¹ Lakin yomu sabit logo geri kede kalas ligo yomu taulan fi yom saba logo geri kede saba, Mariam Mangadaleni me Mariam umon tinin umon ja fi kabuli. ² Ayinu ja kanu yi zu yizu al Rebi fi duniya kalam Malaika te Rabbana uwo tala fi samayi oja liju lageri oja amurugu uwo oja gai perasto. ³ Lakin picha to kani gi wala wala ma gumas to kani abiya je matala lisasi. ⁴ Makala to kutu anas al kani ja ayinu ligo moja kunu janasi al mutu.

⁵ Lakin Malaika uwo al ja kelem no'mon gal itakum matakum kafu misan ana arufu itakum gi gusu Yesu al gu fi musalaba. ⁶ Uwo ma fi mi misan uwo guruma mini kabul je uwo kani kelem tali kum kede itakum ayinu bakani al sidi kani numu.

⁷ Ruwa kum fi gwamu kede itakum oruwa ke itakum kelem ne swahaba to je uwo guma tala fi anas al mutu ayinu kum uwo figidam itakum fi ruwa tokum fi Galilaya bakan aitu kum bi ayinu uwo fogo ayin: ayinu kum ana kelem neitakum.

⁸ Umon ja tala gwamu fi kabuli me kwafu me furayi milan umon ja jere kelem ne swahaba to'o. ⁹ Ayinu Yesu ja ligo badu ma umon oja kelem umon raha umon ja jadul uwo. ¹⁰ Ini ya Yesu kelem na'umon gal mata kum kafu kede itakum kelem na akwana tayi kede umon ruwa fi Galilaya bakan abana bi ayinu umon fogo.

¹¹ Lakin logo umon guruwa ayinu wadini fi anasi al kan gi chunga kabuli umon ja fime dina monja kelem nekubarina tedini kalama kulu alkan fi. ¹² Umon dina jalimu bakan wayi mewaze umon jalimu bakan wayi kede umon wedi kaski era feza milan. ¹³ Umon ja kelem gal itakum bija kelem je swahaba to ja file li umon jesere gu uwo ligo ina numu. ¹⁴ Lakin kalam wede kani ja kele ne kebir te kariya ina nebija teritesi uwo me itakum bija amrugu mini itakum kesi. ¹⁵ Umonkaman ja sulu feza umon ja so je kelem no'umon kalam jasus tamon fi bele kutu kebudaya ladi nare.

¹⁶ Lakin swahaba to shahidi umon ja ruwa fi Galilaya fi gala bakan al Yesu kelem no'mon. ¹⁷ Bakan umon ayinu uwo, umon abidu ja wadini ja kunu meshaka, ¹⁸ Yesu oja wonus no'mon oja kelem no'mon kalasi wedi naana al sulu ta rul fi samayi me duniya. ¹⁹ Asede Ruwa kum ke itakum geru balana kul kede kunu swahaba ligo itakum gi batiza umon dakal fi asuma te baba teena mete nyereku me Roho al nedif. ²⁰ Ligo itakum gali mu umon amsuku kalama kul abana amurisha itakum meka mani ayinu kum ana fi bakan wayi me itakum yom kul ladi fimisho te wakti wede.