¹ Mwebyo bindi, Yesu atingagha mw'iswa lya ngano busi bwa sabato. Begheshibwa baghe babagha na nsala, bimbikagha mu kutomola nu kulya bighuma bya ngano. ² Bafalisayo, mu kulola kubo bamubulagha: Lola, begheshibwa bobe bakita bitana kitwa busi bwa sabato.

³ Tondo Yesu ababulagha: Tamwasomile bwakitagha Daudi, ghongwagha nsala, we nu ghamoi na babagha nawe. ⁴ wingilagha mu numba Ghongo, nu kulya tumpampa twa kwela, tatwatunganana kulibwa nabo, we nu abo babagha nawe nu byabikwagha tughu ku bisankogha bob'inene? ⁵ Ali tamwasomile mu milembe buno mu kindi cha sabato bisankogha bakubelagha sabato mu numba sa kukumbamila nu tabakwigha? ⁶ Tondo nkubabula buno, ghano gheli chaghimba numba sa kukumbamila. ⁷ Ndi munamanile bukutenda: nkushima chombo ta bisansa, tamunakoshishe kwaghya batite bwaghi. ⁸ Kubuno Mwana wa muntu u Mukota wa sabato.

⁹ Mukutuka agho Yesu ingilagha mu sinakoki. ¹⁰ Nu lola mwabagha muntu umoi wouma kuboko. Babushagha Yesu: bwatungana kulamya muntu mu bindi bya sabato? Bwabagha buno bamutalikile.

¹¹ Ababulagha: Nai ku benywe ndi ite mbuli emoi nu sakolokela mu mushinga busi bwa sabato ntanasitucha mo? ¹² Muntu aghimba mbuli! Bwatunganana kashi kukita busogha mu bindi bya sabato. ¹³ Agho, abulagha uso mulume: lambya kuboko kobe. Aulambyagha, nu wabagha musogha anga wa ungo. ¹⁴ Bafalisayo bakukukagha nu bendagha mpindi sa kumwitya.

¹⁵ Tondo Yesu mu kumana u'bo, atukagha mwecho kishiki. Kikembe kinene chamuyangagha. Alamyagha basambi bansai; ¹⁶ nu kubanania bubibu bantu tabamumanilile, ¹⁷ buno kibelelele kitondo chatendwagha na mulenganya Isaya: ²² Agho bamwekelagha w'it'isumbu kyuku nu weli kalumbu, nu amulamyagha, inga kalumbu katenda nu kulola. ²³ Kikembe kinsai chaghanaghaghanagha nu kutenda: Ta whono musikila wa Daudi?

²⁴ Bafalisayo, kw'ongwa ku'bo batendaha: Whono mulume akutibita basumbu kutingila Belesebuli mukota wa basumbu.

²⁵ Yesu bwamanagha milenganya sabo ababulagha: Bukota bunsai ndi bwengukana nti bwashililila, nu mwelo ali numba simbeghanya ta sinaba. ²⁶ Ndi Kahinga katibita Kahinga nti'mbeghanya w'inene; Buni bunaba lingo bukota bwaghe? ²⁷ Nw'ine ndi, nkutibita basumbu kutingila Belesebuli, bana binu bakumutibita kutingila nai? Uchasula bakaba bashushi binu. ²⁸ Tondo ndi kutingila Muusa wa Ghongo u nkutibita basumbu, bukota bwa Ghongo bwa basa ku mweli:

²⁹ Ali buni buningila muntu mu numba sa mukambwe nu kutukula bikai byaghe ndi ntalinga kumukanda? Agho lino nti atukula numba saghe.

³⁰ Olya 1edduteli ni'ne ghamoi nti'ansomba; nu olya utakukunsumanya ni'ne nti akusandabanya.

³¹ Uchasula nkubabula bwaghi bunsai nu kwenegha Ghongo bikashighililwa ku bantu, tondo kwenegha Muusa takukashighililwa nukilo. ³² Olya uk atenda bubi ku Mwana wa Muntu, akashigililwa; tondo whoso ukatenda bubi ku Muusa Musogha ntakashighililwa, mu seno nkiko ali mw'eso si kashwa.

³³ Ali mutende muti musogha, nu kighuma chaghe cheli kisogha, ali mutende muti mubi, nu kighuma chaghe kibi; kubuno muti ukumanilwa kutingila kighuma. ³⁴ Kilongo cha malighi, buni bumunatenda bitondo bisogha, nu muli babibu? Kubuno ku byeli mu mutima u bikutenda wa kanywa. ³⁵ Muntu musogha akutucha bisogha mw'isengo lya mutima waghe; tondo mubi akutucha bitondo bibi mw'isengo lya mutima waghe. ³⁶ Nkubabula buos bwa kwaghibwa bantu bakalosha bitondo byabo bya tughutughu bibatendagha. ³⁷ Kubuno ukaba wasanana kutingila matenda mobe, nu ku matenda ukakandwa.

³⁸ Agho bamoi ku bafalisayo nu basanshi bamubulagha: Mukota, tukushima tulole bu'kukita kitangalo kimoi.

³⁹ Ababulagha: Lughiso lubibu nu lwa matensha lukusegha kitangalo; Takik'eleshibwa kingo kitangalo kughimba kicho cha Yona. ⁴⁰ Kubuno anga bwakitagha Yona bindi bisatu musi nu kindi munda na nkomo, ubo nubo Mwana wa Muntu akakita bindi bisatu musi nu kindi munda n'itete. ⁴¹ Bisa Ninawi bakimaluka busi bwa lusungyo kutalikila kicho kilongo, nu bakakighaya, kubuno baghalukile gha bongwagha kitondo chansasilwe na Yona; nu lola, eli ghano waghima Yona. ⁴² Munamughole wakutuka kunsi akimaluka busi bwa lusungyo na kino kilongo, nu bakakikanda, kubuno atukile kushinda kisi endagha kwongwilila bwenge bwa Solomono; nu ghano gheli waghimba Solomono.

⁴³ Mu nkungu satuka musumbu mu muntu, nti enda ku kishiki kite mpegho, mu kulonda mwomulo, nti siinda kishiki. ⁴⁴ Agho lino n'imbula winene: Nakulukile mu numba sani, munatukagha nu mu kwika, nti asisanga ntamu kena nu mwakukulwa nu kutondwa. ⁴⁵ Ntienda kutola ghamoi nawe bango mutubakamo babibu bamughimba, bingila mu numba, bombulha mo, nu myanya saghe mbi nti saghimba elya tangi. U bukaba luno lughiso lubibu.

⁴⁶ Bwabagha Yesu akutenda na kikembe, lola, nina nu bisakwabo babagha kumbugha, balondagha kutenda nawe. ⁴⁷ Muntu'umoi amubulagha: Lola noko nu bisakwinu beli kumbugha bekulonda kutenda nowe.

⁴⁸ Tondo Yesu aakulagha whoso wamubulagha: Nai u mama nu banai u bisakwitu? ⁴⁹ Nu ingalosha kuboko ku begheshibwa baghe mu kutenda: Lola mama nu bisakwitu. ⁵⁰ Kubuno olya wakita byashima Tata wani weli mw'ighulu whoso u mwisakwitu nu mubitu wani, nu mama.