18

¹ Mubikha ebyo abeeki beecha eyiri Yesu ni bamuteeba baati, Manu nanu omukhulutu mu wenengo wo mukulu?

² Kalanga omwana muyere namwemekha akati wawe. ³ Nawoola ati: Masima mbawolera nti, nimutakalukhana okhuba nga abaana bayere, khaba simulingira na wutono, mu wenengo womukulu. ⁴ Nolwesyo, nawuli wewombekha nga omwana muwere ono, nje omukhulutu mu Wenengo womukulu. ⁵ Nawuli olisudya omwana muwere ngo ono mu liita lyange aliba asudisye ese.

⁶ Naye wuli oleeta okhwegumula khu abo abeyere abanfukiiriramo, syakhali esirayi okhumuwowa mukosi olukina olukhongo lu basyerakho bamusukune akati mu lusiba lwenyanja. ⁷ Endaalo chakaanire esyaalo khu lwemboosi chireta abatu okhokhola esibi! Khulwokhuba ebitu nga ebyo sibirikhaya khwiicha, ne endaalo chakaanire omutu oyo yibibitiramo! ⁸ Nisiba mbo omukhono kwawo oba okhukulu khwawo khu khuletera okhukhola esibi, khutemeekho okhusukune ale. Siba sirayi wingire mu wulamu nowumakho omukhono oba okhukulu okhukhira okhusukuniwa mu muliro okwendaalo ne ndaalo nga oli nende emikhono chombi nende amakulu kombi. ⁹ Ne niyiba emoni yawo niyikhuletera okhukhola esibi, yituseemo, oyisukune ale. Siba silayi wingire mu wulamu noli nemoni ndala, okhukhira okhusukuniwa mu Geyeena yomuliro, noli nemoni chombi.

Olukaado Lwekondi Eryakota

¹⁰ Muwone muuti simulekeresa ata mulala khu bayere bano. Khulwokhuba mbawoola nti mwikulu ba malayika bawe batingaala endaalo choosi emoni cha Bbabba oli mukulu. ¹¹ Khulwokhuba omwana womutu kecha okhuwoniya esyakota. ¹² Mubaasa mutye? Omutu naba namakoondi kaye emiya ndala, lala khwako nirikota, syalekha kyenda mu mwenda kacha mu ngulu kakoonya lira erikotire? ¹³ Ne, naba naliwukanire, masima mbawoola nti, eryo alisangaalira okhuhira kala kyenda mu mwenda akali nikatakotire. ¹⁴ Mungira nasirala senywe owomukulu syadakha ata mulala khu bayere bano okhukota.

Mwanamawo Okhukhola Esibi

¹⁵ Mwanamawo nakhukhola esibi, cha omwekese esibi syaye ni muli wusa mwembi khu mwembi. Naba nakhutekeresise, oba omukowosisewo. ¹⁶ Ne natatekeeresa, wukula omutu wundi oba abantu babiri, khu wuli mboosi yomisiwe khu lwowujulisi wabatu babiri oba badatu. ¹⁷ Ne nakhaya okhuwulira abo, yekesa ekanisa; ne nakhaya okhuwulira ekanisa yosi, abenge yuli nga omuteende khandi ngaomuwoosa. ¹⁸ “Masima mbawoola nti, byoosi bi muliwowa khu syaalo biriwoyewa mwikulu, bimuliwolola khu syaalo biriwololewa mwikulu. ¹⁹ Khandi, mbawoola nti babiri khwinywe ni munafukirisaniyenge khu situ syoosi simusaba mu syaalo, sinakholewenge yimuli nende Bbabba womwikulu. ²⁰ Khulwokhuba abanabenge babiri oba badatu nibewusiise mu liita lyange seesi ndabenge akati wawe.

Olukaado Lwomukhosi Otali Nesissa

²¹ Khandi Petero kecha eyiri Yesu kamuteeba ati, Omwami, mwanawama nanangoseryenge ndamulekherengemo amakhabi kanga? Yesu kakowolamo ati nkhuwolera, si makhabi musanfu,

²² Yesu namuwoola ati, Sinkhuwoola nti, amakhabi musanfu, ne nti okhwosa amakhabi nsanfu amakhabi musanfu. ²³ Nolwesyo, owenengo womwikulu wukeranisiwa khu mwenengo owadakha okhwakanirisa embalirira nabakhosi baye. ²⁴ Ni kachaaka okhubala, bamuletera omusaacha mulala yikali nabanja erubya omutwaalo mulala. ²⁵ Ne olwokhuba sikali nerubya chokhutunga omukhongo waye kalagira bamukuse omwene, nomukhasi waye, nabaana baye nende ebitu byoosi bikali nabyo kho niwo ekobi eryo liwe. ²⁶ Awo omukhosi kakwa assi khu makhumbo kaye namwekalikhira. Kamusaba ati, mwami wange, mbanje kaala. Ndi khusasula byoosi bi wumbanja. ²⁷ Omwami womukhosi oyo kamusasira, kamuwola ati amulekheremo ekobi. ²⁸ No omukhosi oyo natulawo, nikakaana omukhosi wasye yikali nekobi eryesiringi emiya, kamudiira, kamwewowa mukosi kachaka okhumumika namuwoola ati, sasula ekobi lyange.

²⁹ Awo omukhosi wasye, kakwa khu makhumbo na mwekalikhira namuwoola ati, Mbanje kaala, ese ndikhusasula. ³⁰ Sikafukiirira. Musifwo syokhufukirira, kachanakana kamuyira mu jeera okhwola lwalisasula ekobi. ³¹ Awo abakhosi basye nibawona nga lubibeeye, endaalo chabadiira lukali bacha bawoolera omukhongo wawe emboosi chali nichekholekhire.

³² Awo Omukhongo waye kamulanga. Kamuwoola ati, Ewe omukhosi mubi, Nakhulekheramo ekobi lira lyosi lyoosi khulwokhuba wanekalikhira. ³³ Nawe si sikhukhoyera okhulekheramo omukhosi wasyo nga ese lu nakhulekheramo? ³⁴ Omukhongo waye olwetima lingi kamusindiikha mu jeera okhusandisiwa, okhwola lwalimala okhutunga ekobi lira lyoosi. ³⁵ Atyo Bbabba wange wo mwikulu nje lwalibabisya nimutalekheramo wuli mutu eyiri mwanaηηina mu myoyo chenywe.”