¹ In bakan Yesu kalasu kelem kalama dolde uwo tala fi Galilaya uwo ruwa fi mpaka te Buyudaya fi sata kani amafi dula tani te bahari te Yoludani. ² Komu milan fatiya uwo, uwo ponyesha umon naa.

³ Wadenin fi Falisayo ja umon aburu uwo umon asdu uwo seyi girud uwo ragi turuju mariya too kalam makosa yoyote.

⁴ Yesu gibisha umon itakum lisa agara ma je awolanin uwo al kalagu uwo kalagu ragi me mariya? ⁵ Uwo kelem wede algi kutu binadum gisebu baba to'o me mama to'o mariya to'o anas tinini dole bikun ajol wayi. ⁶ Umon al bikunu tinini mariya tani logo umon kalasi geru girudu wayi me jede sokul abu Rabbana limu bakan wayi ma fi binadum kede gesimu.

⁷ Umon asadu uwo ini asde le MUsa uwo amrisha ragi talaga Mariya me turuju?

⁸ Yesu kelem no umon gelba gowu takum ya kutu Musa kelem ne itakum gesim itakum me ne suwan takum lakin mini fi abidu kani jede maa. ⁹ Ana kaman je kelem ne takum je kila wayi al bituruju mariya to'o fi sababu te zina ojja joju tani uwo kalasi so zina me uwo al jajoju al me tiruju uwo kaman gikun so zina.

¹⁰ Swahaba to'o kelem nowu je kalama te ragi me mariya to'o kani jede ma seme ne binadum kede joju.

¹¹ Ojja kelem nomo je anas kul ma agideri rudu kalem wede nomon. ¹² Misan fi al weledu tala fi batana tanasi mama to mon logo tomusu umon me fi anas al to musu umon barawo kalam mamlaka ta Rabbana alagderi wede kede rudu.

¹³ Ini ja jibu nowu yali al duga uwo kede kutu ida fogo umon me kede umon womba no'umon lakin swahaba to'o jaba umon. ¹⁴ Lakin Yesu kelem nomon sul kum umon jana ana misan al fi jedo rinde mamlaka te samayi ya to'o umon. ¹⁵ Oja kutu fogo umon ida oja tala na.

¹⁶ Ya ajol ja to'o nowu okelem no'uwo sidi tayi ana bi so sunu ligo hayi algi kalas ma?

¹⁷ Uwo gibisha ladi anas bi kunu seme? al seme ofi wayi lakin kan taaju dukur ta hayi al gija kala ma asuma sheriya.

¹⁸ Oja kelem nowo shariya yatu? Yesu kelem nowo; mata katul, matta so zina, mata seregu, mata gata gwala. ¹⁹ Ishima baba taki me mama taki me kede ita aju jiran taaki je taju ita.

²⁰ Yowele ja kelem nowo kalama dolde kulu ana so lakin de sunu yagi kosa naana?

²¹ Yesu gibisha kani ita aju ana kun adil ruwa kede ita wuza kila sokol abi ita enddi kede ita wedi ni mesikini te bija kunu me tagir fi samayi duguru kede ita ja afi ana. ²² Bakan yo were asuma kalam wede oruwa logo singa amsuku misan uwo kan endisi tagi milan.

²³ Yesu kelem ne swahaba to ja gowu zaidi na ajol al tagir dakuru fi mamlaka te samayi. ²⁴ Me kaman anagi kelem ne itakum je rayisi zayidi ne jemel futu fi lufura te libira mini tagir dakalu fi mamlaka te Rabbana.

²⁵ Bakan swahaba to'o asuma umon shanga mo kelem demu nu yagi deri ponna?

²⁶ Yesu okelem no'mon je fi anas al gi aderi lakin Rabbana al de teena kul.

²⁷ Ini ya Petero gibishai ini sibu sokolina kul neja fatiya ita ina bija kunu me sunu?

²⁸ Yesu kelem no'mon gal ta sil asil anagi kelem neta kun fi wakti tarija sokolina kul jedid ligo nyereku binadum gayi fi hishma ita kum kul aligi fatiya ana itakum bija gayi fi bambara itinaashari itakum ja kun kabira itinaashari te Israel. ²⁹ Kira ajol al sebu juwa to'o, akwana to'o, akwana to bana, baba to'o, maama to'o, mariya to'o, yaala to'o, ama metura to'o kalam asuma tayi biga lipa uwo mari miya mari miya me uwo bijal gowu hayi al gi kalasu ma.

³⁰ Lakin tawlan uwo bija kunu temisho me twmisho bija kunu taawlan.