1
To nobo far owu ifa Yesu to holoŋ no Sabato iko hotwe na mana, nafa oniamai efahat illo honyie atta riaja ŋama.
2
Nafa egonyu Farisei ania, atta isia hijo to Yesu, “Toriŋai, egiama efahat illohoi hirro inno obe olibo to holoŋ no Sabato.”
24 Etiru Farisei ata hijo, “Obe tuŋani lia efuhai miniaŋa to fure no Belsebuli, habu lo miniaŋa.”
25 Ati oyyen ifa Yesu higigilo nohosie atta hijo to hosie, “Lo orrem hiyyo illo obiehin to wati te innohose, etattur iso lobie nia, hidofe la aŋalafa hiyyo illo owuon ta haji nobotie, kuyya hidofe liyya to doŋe to wati te innohose, obe iso isia ettole nobotie. 26 Lefahu Sitan hegiamak ilohonyie, oriomori iso inya hamai, to nia. Jai iso oremik obie nohonyie weta? 27 Kuyya efuhai naŋ miniaŋa adde to fure no Belsebuli, ta nari fure efuhutari hejufutak isia? Tonia ara isia ahaŋotok hatai. 28 Atti kuyya efuhai nayya miniaŋa adde to Loyiri to no Hollum, ottu obie no Hollum ta hatai.
29 Hojiŋak iso lobo tuŋani jai ahaji ho lotir heyari saŋ inohonyie holobe inya efitak lotir ahosiere? Ata ahahalari hiro inohonye adde ta haji honye.
30 Lia lo obe egiama iko naŋ ara inyia mioroni lalaŋ, ati lia obe osuduha ikanaŋ ara hetisarani.
31 To nia, ajio nayya ta hatai hijio, “Ebusak iso Hollum hiyyata daŋ inno hiyyo iko imoriti innohosie, ati lia omoro Oyiri lo Olibo, obe iso Hollum ebusak inyia. 32 Lia le ero nolorru to Lonyi Tuŋani, ebusak iso Hollum inyia. Ati lia lero nolorru to Oyiri no olibo obe iso orumu hebusahini no hiyata, ara ta hido ta fau te ina, kuya to nyia ottu.
33 Eŋarak yani na lanyar haŋer ino anyar. Ojo yani no loru eŋarak haŋer ino oru. Tonia, oyen hiyo yani to haŋer inohonyie. 34 Era itai iya munok, obe itai eyen hiro ino olibo nyo oru taja inahatai. Nyo ero hutuk hiro ina afanu ta taji. 35 Ojiŋu hiro ino olibo ta taji no tuŋani lo olibo, ojo hiro ino oru ojiŋu ta taji ho tuŋani lo oru. 36 Elimak naŋ ta hatai hijo, “To holoŋ no ŋoto, oŋot iso Hollum hiyo to hirorita daŋ inafa erarari isia assai. 37 Nyo to hirorita inahatai, erumu iso itai hahohini no hiyata, ojo to hiro assai ino ero itai, errumu iso itai ŋoto.”
38 Ojo ilak Farisei iko hegiorok to honye hijio, “Hetiyenani, ewak iyyohoi egonyu nobo hitimijani tara hoi.”
39 Etirraŋ inyia to hosie hijio, “Orru hilahaji inna, hidofe omiasa isia Hollum. Osiaha isia hitimijanita, ati obe iso etuhutek to hosie nobo hitimijani aracie hitimijani no hekilani ha sayye Yona. 40 Nyo iyya nafa owuanari Yona holoŋitek hunik iko harijin hunik to hosehe ha hami, owuon iso hidofe Lonyi Tuŋani holoŋitek hunik iko hariejin hunik to hotwai ho ilume. 41 Odioto iso hiyo liya to doŋe ho Ninefa haŋotori hilahaji inna nyo eloit hiyyo Ninefa tajia innohose innafa ettitori Yona to hosie. Ati itiriŋai, owuon iso lobo lagalik Yona. 42 Odioto iso Habu to kal ho ihorroŋ haŋotori hilahaji ina nyo ottu ifa inya ta fau na alama hetirari lofioroho inno Solomone, ati itirriŋe, owuon lobo inni lagalik Solomone.
43 Lebusak jiok nolorru tuŋani olot inyia hasiahari mai no oyiriari inya, ati obe inya orumu nobo. 44 To nia ejo inya hijo, aciahari iso naya ahaji hanaŋ nafa atuni naya acahari inya. Ifa leba inya dia, orumu inya haji no nolibo bino. 45 To nia owu inya arumu inak jiohin hattarik ino oru agalik inya, ata isia ajiŋak to hotwai ho tuŋani lia atta manya dia. Toria, oriam to tuŋani lia agalik nafa to hosiere. Iyania awoŋ iso run to hiyo ilo oru hulo ho hilahaji ina.”
46 Nafa helero Yesus te iluluŋ no hiyo, owueta hotonye honyie iko ilasira honyie ta bali nyo awak isia hirro to honyie. 47 Elimak lobo tuŋani inyia hijio, “Torriŋe, owueta hotonye hoi iko ilasira hoi ta bali, nyo awak isia hiro tohooi.”
48 Ati ojo Yesu to lia lafa elimak inyia hijo, “ŋai iyaŋ? Haŋai ilasira hanaŋ?” 49 Atta inyia ehalamak hani nohonyie to hejufutak ilohonyie atta hijo, “Iyaŋ iko ilasira hanaŋ hullo! 50 Lia lehuma wahan no Monye hanaŋ te ido ara inya ilasi hanaŋ iko inasi hanaŋ ojo iyaŋ.”