¹ Ini bakan Yesu kalasi unusu kalama doole kul, uwo kelem ne swahabato. ² Itakum alfu je bada yom tinini bija kunu basikal me nyereku te bindum bija wed uwo kede al gu uwo fi musalaba.

³ Ini kubalina tadini ne wazze te anas umon lim umon fi juwa te kebili te dini al tefo al asuma to kayafa. ⁴ Umon gata gilu taanu sukuwo Yesu fi agilu kede katu luwo. ⁵ Lakin umon ja kelem ina muwa kede amsuku wo fi yom kabiri misan ana ma kede dugu kerere.

⁶ Bakan Yesu ligo offi fi Besaniya fi juwa te Simoni al kani endi ayani gildi. ⁷ Maria gen Yesu logo wedi cupa dini te bei te fo ojja ubu filasto bakan uwo kan gal ligo ga akul. ⁸ Bakan swahaba ayinu mon jalani umon kelem dini wede kalabule? ⁹ Kalam kan wede uza kan bitala fogo sokol na milani neja wedi ne misikini.

¹⁰ Bakan Yesu fahamu uwo kelem ne itakum gitabani Maria? misan uwo so kalam al seme nana. ¹¹ Kalama anal misikini ya itakum gelemu me umon lakin ana itakum ma gigelu me ana kila yomu. ¹² Bakan uwo kubu dini wede fi gidi tayi uwo adulana fi dofunu tayi. ¹³ Fi laki ana gi gi kelem itakum je enjiru fi bakanikul al binaba fogo fi duniya kul kalaru al Maria so bija unusu fogo kumbuka uwo.

¹⁴ Wayi mini fi nashari al asuma to Yuda Isakariyoti ojja luya ne kubalina tedini. ¹⁵ Oja kelem umon gaal itakum bi wedi nana sunu ana kanubi wedi Yesu? umon wakti nusu te feza tele fini. ¹⁶ Ojja abidu gusu namna teweduwo.

¹⁷ Yom tawlan te hafla ta mukati al magi furu swahaba to ja ne Yesu mon kelem nowo ita aju kede ina adul wen Pasika sikabakul fogo?

¹⁸ Okelem no'umon, ruwa tokum fi medina ne ragi wayi kelem kum nowo gal malimkelem muda to geeri kede rasul ukaman ajol al bakul in Pasika me swahaba to. ¹⁹ Swahaba mon so je namna ab Yesu amrisha umon mo mon aduk Pasika.

²⁰ Bakan ja Iasiya ogen wabidu akul ma swahaba to itnashar (12). ²¹ Mon kani gi akul okelem no'umon gal fi hakika, ana gi kelem neitakum gal wayi mini itakum bija wedi ana fi ida tanas algigus ana.

²² Mon ligo singa zaidi mon ayin badum to mon kila wayi kelem nowo yaana?

²³ Warja fogo okelem oya wede algi akul bakan wayi fi saani wayi ya biwedi ana. ²⁴ Nyereku te binadum giruwa ja namana al katif uwo lakin ligo badum mowo ajol al biwedi uwo fi idda al awaja kan bi kuweesi ka kan ajo wedede ma weledu uwo. ²⁵ Yuda al wedi uwo fi idda albatal okelem nowo sidi tayi ya anaa?

²⁶ Bakan umon gi akul Yesu amurugu mukati dukur oshukur owedi ne swhaba to kelem gali amrugu kum akul kum deya gildu tayi. ²⁷ Osul kubaya oshukur owedi ne swahaa to ligo ogi kelem gali asurubu kem fi wede wede itakum kul. ²⁸ Kalam wede wede ya dom tayi alta ahadi al jedid kupanga algi kubu kalam tanas milan kalam amrugu zambi. ²⁹ Ana gi kelem neitakum gali ana bi surubu ma fi fawakil te zabib ladi yom naade yom al ana bija surub yom ab jedidi bakan wayi me etakum min gidam te mamlaka te baba tayi.

³⁰ Bakan umon kalas guna mon ruwa fi gala zaitun.

³¹ Yesu kelem no'umon gal itakum kul gutwa shanga kalam tayi filel tanaare kalam ja katif uwo gaali ana bija dugu ajol algi akilish iam gaba me kooran al femura bifere. ³² Kan ana bi arja tala min kabri and bija ummu itakum fi ruwa fi Galilaya.

³³ Lakin Petero jibisha ligo oji kelem now galisala kan gal umon kul bishanga fi ana ana ma bishanga sala so kar.

³⁴ Yesu kelem nowo gal fi filel wedede gibba logo lisa ma koore ligo taabana mar talata.

³⁵ Petero kelem nowo sala kan bijju uwo mutu bakan wayi meeta ana bi beeta sala sakarme swahaba kulu kelem jede.

³⁶ In ya Yesu ruwa no'mon bakan al ginadi (gesusamani) okelem ne swahaba gen kum kede and ruwa womba. ³⁷ Osul Petero me yala te Zebidayo tinen dukur wabidu kun me singa ma wasi wasi zaidi. ³⁸ Dukurokelem no'umon Roho tayi endis singa milan aju katul ana gen tokum in ayinu tokum bakan wayi ma ana. ³⁹ Omassi siya osujudu owomba okelem ayi baba tayi kubaya de kede wassa min ana kan agder uwo magalje ana aju lakin fi aju taki ja naman al fi. ⁴⁰ Waarja ne swahaba to ligo umon num okelem Petero tokum magder ayin maana salasaa wayi? ⁴¹ Ayin tokum womba kum ma takum dakalfi abura Roho aju lakin gildu ya kislan.

