery gny horohoron-tany voho reo raha zay nitranga, la lasa natahotsy mare sady nanao hoe:' anakin-Dranagnaharymarina toy.”

^55-56 Nisy ampela maro zay nagnaraky gnan'i jesosy hatragny Galilia mba hikarakara Gnazy teo nijery bakegny lavitsy, Maria renin'i Jakoba voho Josefa, sady gny renin'ireoanakilahin'i Zebedio.

⁵⁷ Lafa hariva gny nandro, la nisy johary raiky manan-draha bakagny Armatia avy, atao hoe Josefa, zay mpianatr'i Jesosy avao koa. ⁵⁸ namonjy gnan'i Pilato ie mba hangataky gny fatin'i jesosy. la nibakoan'i Pilato amea Gnazy io. ⁵⁹ nangalaky faty Josefa, namogno gnan'io tamin'ny siky hasimbazaha malio, ⁶⁰ sady nampandry gnan'io tamin'ny fasany vaovao zay nolavahany tamin'ny vatolampy. la nagnakodia vato bevata hanohina gny varavagnan'ny fasana ie sady niboaky. ⁶¹ maria magdalena voho reo Maria hafa la teo, nipetraky teo ampitan'ny fasana.

⁶² Gny andro magnaraky, zay andro afaran'ny fagnomana, la niara-nivory tamin'i Pilato reo lehiben'ny mpisoro voho reo Fariseo. ⁶³ Hoy rozy hoe: “Tompoko, tiarinay fa tamin'ny mbo velo igny mpamitaky igny, la hoy Ie hoe: “Afaran'ny telo andro, la hitsanga ndraiky Aho. ⁶⁴ Ka nohon'io, mandidia mba ho ambena gny fasana hatramin'ny andro fahatelo, laha tsy io reo mpianany mety ho avy hangalatsy Gnazy ka hivola amin'ny olo hoe: “Nitsanga tamin'ny maty Ie; sady fitaky farany la ho raty noho gny tamin'ny voalohany.”

⁶⁵ Hoy Pilato tamin-drozy hoe: “Mangala mpiamby. Mandeha sady ambeno soa araky zay vitanareo io.” ⁶⁶ La nandeha rozy sady niamby gny fasana, nagnisy tombo-kase gny vato sady nametraky gny mpiamby.