1
Ijaò rariamy ramyhỹre rexinoranymy, kia Deuxu Anjorenyõ ròirenyre tii wana witxi reakremy.
2
—Kia Ijaò tureny robireu rarybere:—Ka heka Deuxu sodadu rare. Iurenana kua bede rininire Maanaim my.
3
Ijaò riteònyre rybewahi-di ijaradu mahãdu, kia Seir bede-ò, kia Edom iniõle rare, kia Esau wana witxi rekoarenykremy.
4
—Kia tamy myỹ rybe riwahinykremy:-diarỹ Ijaò, arybe wahidỹỹkoki rare, adee ariwinykremy. Kia ibutumy sõemy Labaõ ki rasỹnymy raremyhỹ.
5
—Diarỹ broreni, jumentos, budoeni, cabras, wadeòdu hãbu mahãdu, hãiy mahãdu ijõdire ibutumy.-diarỹ kaa warybe adee rewahinyreri, kia ariraokre awimy biwaijekremy.
6
Kia rybe-di ijaradu mahãdu ròòserenyre, kia raryberenyre: —Kia Esau, aseriòre wana witxi rekoarenyre. Tii rareri, kia awana witxi reakremy. Kia 400 my hãbu sõe-di rareri.
7
Kia Ijaò kamy roholareu, kia sõemy ruberure, kia iximy rõhõtiyrere. Taita inatximy riwirareare, kia iny mahãdu iki wana ratximyhỹreny, kia budoeni, cabras, broreni, camelos riwirarealere.
8
—Tii myỹ rõhõtinyre, kia Esau kanakeki, kia sohoji ijoi mahãdu rihuke, kia ijõ ijoi mahãdu tahe rihenyrenyke.
9
Irahudita Ijaò kaa ixitòedỹỹna riwinyre: —Wadee bydoholake, walabie Abraaõ, Isaque waha wana iDeuxureny! Kai tadiwateònyte wasu-ò adoosekremy, kia wasỹreny mahãdureny-ò, kia wadee tarybete ibutumy awihyylemy wadee bede rarekremy.
10
—Diarỹ adee aõmysỹdỹỹdu, kia ibutumy aõnaõnawiwi wadee releõkemy watximyhỹre, kia inatyhymy-òbitimy wadi atximyhỹte. Kia Jordaõ bero-di rahorereu,-diarỹ budoeni-dinodu hoju sohoji-di watximyhỹ, ka tahe ròòsereri kaa inatximy hãbu ijoi-di, iròdu iròdu sõe-di.
11
—Deuxu Tyhyhykỹ,-diarỹ adee rexitòenyreri biwahedỹỹnykremy waseriòre Esau ribi.-diarỹ raberureri, kia tii kanamy riwarubunyke txi, kia wahãwyy boho, wariòre boho tule.
12
—Õhõti reakre wadee tarybete txi, kia ibutumy awihyylemy aratxikremy, kia wariòreriòrereny ỹnyra ruxõmo wesemy, kia sõerenykre, kia tiu inyõ isõereny-di irirarenyõna.
13
Kia iruu Ijaò kuaki rõrõre. Irahudita tii tairòdurenyõ ritare, kia riwahinykremy Esau nohõmy.
14
—Kia ritare 200 my cabras sõe, kia wawiò my bodes sõe, 200 my budoeni sõe, kia wawiò my carneiros sõe,
15
—30 my camelos sõe iriòrereny wana, kia ihãreiny rahuỹtònymyhỹreny, 40 my broreni hãwyy sõe, kia debòituemy aròti sõe, wawiò my jumentas sõe, kia debòituemy jumentos sóe.
16
—Ijaò kaa iròdu iròdu riwirareare ributunymy, kia tadeòdu idi itxeredumy risỹnyre, sõerenydi sohoji sohoji-di. Kia myỹ tarybe riwahinyre: —Kai boho komy bòibenykre, kia iyhyniy ryy biribenykre sohoji sohoji ijoireny rymy.
17
Ijaò rarybere kodeleniy teòdu-ò: —Kia txibo waseriòre Esau atxireny reakre wana, tii aratỹỹraxinykre: Mowe adinodurenyre? Tiobo kai makre? Kia mo iròdu iròdubo kai tedyteri?
18
—Taita birawyònykre myy: Kaa iròdu iròdu heka ljaò nohõ rare. Ka heka anohõmy tii adee riteònyreri, adinodu Esau dee. Kia tii waheworenymy.
19
Kia ihewoludureny-ò, kia ityanareny-ò, kia ibutumy ijõ mahãdureny iròdu iròdu ijoi-di tarukimy rỹimyhỹreny deereny, Ijaò rarybere: —Txibo kai boho Esau txi bekoabenykre wana, kia iyrybule marybebenykre.
20
—Kia uritre nohõti Jusarenyõmykre myy ribi: Kia Jjaò nohõ, kia waheworenymy rareri. Kiemy dori Ijaò myy rõhõtinymy ratximyhỹ:-diarỹ arinohõtilusanykre Esau, kia wanohõ wakomy rakre-di. Kia tii wana witxi areakreu, aõhe wana tii riwaruxetòenykre.
21
—Kawesemy heka Ijaò riteònyre tanohõ ixikomy, kia iruu bede tabreò ki riere.