¹ Matakum hukum misan bija hukum itakum kaman. ² Kalam hukum al itakum gura hukum bija hukum itakum kiyas al ita gi so na akude ya bija kutu neita. ³ Sunu ya gi kutu kede ita gi ayinu sokol al fi fi ena ta akutaki wu ita magi fekeri abtaki. ⁴ Itabija kelem nowo kefin gal kede ana amrugu fi ena taki sokol ligo taki lisa fi fogo. ⁵ Munaafi ita amrugu gidam sokol alfi fi ena taki dukur kan kala eta kede ayinu sokol al fi fi ena ta akutaki.

⁶ Mata kum wedi nekeli sokol al nedif ma kaman matakum jada soko al ta maana fi bakan ta goduru kalam kede maja dusu makura to kalam obija agiibwo waadita.

⁷ Asadu kum bija wede neitam kum gu su to kum bija ayinu weeri kum nafsi takum bija wedi neitakum. ⁸ Kalam kila ajol al gi asadu gi wedi nowo ma ajol algi gusu ogi ayinu ajol al weeri nafsi bifata nowo.

⁹ Kan ajol yatu min itakum nyereku to kan bi asadu nowo akil ogi wedi nowo laageri. ¹⁰ Aw kan abija asadu samaga tebija wedi nowo debiba. ¹¹ Yala itakum anas albatal je namna al itakum arufu wedi na yala takum sokolina ab kuweesi baba takum al fi fi samayi wagder ma sirida wedi neitakum anas algi asadu nowo.

¹² Yala kila soko al ita kum aju kede anas so neitakum kaman kede itakum giso noumon jede kalam deya shariya ma nas nebiya.

¹³ Dakan fi babu abu sakan kalam babu abu gi alja fi duruma kebil, me umon abu gi futu fogo umon fi milan. ¹⁴ Kalam babu me sika algi alja fi hayi sakari, me abu gi ayinu fi siya.

¹⁵ Chunga itakum nebiya te kabasi, abu bija ja ne itakum fi gumasi te kooru, lakin munjua umon batari. ¹⁶ Itakum bija faham umon fi matunda tomon. Abu ajol agira, ya uwo gi amurugu. ¹⁷ Yala jede kira sederi abu seme gi ja kutu matunda abu seme; lakin sederi abu batari gi ja kutu matunda abu batari. ¹⁸ Sederi abuseme ma agidel kutu matunda al batari, me sederi al batari ma agidel kutu matunda abu seme. ^19-20 Kira sederi abu ma gi kutu matinda; seme ke gatta ke jada fi nari. Yala itakum bija faham umon fi matunda tomon.

²¹ Ma kira ajol abu gi kelem gaal' sidi tayi, sidi tayi, uwo bija dakar fi mamlaka te samayi, lakin uwo abu giso baba tayi abu fi fi samayi abu uwo aju. ²² Milan abu bija kelem fi yom nade gaali; sidi tane, sidi tena, ina ja turuju jini fi asuma taki, ina so sokolin te sanga fi asuma taki. ²³ Ya ana kelem ne itakum gaal ana alfu itakum ma: wasa kum bakan ana fi itakum abu so hagal.

²⁴ Kila ajol algi asuma kalama tayi, dole oja kutu umon fi namna bija linganisha uwo me binadum alendi agil al abimu jua to'o fi laaageri. ²⁵ Matara waga dukur moyo matara alwaskan lobu gum dugu juwa de, lakin waga dukur ma kalam abin fi'stu laageri. ²⁶ Makila ajol al gi asma kalam tayi dukur osoma bija beenisha uwo ja ajol al arfa ras to ajol al abin juwa to bakan ab bodo dodo. ²⁷ Matara waga moyo matara jere loodu lizu lata dugu juwa to dukur waga ladi waga kan kebir.

²⁸ Bakan ja rasul Yesu kalas kalam to kawm taanas hairu namna tetaalim to. ²⁹ Kalam oja alim umon ja saidu wezo maja anas al kataba to umon.