Pasal 2

Ha toy' Majuso mikawodo-ni Yehu

1 Henene, mengeka Yehu nadadi ella Betlehema, ella Yudea, batengero ketena Tokko Herodeho, icebaka, ha toy' Majuso wali la pa-hunda loddo emeni la Yeru- salemo. 2 Hediyo a kaliro-ngoka, “Nggeka Diyo, pan- doy' dadina, Tokkona toy' Yahudi netu? Orona, yama ndoli icemanika a mandu-na-Na la pahunda loddo mono yama emenggama mi kawodo-Ni.” 3 Inja he- kanaka Tokko Herodeho bana rongoya tutuna iyiya, nakaledukoka diyo mono ngarandukana Yerusalemo ngarakehe. 4 Mengeka, diyo na kahaya -ka ngarabaka ha imama mono ngara hamanditu Hu -rato a pada netu. Diyo ta-na kole wani pamanikoda wali hediyo, pandona Kritu pandoy' dadina. 5 Ngarahe -he, “Ella Betlehema, tana Yudea, tora yini paturaho- da ha nabi:

6 'Mono, yoyo Betleheme, ella tana Yehuda, hejabana -ka bu rehi katappa wali la ngara baka natarango ku-waha la Yehuda, oronaka wali nela yoyo eme na hu-nga nahatoyo napaohungo, diyaka na dagha-ondeloya a kabokelo-Nggu, Israelo.”
Mikha 5:2

7 Makka, Herodeho na ka-wulo kanagha ndika ha toy' Majuso netu, na panakilohi -ka na hecopinjana wali he-la diyo tutu rahinya bana maghelorona netu a man-dunna. 8 Makka, diyo na pa -tumbanika hediyo olla Bet-leheme mono wenandi, “Ti- baka mono hamataro pan- dahani tutuna netu Ana la- keda. Mono, yemi bu tobo- ko doyaka Diyo, mitakking-gani lambaranggu tanaka yayo namapiko wango otu wangga mono la kawodo- Ni.”

9 Mengeka ba rongoya a tokko, hediyo hotundika. Mono, icebaka, a mandua-na hediyo pa iceda la pahu-nda loddo netu a ohundika lapaka baduki mono a ha-ngahuka ella mbara pa-ndoy' enni Ana lakeda. 10 Makka a iceyaka netu a manduna, hediyo nduka ndaha ate hika dikka lang-geboro langa takkahika.

11 Mengeka a tamahika el-la uma dalo, hediyo a tobo-koyaka netu Ana lakeda dik -ka Myaria, inya-Na. Makka, hediyo a katambaka mono a kawodonika Diyo. Menge, hediyo a bunggero hikya ngara ha pandoda hadoy' pawalida mono a wongoka marako pa woy'-kaluyo da-Ni, enne ndoka, karanu, mo -no murro. 12 Toranaka ba paape ndika liyo la mangga nipija tanaka amba helu liy' habalingo mbarana Herode -ho, hediyo ba balihi otu la tanada tana liy' byaka lara heka.
Pareta tana Palay'byaka olla Mehiro

13 Lighirodaka ngara toy' Majuso netu bahalako, ice-baka, hurundanduna Myori lambarana Yusufo liyo la mangganipinya mono we-nanika, “Kedebaka, ngandi baka netu Ana lakeda dikka inya-Na mono palay'baka olla Mehiro. Ndoy' walibya-ka onyono lappa baka Yayo baku paneghengo nggumi toranaka Herodeho kambu atengo kandabaya netu A-na lakeda tanna kuhamate wani wena-Ni.”

14 Mallawe -ngoka, Yusufo na paddaka mono nangandiyaka netu Ana lakeda dunggu inya-Na enne huddo memana makka otundika halako ma -royo olla Mehiro, 15 mono a londohikya o nyono lun-du lappa Herodeho bana mate tanaka nahangga wa- ngo ngara a liyo pakandolu -kona Myori liya la nabi: “Wali la Mehiro Kukawuloni-ka Ana-Nggu.”
Hosea 11:1
Ngara Halakeda Kabani Pa- hamateda ella Betlehema.

16 Kalolukona, hengyo He-rodeho naiceyaka ba ndoli akalo danika oroda ngara ha toy' Majuso, diyo langa ledeka mbanina mono wo-ngoka pareta tanna ngara kehe haana lakeda kabani ella Betleheme mono la ha- liliona loda, walingo naumu -rongo duy' ndoyo ndoy'wa -wa, namato namatatoya pa ndoli pa manikkoda wa- li la hatoy' Majuso. 17 Tutuka, hanggaka pa pa -dukina enne Nabi Yeremia:
18 “Handakka a liyo paro-ngo ella Rama, hoyo mono hoy'dedo na heka pa hameli ate denge- ngo. Ryahelo na hoy'ndi ngara ha anana, mono nja-na wawa bapomaya torana ba njandiki.”
Yeremia 31:15
Pareta tutu Bali habalingo ella Israelo.

19 Tutuka, rahinya Herode- ho na mateka, icebaka hu-rundanduna Myori napahu- nda ngongo wunaka liya la mangganipinya la mbarana Yusufo ella Mehiro, 20 mo- no wenanikya, “Keddebaka, ngandi baka netu Ana lake-da dunggu inya-Na ella ta-na Israelo toranaka ngara a toyo na mbengo hamateya Ana lakeda netu ndoli mate naka.”

21 Makka, diyo na paddaka mono nangandi-yaka netu Ana lakeda dung -gu inya-Na a bali hikya ella tana Israelo. 22 Tabahewyalinya, nenne diyo bana rongoya Arkhela- uso naketengo pareta ella Yudea naheluya Herodeho, bapana, Yusufo nakambohi -ka bana otuni onyono. Me- ngeka apaapenika liyo la mangganipi, diyo hotundika la Nggalilea. 23 Yusufo duki ka mono ndoy'yaka ella na hawuyo kota nangarango Nazareto tanaka na hangga wango pakandolukona nga -ra ha nabi, “Diyo eme takki nika Toy' Nazareto.”