Tech_Advance-kpj_reg-gen-50

¹ Jyje ixidi tyby tyre rehure, rahinymy tyby òsỹny-ò ruòmy. ² Tii tarybe riwahinyre luahidỹỹdureny-ò, kja taaõmysỹdỹỹnarenyki tyby rubu rirahãnanyrenykremy, kawesemy tahe tii boho riwinyrenyre. ³ Kia 40-txumy bede rierenyre tuu riwinyrenykremy, kia heka-òbitimy tuu rubu umy rarahãriadỹỹmyhỹre. Kia egítos mahãdu 70-txumy tyy yxeyxe-di bede rierenyre. ⁴ Kia tyy yxeyxe-di txuu rỹimyhỹrenydi rexihureu, Jyje rarybere Iòlò aõmysỹdỹỹna heto ki aõmysỹdỹỹdu rariehekỹ dee. Tii rarybere: —Tuu biwinybenyke aõkerỹbo biwybenyke Iòlò-ò myỹ rybe wahi: ⁵ Kia waha rurukremy ratximyhỹ bedeu, tii tuu ariwinykremy riwarybedỹỹnyre, kia-diarỹ arituunykremy, kia wabede tii-òbitile riywinyremy Kanaã hãwãhãkỹ ki. Txioini aõkerỹbo biwawahinykre arakremy waha arituunykremy, kia irahudita-diarỹ adoosekre. ⁶ Iòlò rirawyònyre: —Make kia buu bituunykre, tii ararybedỹỹnyremy biwinykreny. ⁷ Kia kawesemy tahe Jyje rare tyby rituunykremy. Iki wana ròirenyre aõmysỹdỹỹdu wedu, Iòlò ijoireny, Egito Iudu. ⁸ Kia ule ròirenylere Jyje hãwyy tariòre boho wana, kia iseriòre boho, kia Ijaò sỹ mahãdu ibutumy. Kia Gosem suki uladuxõmole ririrenyre, budoeni, cabra kia broreni. ⁹ Kia tule hãbu mahãdu ròirenylere awaru-di kia carreta-di, inatyhymy sõemy inihikỹmy ròirenv re. ¹⁰ Kia ritehemynyrenyreu Atade-ò, kia Jordaõ ibràra weribi roimyhỹre-ò, ka hãluudỹỹna-di ixena riwinyrenyre, kia suu tai maixõmoni ratyyrahãmyhỹreki. Kuaki rahinyrenyre katxiterehekỹmy debò inatxi txu sõemy. ¹¹ Kia Kanaã ki hãwãdu mahãdu robirenyreu, iny sõemy rasỹbinarenyremy, kia raryberenyre; Timywe iòtarenyre kaa egípcio mahãdu sỹbinareny! Iurenana kua bede rininirenyre Abeli Misraim. ¹² Kawesemy Ijaò riòre boho riwinyrenyre tyby-di ibutumy aõmybo tii rarybere mynamy ¹³ Tii boho riwyrenyre tyby rubu umy Canaãòhòkỹle, kia rituunyrenyre Macpela mana raworaswohỹkỹ ki, Manre ibràra weribi, kia suu Abraõ Efrom ribi, Heteu ribi riõbranyreki, kia tasỹreny wabedemy riywinyre wahe. ¹⁴ Tyby rittiunyre rahudi, Jyje roosere Egito-ò, taseriòre boho wana, kia ibutumy iherenymy ròirenyre mahãdureny wana.

Jyje ijyy konana

¹⁵ Irahudi tyby rubu sỹtybymy, Jyje seriòre boho raryberenyre: —Aõhe wana Jyje radònyreri inymyreny, kia txibo rexiòwynykre ibutumy aõnaõna binabina iny boho tamy riwinyrenyreki. ¹⁶ Taita Jyje-ò tarybereny riwahinyrenyre myỹ: —Kia buu rurukre kotyre, ¹⁷ tii tarybe myy riwahinyre adee arexitòenyrenykremy: Txioini aõkerỹbo, waõbinabinareny rewinyrenyre ribi biwaruxetòenybenykre, kia aseriòre boho-òrarunareny, kia aõhỹỹhỹỹmy arasỹnyrenyre. Kiarenyta, rexitòenyrenyreri waõbinabinareny-di maruxetòekremy, kia dori-diarỹ boho bu Deuxu ijoi roire. Kia kaa rybwahidỹỹna rimyreu, Jyje rahinyre. ¹⁸ —Irahudita iseriòre bohoòbitile dòidenyde, kia rexiyrawonyrenyre ikoki kia raryberenyre: —Kaki watxirenyreri;-diarỹ boho heka awidỹỹna roire. ¹⁹ Ka Jyje tahe rirawyònyre: —Uritre breburenyõmy;-diarỹ aõmy Deuxu wesemy aratxiõtyhy. ²⁰ Kia inatyhymy kai boho kua aõanõna binabinahãkỹmy bede teywinytenyte waòludumy, ka Deuxu tahe riwitxiranyre aõnaõna binabinahãkỹ aõnaõnawiwimy ariwinykremy, kaa wiji iny boho idi reteherenyreri-di, kia heka myre, arihedỹỹnykremy sõemy iny mahãdureny. ²¹ —Uritre brehurenyõmy.-diarỹ warukimy adireny ararekre, kia ariòre boho-di ararekre. Kawesemy tii ritỹỹõdỹỹnyrenyre tarybe yxi-di iworeny riykỹnyrenyre. ²² Jyje rasỹnymy raremyhỹ Egito ki, tii kiatyhy sỹ mahãdureny wana. Jyje bede riere 110 wyramy, ²³ —kia rehemynymy robire Efraĩ riòreriremy. Tii tawyòki rimylere, kia tariòreriòre wesenamy, uladu tariòreriòre riòremy Maquir, kia heka Manasses riòre rare. ²⁴ Tiu txu bedeu Jyje rarybere tariòre bohoreny-ò: —Diarỹ iòhòtyhylemy arurukre, ka-diarỹ-òbitimy watxireri kia Deuxu kanakre riwawiòhenanykremy, kia riwadykre ka hãwãhãkỹ ribi kua su-ò, tii tuu rarybere riwahinykremy Abraaõ, Isaque, Ijaò boho deereny. ²⁵ Taita Jyje rexitòenyre tasỹreny mahãdureny-ò, kia inatyhymy riwinyrenykremy. Tii rarybere: —Diarỹ-òbitimy watxireri kia Deuxu kanakre awiòhedỹỹrenymy. Kia tiu tuu rutỹỹnykreu, warubu umy ixihemy biwybenykre. ²⁶ Jyje rurure 110 wyra rimydi. Kia ibutu umy ritỹtetỹnyrenyre, Caixaro-ò ritidirenyre Egito ki.