Pasal 18
Nggarani na Rehi bokolo la Dalo Kalandana Huruga?
1
Tutu a rapana netu, ha la-kedana emi ndika lambara-Na Yehu mono a kaliarongoka, “Nggaranika narehi bokolo ela Kalanda-na Huruga?”
2
Makka, Yehu na kawulonika na hatoyo lakeda katappa lambara-Na, mono na pan dendeyaka la paraduy'na hediyo,
3
mono wenaka, “Yayo kutakinggumini na hecopinjana lambaramu, likena yemi budiki darra mono bameraya ha lkeda, yemi inja cama eme ela Kalandana Huruga.
4
Nggarani na pa kawawa wu'na la pola toy'na na me-raya lakeda iyiya didoyaka na rehi bokolo ela Kalanda-na Huruga.
5
Mono, nggarani na him-baya lakeda katapa meraya na hawuyo iyiya lapanu ngara-Nggu, diyo himba na -ngga Yayo.” Paapengo tutu Padadi wa-na Akico diryako
6
“Dika bahenyaka, nggara-ni na pandorotoya ene na hatoyo wali ngara ha lake-da katapa na wai'ngga lam-bara-Nggu iyiya, rehi njaha tangguna handini watu pa-kiloho paterongoya akoko mono pa tambuloni ela wey' loro na rehi mandatu.
7
Karehi nyanika panu tana orona ngara na pandoroto na eni ela dalo! Torana, na pandoroto nduka ememo-ngo na dadi, tappi karehi-nyanika a toyo na ngand-iya.
8
Hengyo limyamu nde-wena witimu bana rawi-ngo ndoku hala, kataribaya-ka mono leto banika netu. Rehi pango ndaha tanggu-mu bana tama ela mopiro dengeni a limyamu na kan-dubu ndewna witimu na pa-kadipungo walingo manga-na haduy' limya mono duy' nggayo witi, tapi a gheghu-nggu ela api inja badda.
9
Hengo matamu bana ra-wingoka pelo hala, hiko ba-yaka mono kapatti banika netu. Rehi pangoka ndaha yemi bucama edalona mo-piro dengeni na hawuyo mata wali bamangada duy' mbuyo mata tappi a beti-nggu ela dalo naraka api inja ba inja badda.
10
Hamataro banikala, am-ba jamoka yemi pangada halewani na haiha wali la ngara ha lakeda katapa iyi-ya. Torana, Yayo kutaki nggumini lambarami ngge-ni ngara ha malekoto nga-ra ene ela huruga na enga-da ba hamataroni a maho-na Bapa-Nggu na huruga.
11
[Torana, Ana Toy'piyo ndoli mainyaka tutu mi ha-manu maraya a toyo na mo hengo.]
Tuda ngendo tutuna Mbe-mbe na Mbunga
12
Penawemu pa pangada-mu? Hengo ba hatoyo ma-nga hangahuya benya mbe-mbe, tappi na ha iha wali la ngara ene na kahahhi, hebyangoka toyo netu na mandala nika na banda iha kambulu banda iha ela lete na mono otunika la kanda-ba yaka na haiha na kahahi netu?
13
Mono, hengo diyo na tobokayaka, hepinja pa-nguna Yayo ku panegheni-ka lambaramu, diyo rehi la nggeboro tutuna na haiha nandoroto mono na banda iha kambulu banda iha na njana ndoroto.
14
Hewajo-naka, inja henya pakambu-atena Bapamu na eni la hu-ruga hengo na hatoyo wali la ana lakeda katapa iyiya na mohengo.” Paapengo Toyo na Hala
15
Hengo loledemu bana pelo hala, otunika mono na pahinika a pelo halana, la paduy'na mono diy' kaneho-ngo. Hengo diyo barongo-ghumi, yemi ndoli kolenika loledemu.
16
Taba hewyali-nya, hengo diyo njana ro-ngo ghumika, leko baka ha iha ndewena duy' toy' wali a marengenggu tanaka wa-ngo ghoba wali duy' ndewe-na tallu toyo hakahiyo, nga-ra baka patakina dika pa hamondonika.
