¹ Gombise bisemba liambe, yesu oho aosa Petelo, la yakobo, la yoane, bogolo aboli bwande, la geoho aabo go ngolo emoa sa go gabo. ² Geoho aakokoga agelenge geande gopelo yabo; osio bwande boangenga ambo loha, la tshulu yande yaela ongaa hembe ambo mogwaale. ³ La letaa, MOSE la ELIA baenana abo, bembende moselenga ande. ⁴ Petelo, oho aosa baogi, ko ebea a yesu; Ngene, mongae golo gombo esu tongaese ane; engambo age boolemba, yepwesande ane bakumbo baseso, emoa mpo ye MOSE, la yasina mpo ye Elia.

⁵ Ogalo aselenga mbala yasina, letaa lipita go liolo liaya goinjabo go liolo. La letaa, liogi limoalianena go liolo; Ono ende bona gai bolembane, ogatelemi botema; yelembege anganju owamiyei ge! ⁶ Gee geowe bo lio liogi, baetani bo baagwase la otshumelase la bogasa anganju.

⁷ La galo yesu, oho aasegase, aabundabo la ko ebeambo; yoi liolo, bwingo bangi! ⁸ Bobo baaesia baiso liolo, la bobo baena yesu geangene.

⁹ Ogaloasulugebose go ngolo, yesu oho aapaabo liano; Bwingoobegisi boto laa oma lio lilo, kino ogalo aayotaa bona ga boto liolo goete ongba.

¹⁰ Baetani bo baatshunja gebotuna; Mpo ye gi Basiginyi bengae mobeambo. Elia nde aayoyaa Pelo?

¹¹ Geoho aabea gombo; Mongae loongenegombo Elia eyande, la goolonganya mbeo yitshubu. ¹² Layeendebegisienu gombo Elia asooya goiga, enu botshilubi ge, la botongelindige mbeo yitshubu ogi alembenu. Gelenge gemoa la bona ga boto eoisamande looso mpo yabo. ¹³ Baetani bo baaluba gombo ebegisiendebo mpo ye yoane bolupisi.

¹⁴ Gee giigebo gongonge liemba, golome omoaoho aayaagoo gwela yesu, mobaolo ko ebea: ¹⁵ Ngene, owelelaa bona gai nganji, ogangae la bolii, la engae la bwale gee getshubu, eendegwase mo yumbe, kila gee laanganju uumamo baye. ¹⁶ Ye yeende ande gopelo baetani bago, la batshilongegouhisiage.

¹⁷ Yesu oho aabea gombo: lisego olitshia lingae la oimiliya, la osegana, yengaee ino kino gee inanji? yoi ande goni angaai. ¹⁸ Yesu oho aabea la ohamela boenda bobe, geoho aanena goete bonala geoho auha mogrr geaho gemoa.

¹⁹ La galo betani bobaasegase gongonge yesu, la bobo baabeande go ngonga: mpo yegiatshiaesu tolongi obitsha bo boenda bobe?

²⁰ Mongae mpo yiimiliya bwino bongae boke, yesu oho aabegisiabo galo. Yeendebegisienu mo loongene, engaambo enu bombindi la oimiliya ambo yuma yi sinapi, anji bobei ambwi a ngolo gombo totogaaho, ogatotogage; gea laa gemoa gepalemwe nu. ²¹ La galo geo gelenge ge boenda bobe gepanene bwasi kino la osembogela la ngila yoila biya biola.

²² Gee gembege moenda goete Galilaya tshubu, yesu oho aabea: bona ga boto eenjamande mo baago ba baito. ²³ Belowa nde ge, la bwina bo baseso oga taage liolo. Bobatshubu bo baangaa la nganji anganju.

²⁴ Gee gii gebo go kapalanauma, Befutesi be pako baele bo baagoonjunja Petelo, ko bebegisiage: Boekesi bwino atshi mofuta mpako? ²⁵ Geo oimiliya, gi abee ge. La gee gegotege goete mbele, yesu ohoaabegisiage pelo gombo, la bwaagelegia gani mpo ye gee gelenge ge loo Simona? Bekondi be gehuma goni se beosande mpako imbaimbo lifuti gwangae banji? mwete bana babo, too gwangaee begenda be huma yasina?

²⁶ Geoho aabea ande: Begenda. La yesu oho aaesielage mbisa; la bana obangae ibote (basomi). ²⁷ La galo, toapaabo mpo yopea goisiabo soni, teaa go loye lolene, ta lilango la lutaa pwe ye pelo oyaa yoya; libolaage bonya, la boitshande geoto ge lopata osaamo, la teaa goopaa bo mpo yai la mpo yayo.