¹ Gny fanjakan'ny lagnitsy la hanahaky gny virjiny folo zay nangalaky gny jirony ka nandeha nihaona tamin'ny mpampakatsy. ² Adala gny limy tamin'ireo fa gny limy koa hendry. ³ Voho lafa nanday reo jirony reo virjiny adala, la tsy nanday soliky niaraky taminy. ⁴ Fa reo virijiny hendry koa la nanday fitehirizan-tsoliky niaraky tamin'ny jirony. ⁵ Sady laha tara gny mpampakatsy, la rendrema rozy iaby ka niroro.

⁶ Fa tamin'ny sasakaly la nisy nikaiky mareohoe: “Ingo, gny mpampakatsy! miboahamba hihaona aminy.” ⁷ Bakeo nirahy reo virijiny iaby ka nikarakara gny jirony.

⁸ Hoy reo adala tamin'ireo hendry hoe: “Mba omeo ampahany amin'ny solikareo rahay fa fa ho maty gny jironay. ⁹ Fa namaly reo hendry ka niresaky hoe: “Sao dia tsy ho ampy ho gnanay voho ho gnanareo, fa mandehana koa agny amin'ireo mpamarotsy ka mivilia ho gnan'ny vatanareo.” ¹⁰ Laha nandeha nivily rozy, la avy gny mpampakatsy, voho zay fa vonona la niara-nandeha taminy ho ao amin'ny fanasam-panambalia, ka nihily gny vavahady.

¹¹ Lafa afaky io la avy avao koa reo virijiny sasany ka nivola hoe: “Tompoko, Tompoko, mba vohao rahay.” ¹² Fa namaly ie ka niresaky hoe: “Resahako marina aminareo, tsy mahay gnanareo aho.”

¹³ Ka nohon'io mihambena, fa tsy hainareo gny andro na gny ora.

¹⁴ Fa io la manahaky gny johary raiky zay handeha ho agnyy amin'ny firenenan-kafa. nikaiky gny mpanompony ie ka nampiantantana gnan-drozy gny hanagnany. ¹⁵ Gny raiky tamin-drozy nameany limy, voho gny raiky hafa koa namiany talenta roe, voho gny raiky koa namiany talenta raiky. Gny kirakiraiky la samby nandramby talenta araky zay fahaizany iaby, voho nandeha tamin'ny liany io johary io. ¹⁶ Gny raiky zay naharamby talenta limy la niainga eo no heo ka nampiasa gnan-drozy voho nahazo talenta limy hafa. ¹⁷ Manahaky gnan'io koa gny raiky zay naharamby talenta roe nahazo roe hafa. ¹⁸ Fa lay mpanompo raiky zay naharamby talenta raiky koa, nandeha ka nialy lavaky tamin'ny tany, voho nandevy gny dralann'ny tompony.

¹⁹ Sady tafaran'ny fotoa ela la nimpoly gny tompon'ireo mpanompo reo sady nandamin-draharaha tamin-drozy. ²⁰ Nilitsy gny mpanompo zay naharay talenta limy ro sady nanday talenta limy hafa. Hoy ie hoe: “Tompoko, nomeanao talenta limy aho. Ingo, nagnatombo talenta limy hafa koa.”

²¹ Hoy gny tompny taminy hoe: “Soa io, ry mpanompo soa sady mahatoky! Nahatoky tamin'ny kely iha, Zaho hammpiandraikitsy gnanao amin'ny raha maro. Milira amin'ny fahazotoan'ny tomponao.”

²² Gny mpanompo zay naharay talenta roe la namonjy voho niresaky hoe: “Tpmpoko, nameanao talenta roe aho, ingo, nagnatombo roe hafa aho.”

²³ Niresaky gnazy gny tompony hoe: “Soa io, ry mpanompo soa sady mahatoky! Nahatoky tamin'ny raha kely iha, Zaho hampiandraikitsy gnanao amin'ny raha maro. Milira amin'ny fahazotoan'ny tomponao.”

²⁴ Bakeo gny mpanompo zay naharamby talenta raiky namonjy ro sady niresaky hoe: “Tompoko, haiko fa johary hentitsy iha. Mijinja egny amin'izay tsy namafazanao iha, ro sady mamorim-bokatsy egny amin'izay tsy nambolenao. ²⁵ Natahotsy aho, ka nandeha voho nagnetaky gny talentanao tao agnatin'ny tany. Jereo, ingo zay gnanao.”