17
Hengo diyo natolakoya tutu barongohi hediyo, ta-kiyaka hadana iyiya lamba-ra jemaat. Mono, hengo di-yo dika tolakoya tutu rongo-ya jemato, pakaloko bani-ka diyo tana na meraya ngara kalanda tokko heka mono na waro kataku pa-hango.
18
Yayo kutaki nggumini na hecopinjana lambarami ba payaka ene yemi pa patan-nami yila panu tana eme na patanna wadi la huruga. Mono, payaka pa pahalami yila panu tana eme a paha-la wadi ghumi la huruga.”
19
Handaka wali, Yayo kuta-ki nggumini lambarami ba hebyangoka lambarami ba hengo duy' toyo la ndonga-mi pahawuy'ngo yila panu tana tutuna paya naeni ehe -he pa karey'ja, tutuna netu eme nadadi tangguda nga- ra ene la Bapa-Nggu na eni la huruga.
20
Torana, la pa-ndona duyo ndewena tallu toyo na makaha tutu Ngara-Nggu, Yayo nejongga la pa -raduna ngara enne. Tuda ngendo tutu Padiki dara
21
Malawengoka, Pyetu e-meni la Maramba Yehu mo-no nakaliaroni, “Mori, ham-biri pinjango yayo baku woy'ni diki dara a lolede-nggu na ndoku hala lamba -ranggu? Dukingo ha pitu-ngo?”
22
Maramba Yehu wena la mbarana, “Yayo njaku taki-ya lambarami dukingo ha-mbitungo hapitu kambulu-ngo wali la hambtungo.
23
Oronaka netula, Kalan-dana Huruga pa patuda wa-nika merana na hatoyo tok -ko na kapungeka baghe dengendi ngara ha atana.
24
Makka diyo kawunga-ngoka bana wolongo ba-ghe, atoyo na pahaghengo dangana hakammbulu rata talenta angandiya lambara- na.
25
Orona diyo netu nja-na pikongo bana patama-ndi, morinya a paretaka ta-naka diyo hamahani, lapa ariwenya mono ngara ha anana, parapango wadingo ngara padoy'na, mono me-ngeka netu apa pa halako-ya patamango haghina.
26
Maka, a ata netu naka-wodoka mono na katamba nika a morinya, wenaka, “Tanna dokinggala lambara -nggu mono yayo enga di-ka a patama ngara kehendi lambaramu.'
27
Mengeka, morina a ata netu na millya-ka atena, mono na woy'ni-ka diki dara tutuda ha ha-ghina netu.
28
Tapi dimoka, inja heka naka a ata netu nalohoka mono na tobokoyaka ene a ata heka na pahaghingo ha-ngahu ndingi lambarana, diyo na danggaloyaka dika a keleho nani ata netu, mo-no wenani, 'Woy' habali ba-ndika ha ndingi ene yoyo pa honggumu wali la yayo!'
29
Makka, ata na pahaghi neetu namokoka mono na kareyo lambarana, wena, 'Tanna dokimu lambara-nggu mono yayo enge pata-ma kehe nggundi lambara-mu.'
30
Tappi dimoka, diyo na to-lakoya mono na betinika olekyedana netu langgalu kapandu lundu lappa diyo bana mapikongo podohohi ngara kehe hahghena.
31
Inja hekadaka ngara ha ata ha hwadekongo baice ya nadadi heka huhadaka maka eme ndika mono ala-poro yaka lambarana mori-nya tutuna ngara etwayo na ndolina nadadi.
32
Malawengoka, a mori-nya na kawulo nika ata na kawungana netu mono we-naka lambarana, 'Yemi ata namboghi. Yayo kupadiki-ghu ngarakehe haghimu oronaka yemi bukareyo la mbaranggu.
33
Hebyango-ka yemi enga diyaka adoy' mini mila ateni lambarana ole toy'mi ata, namera yayo wadi baku ndoli pahunda-nggu mila ate lambarai?'
34
Mono, morinya, kedeka ambani langatakana, naha-raka nika lambarada ngara ha pahanni lapaka diyo ba-na todi habalindi ngarake-he pa pahongguna lamba-rana.
35
Bapa-Nggu la huruga wadi eme na pa halakoya hadana namera lambara-mu, hengo yemi ba inja pa diki darahi loledemu wali la ate dalomu.”