⁴² Oruwa mara te tinen oruwa womba ayi baba tayi kan wede mabi agder tala fugu ana aw ana asurub fogo kalam al ta jude kede soo.

⁴³ Warja martaan oligo ligo umon num kalam ena to mon gi amsuku uwo. ⁴⁴ Warja seebu umon oruwa mara te talata owonus kalama ya wayi. ⁴⁵ In dukur oja kelem no'umon num tokum mara wayi omla kum safa ayin wakti gera gura tim nyereku te binadum bija wedi uwo fi idda ta anas al endi zambi. ⁴⁶ Gum to kum kenna aruwa yin algura wedi ana gen kera soo.

⁴⁷ Kan lisa ogu wonus yin Yuda wayi mmin itinashara oja ligo wendi kom milan me anga me lasaya ligo mongitara ne kubarina te din me waze taa anas. ⁴⁸ Lakin Yuda wedi no'umon arama ligi ogi kelem abu ana bi waga fi dusu to ligo yo uwo ke itakumamsuku uwo. ⁴⁹ fi gwamu oja ne Yesu okelem no'uwo raha sidi tayi owaya fi dus to.

⁵⁰ Yesu kelem no'uwo gari sadi tayi so abujibita umon ja kut ida fogo umon amusuk uwo. ⁵¹ Iyinu wayi fi usitu umon al kan fi me Yesu uwo alta ida to oduru panga uwo gatta labi te kil te dini uwo gatta adan. ⁵² Yesu kelem no'uwo algi panga fi bakan to misan umon abuga amsuku panaga umon bija mutu panga. ⁵³ Kan ita ji fekeri gal ana ma agia der nangu baba tayi uwo liju nana Malaika algi tutu fi elf tinim? ⁵⁴ Bija lasul kefin makati ba gali jita ken bin jede?

⁵⁵ Fi sa wede Yesu okelem ne kom to ji ben je alja narami me panga me lasiya fi amsuku ana? ana ja gen fi kanisa kira yom ligo ana gi alim itakum amsuku ana ma. ⁵⁶ Lakin dorin de kul kan fi abu nebbi ya katif kere lasul iniya swahaba kul umon sibu uwo umon jere.

⁵⁷ Umon amusula Yesu umon sul uwo ne kayat algi singa me kebi r nas katiba me waze ya umon alimna. ⁵⁸ Lakin Petero fitai uwo ligo ogi tara boyi mini uwo ladi ne kebil te dini oja dakali munjua, ogen me nasi labiya ke uwo iyinu sika bikoma.

⁵⁹ Lakin kubalina tedin me anas te (makaya) umon gusu shahidi te kabas fi Yesu ke umonogi del katulo. ⁶⁰ Lakin umon maja iyin sala kun shishid te kabas kan umon milan al ja tu jaja anas algi shahid tenini abu te kabas. ⁶¹ Umon ja kelem wede ja kelem gil wagi del kasul kanisa te te Rabbana ma bin fi yom tarata.

⁶² Kebir te din ogegif wa asadu uwo ngal tegi gibisha ma ladi sakali? kalam yatu abu anas wede ji sarabutu ita? ⁶³ Lakin Yesu uwo asukutu kebir te din kelem no'uwo ngal angi alf ne ta Rabbana abu hayi kelem nena kin ita ya Kristo nyereku ta Rabbana.

⁶⁴ Yesu kelem no'uwo ngal ita wonus lakin angi kelem neitakum min nare itakum bija iyinu nyereku te binadum ligo uwo gen fi ida te suma abu te gudura ligo ogi ja fi subura te lasiya.

⁶⁵ Ina ya kebir te din oseredu gumis to okelem ngal uwo alis Rabbana te ina gi gusu shahidi? itakum asuma uwo lig oga alis. ⁶⁶ Itakum gi fekeri kefin? umon gibisha ngal uwo gifa mutu. ⁶⁷ Ini ya jja tubu buja fi ena toumon dugu uwo ngumi tani kof. ⁶⁸ Ligo umon gi kelem ngal kelem nena kalam al gija gidamu ita Kristomon dugu ita?

⁶⁹ Ligo Petero gen bara biniya no'uwo okelem no'uwo ngal ita kan fi bakan wayi me Yesu mu Galilaya.

⁷⁰ Lakin Petero ja abo fi damu umon kul ngal abu ita gi kelem ana ma alf.

⁷¹ Bakan uwo ja tara biniya tani ja ayinu uwo okelem na anas al kan fi ini me wede kan fi bakan wayi me Yesu munazalesi.

⁷² Waabo mali tani uwo alf ngal ajol wede ana alf uwo ma.

⁷³ Futu fogo muda siya anas abu kan yegif bakan de umon ja umon kelem ne Petero galf fi haki ita fi bakan wayi me uwo misan wanasa taki gifa misha ina.

⁷⁴ Ini wabidu daya me alif ngal ajoru wede ana alto oma fi gwamuwedi gidida kore.

⁷⁵ Petero ja fekeli kalam Yesu ja kelem gaal kan gidida lisa ma kore ligo ita abana mar tarata, otara okore zayid mayo ena.