¹ Yesu oja arja wonus nomon fi kalam te maana ligo ogi kelem, ² je mamlaka te samayi fi je binadum alkan Sultan al adul n'mon joju ta alsu, ³ Uwo rasul labi to umon umon kede nadil dolinde alnadi fi joju lakin umon aba ja fi joju. ⁴ Uwo rasul labi wadini logo uwo gi kelem ne dolinde al nadi de anas karas tayarisha ana dababarara tayi alendi dikin me kila sokol fi tayari tal kum fi joju te alsu. ⁵ Lakin umon ma kutu fogo bali umon ja ruwa fi sika to, umon taanifi jaliwa fi sika to, me taani fi ja aruwa fi biashara to, ⁶ Altaadul ja amsuku umon anas labito katul umon. ⁷ Sulta gelba hari hali amsuku uwo oja kelem na asikr ya to oja katul ana al katul de me uwo jaaju medina to umon. ⁸ Ini uwo kelem me labi to je, joju kalas rasul, lakin umon dole al nadi magi ta no'umon. ⁹ Ruwa kum fi kona anas kul abu itakum bainu na kede itakum nadi umon fi joju ta alsu. ¹⁰ Nas labi jaruwa fi sika moja lim umon kul al umon ligo fi sika; albatal me alseme, joju jamuran fogo din ta. ¹¹ Bakan Sultan ayinu din ta oja ayinu ajol alma lebis gemis ta alsu. ¹² Oja kelem no'uwo te dakur ini ke ligo ita ma endi gemas ta alsu? uwo ma fata kalam. ¹³ Ini ya Sultan kelem ne nas labito kede, robtu me kura kede itakum jadowo fi duluma te bara al bikun fogo koore me ayinu tabu. ¹⁴ Misan alnadi ya milan, lakin al migitufogo fi siya.

¹⁵ lni ya Falisayo umon ruwa jagata agil bakan wayi namuna tetego fi kalam. ¹⁶ Umon ja rasul nouwo swahaba to, umon bakan wayi me anas te Kerodiyan, umon ja kelem, ma uwo amin ina arfu je ita ajol te haki, me ita galim fi haki sika te Rabbana, me kila kalam te binadum yoyote, ita magi kutu fogo bal taki misan ita magi gesim anas. ¹⁷ Asede kelem nena tegi fekeri kefin? saade wedi ne Kayisali musolo, ama fijede ma?

¹⁸ Lakin Yesu ofaham batar toumon, oja kelem no'umon, le itakum gabur ana, itakum munafik? ¹⁹ Wedi kum nana sente abu tom gilipauta kum gilipa mo musolo, umon jibu nowo sente wayi. ²⁰ Okelem no'umon pikya al fogo de me katif alfi fogo to munu?

²¹ Umon kelem te Kalisayi. Ini ya uwo kelem no'mon asede lipa kum te Kayisali sokol nate Katisali; me Rabbana kede itakum wedi nowo te Rabbana. ²² Bakan umon asuma umon hairu monja sebu, nowo naa moja ruwa.

²³ Fi yom de Sadokayo umon ja nowo umon kelem gal (ma gumu to mini kauri) umon ja asaduwo, ²⁴ Ligo umon gi kelem gal, mwalimu, Musa kelem kan ajolmutu ligo uwo ma endi yaal, aku to kee joju Mariya to, uwo kede weledu n ku to yaal. ²⁵ Ne nana ken fi akwana saba tawalan mutu ligo uwo ma endi yaal oja sebu naak mariya to. ²⁶ Me yala to tinini, me te tarala ladi umon ku kalas. ²⁷ Fi mosho to ligo umon ul kalas mutu, mariya to kaman ja mutu. ²⁸ Asede, yom te kiyama (yom te tala fi kabur), mariya de bija kun to mun? misan umon kul joju mariya de.

²⁹ Lakin Yesu ji besho umon ligo, ogi kelem itakum gi meru kalam arfu mafi gudra te Rabbana. ³⁰ Misan fi yom te kiyama, magi joju, lakin itakum bija kun je Malaika fi samayi. ³¹ Lakin kalama tegum fi kabur itakum ma agara al Rabbana kelem gal. ³² Ana Rabbana te Ibraham, me Isaaka, me Yakobo? ma Rabbana te mayitin ne Rabbana al hayi.

³³ Bakan kom kul asuma, umon hayiru.

³⁴ Lakin bakan Falisayo asuma je uwo kutu Sadukayo asutu monja lim mon bakan wayi. uwo me ma swal. ³⁵ Wayi fi wustu, umon al kati shariya, asadu uwo ligo oga abur uwo me ma swal. ³⁶ Malim, amur ya tu al kebir fi sheriya?

³⁷ Uwo kaman ja kelem no'mon gal; aju Rabbana me gelba taki kul, me afiya taki kul, me muk taki kul. ³⁸ Wede ya amuri kebiri tawulan. ³⁹ Me to tinini ya wede; aju jiran taki je ita aju ita sidu. ⁴⁰ Me fi amuri tinini dole yagi tala fogo amur kul me nebiya.

⁴¹ Falisayo bakan umon lim umon, Yesu asadu umon gal: ⁴² Itakum gi fekeri kefin fi Kristo? me uwo nyereku to munu? umon kelem now gal uwo nyereku te Daudi.

⁴³ Asede bakan amura Roho fi Daudi te ona diwo sidi tayi? ligo ogi kelem. ⁴⁴ Sidi kelem ne sidi tayi gaal, gayi fi ida yomin tayi, ladi yom abuana bija kutu nas aduyi taki tete kura taki. ⁴⁵ Asede kan Daudi ginadi uwo sidi to, ogi kun kefin nyereku te Daudi? ⁴⁶ Ja kosa ajol al gi gibisha kalam me tala fi yom de mafi ajol ala asuduwo kalam yoyote mari tan.