Pasal 28
Tutu Kedde-habali-Nya Marmba Yehu
1
Henene, langangoka Sa-bato, ene bana wahango, a loddo kaihana a minggu ne-tu. Maria Magdalena mo-no Maria heka otundika la harani rate netu.
2
Mono, ice baka, na dadi-ka opongo na heka bkolo-na orona maiekotona Mori mburu wali la huruga, eme ndi mono naunggiloka wa-tu, mengeka na londoka la panuna
3
Ninyona meraka kabala-ko mono ngawuna na kaka-ngo meraka kalabako.
4
O-rona barahaya kambohida lahadapana, ngara ene na ndanggango netu a maku-kahongoka mono ameraka ngara toy' mate.
5
Mono, malekoto hetuwa-yo wedaka lambarada nga-ra ha waricoyo netu, “Amba kambohi orrona yayo kupe-gheni yemi kandabamuni Maramba Yehu ha menge paterongo la ghay' kada-nga.
6
Diyo njanikya iyiya orona Diyo ndoli kedde ha-balinyaka hengo pandoli takki-Na. Mabika, mono ice baaka pandoy'na Diyo ba-pulirongoya.
7
Maleworo baka otu nggumi mono ngarakedoka bania ha ana hakola-Na nggeni Diyo ndo-li kedde habalinyaka wali la paraduna toy' mate, mo-no ice baka, Diyo naulung-gumika ela Nggalilea. Onye -na, yemi eme iceya Diyo. Hamataaro banika, yayo ndoli takki ngguminika ye-mi.”
8
Mono, hediyo a pamale-worongo wuy'daka ba ma-ndalani a rate netu dika a kambohida mono langge-boro langatakada; mono a palay'hika tanna ngarake-doko wani netu lambarada ha ana hakola-Na.
9
Momo, ice baka, Maramba Yehu na toboko hika hediyo mono wenandi, “Salamo!” Menge, hediyo emendikd lambara-na Maramba Yehu, a tarra-nika witi-Na, mono a kawo-donika Diyo.
10
Makka, Ma-ramba Yehu wenaka lamba-rada hediyo, “Amba kam-bohi; otu banggumika mo-no ngarakedoko banika ha anguwuyo- dungo kambu- Nggu tana hotundi ela Nggalilea, mono onono, ngara ene eme a icegha Yayo.” Ngara Nandanggango Rate a Woy'ngo Hobya tanna Ma -boleto wango weda
11
Tengeroda hediyo otu-ndika, naapiri toy' ndang-gango otu ndika la kota mono a ngarakedoko ndika ha imama kapala tutuna ngarakehe horina nadadi.
12
Mono, nggeni hediyo ba makaha kehe ngara penatu-yo. Menge a haperanika, mala wengoka a woy'ndika danga ndingi lambarada handanggango netu,
13
mono wedaka, “Takki ba-yaka, 'Halakeda-Na Yehu emendi bana hudongo mo-no a kedu-Ni pahe ba man-duru.'
14
Mono, hebyangoka horina iyiya bana rongo nggubernuru eme yamaka na hamondoni mono bama woloni tanna amba na mba-ninggumi.”
15
Makka, hedi-yo a himba hika ha ndingi netu mono a palkuka nama-to mera ene pandoli pa pa-nakilo dandi lambarada he-diyo; mono pa panegheda netu ene bana mahabara-ngo lundulapa iyiya loddo-na iyiya. Panakila Agungona Yehu
16
Menge makka, hakam-bulu iha ana hakola-Na otu ndika ela Ngalilea, la kabu-ndukuna ene pandoli pa pa-dodokona Yehu lambarada hediyo.
17
Menge hediyo ba iceya Diyo hediyo a kawodo-Ni. Tappi dimoka, napiri toyo a ragu pangoka.
18
Menge, Yehu emenika lambarada hedi-yo, “Ngara kuwaha pandoli woy' da-Ngga, la huruga hewyadingo lapanu tana.
19
Oronaka netu, tibyaka, tanna ngara kabokelo tok-ko la katiri cana pa kabali bandika ana hakola-Nggu, paiho wabandika hediyo la panu ngarana Byapa, mo-no Ana, mono Hungato Bihya,
20
pakaneka bandikangara ene pahalakoya ngarabaka etu pandoli papareta-Nggu lambaramu. Mono peghe bangoka, Yayo kuohu dan-da nggumi yemi njango ndukana lundu lappa bana pakandpu a rapana.”