²⁶ Sady namaly gnazy gny tompony ka nanao taminy hoe: “Iha ry mpanompo raty sady malay, hainao fa zaho la mijinja egny amin'izay tsy namafazako voho mamorim-bokatsy egny amin'izay tsy namboleko. ²⁷ Nohon'io la tokony nameanao gny mpanjana-bola gny dralako, ka lafa nimpoly aho la nandramby gnahymiaraky amin'ny tombony. ²⁸ Nohon'io alao agny aminy gny talenta voho ameo ho gnan'ilay mpanompo zay mana talenta folo io. ²⁹ Fa zay iaby mana la hamea bebe koakao mandilatsy lavitsy aza. fa ho gnan'ireo zay tsy mana na ino ino koa, na gny zay hanagany aza la hala aminy. ³⁰ Ario agny amin'ny maiky agny ivelany gny mpanompo tsy mendriky, agny ro misy gny mpanompo tsy memdriky, agny ro misy gny fitagnia voho fikotrhan-kihy.

³¹ Ka lafa avy amin'ny voninahiny gny Anak'olo voho gny anjely manontolo miaraky Aminy, la hipetraky eo amin'ny seza fiandrianan'ny voninahiny Ie. ³² Voho gny firenena manontolo la havory eo agnatrehany, sady hagnavaky gn'olo raiky amin'ny raiky hafa Ie, manahaky gny mpiaraky aondry magnavaky gny aondry amin'ny aosy. ³³ Hametraky gny aondry ho eo ankavanany Ie, fa gny aosy eo ankaviany.

³⁴ Voho gny mpanjaka hiresaky amin'ireo zay eo an-tagna ankavanany hoe: “Avia nareo zay notahin'ny Raiko, mandova gny fanjaka zay fa voaoma ho gnanareo hatrizay nagnorena gnan'izao tontolo zao. ³⁵ Fa mosare Aho la nameanareo sakafo; nangetaheta Aho la nameanareo hinomy; nivahiny Aho la nampandrosoinareo; ³⁶ nitanjaka Aho la nampisikininareo; narary Aho nikarakarainareo; voho tagny am-ponja Aho la nagnagnamiko agny nareo.”

³⁷ Voho reo marina la hamalay voho hiresaky hoe: “Tompo, mbia rahay ro nahajery Gnanao mosare ka namaha Gnanao? Na nangetaheta ka nampinominay? ³⁸ Mbia Iha ro jerinay nivahiny ka nampandrosoinay? ³⁹ Mbia rahay ro jeriny Gnanao narary na tagny am-ponja ka nivonjenay?

⁴⁰ Sady gny Mpanjaka namaly ka niresaky gnan-drozy hoe: “Lazaiko marina aminareo, zay nataonareo tamin'iregny rahalahiko kely mare regny, la nataonareo tamiko.”

⁴¹ Sady ie niresaky amin-drozy eo ankaviany hoe: “Miala amiko, nareo zay mpanao meloky, ho agny amin'ny bolo mirehitsy mandrakizay zay fa voaomana ho gnan'ny devoly voho reo anjeliny, ⁴² fotony mosare Aho, fa tsy nameanareo sakafo; nangetaheta Aho, fa tsy nameanareo rano; ⁴³ nivahiny Aho, fa tsy nampandrosoinareo; nitanjaky Aho, nefa tsy nampisikininareo; narary voho tao am-ponja Aho, fa tsy nikarakaranareo.”

⁴⁴ Sady la hamaly koa rozy ka hivola hoe: “Tompo! Mbia rahay ro nahajery Gnanao mosare, na nangetaheta, na nivahiny, na nitanjaky, na narary, na tagny am-ponja, ka tsy nanompo Gnanao?

⁴⁵ Sady namaly gnan-drozy nanao hoe: “Lazaiko marina aminareo, fa zay tsy nataonareo tamin'iraiky tamin'ireo maliniky reo, la tsy nataonareo tamiko.

⁴⁶ Reo la halefa ho ao amin'ny fagnasazia mandrakizay fa reo marina koa ao amin'ny fiaigna mandrakizay.”