¹ Bakan wakti rasul Yesu ligo Kalas wedi shariya na nas to dukur owassa oruwa alim me setetu aw naba injili fi madina toumon.

² Lakin Yokana bakan uwo asma ligo uwo gal fi jela kidima te Kristo orasul swhaba to. ³ Kede mon ruwa kelem nowo gal ita yade wedede al gija wala kede ina ste taani.

⁴ Yesu kelem noumon gal arja kum ruwa kun kelem ne Yokana kalam al ita suma ma al ita kum gi ayin. ⁵ Aas al ena tomon ma gi ayinu mon gi ayinu mana ab kereng gi massi manas al ida tomon gi gi gata gi ponesha umon manas al atere sa gi asa manas ab mutu gigum manas ab miskinin gi kelem no'umon injili. ⁶ Ajol yoyote ab endis bahati al ma bi agder geem uwo naana.

⁷ Me doole bakan mon ruwa Yesu dukurabidu wonus me kawm fi raste Yokana gali sunu itakum fi bakan ab pengele fi ruwa ayinu? ⁸ Lakin sunu ya kan itakum ruwa ayin? ajol al lebisi gumasi al gi wala wala abur ayinu anas al gi lebis gumasa al gi wala wala mon gi gen fi juwa te Sultan. ⁹ Sunu yakan itaku ruwa ayinu? ruwa ayinu nebbi? ya jede ana gi kelem ne itakum ab gi sinda nebbi. ¹⁰ Uwo ja kati fugu uwo gal ayinu ana gi rasul mursal tayi gidam ita al bija kun gi damita al bija adul sika taki.

¹¹ Taasil ana gi kelem neitakum gali magi tala min anas alnus wana gi weledu ajol gi sinda Yokana lakin ajol sakar min mamlaka ta samayi gi sulu me gudra nanas al endisi guwa gi sulu me gudra. ¹² Min fi wakti te Yokana kubatiza rasul nare mamlaka ta samayi gi sulu me gudra nanas al endis guwa gi sulu me gudra. ¹³ Kalam nas nebiya kulu me shariya ja wonus fuga umon min fi wakti Yokana. ¹⁴ Kan itakum aju amin weledu ya Eliya al gura ja. ¹⁵ Al endis adan kede uwo asma.

¹⁶ Ana bifa nanisha kefin zaman welede ki fananisha yala duga algi gen fi suu algi futu akwana tomon. ¹⁷ Ligo mon gi kelem gal ina ja afuku no'umon buruji lakin itakum maja albu neja kelem neitakum shida tokum ma sa ayin huruma tena. ¹⁸ Kalam Yokana jaja ligo uwo gi akul lakin oma gi asurubu anas ga tiya kelem gal kan wendisi jinni. ¹⁹ Nyereku te binadum ja ligo uwo gi akulu ogi asurubu dukur umon ayinu ajol te ma wedede an sakaran saabi tanas algi amrugu ushuru anas al endisi zambi agili ja wedi uwo adili ligo gayiru kadima al uwo giso.

²⁰ In ya Yesu abidu lomu medina abu uwo so fogo kalama milan al tamas tajab me umon jaba so touba. ²¹ Bija ligo badum me ita kolazrin bija ligo badum me ita Besusaida kalama te gudura ala ja so neitakum kan kan so fi tuulo me sidon kan mon kalas taya kan kan umon fi fi gumas al me seretu aw raman. ²² Ana gi kelem neitakum fi yom te lukum tuulo me sidon mon bija kun fi athabu alte gudra al gi sinda. ²³ Itakaman kapera noun bija arfa hishma taki fi samayi? ²⁴ Abija nenzil fi turuba kalam kalama ab te gudra ab so fugu itakun so fi sodom yabi ti ladi saade kan ya jede kan ladi asede.

²⁵ Lakin ana gi kelem neitakum yom ta hukum bele te Sodom bija kun fi altaa algi sindu sinda ita fi wakti wede Yesu arja kelem gaali ana gi shukur ita sidu samayi ma arthi kalam it dusu kalama dolde anas te agil manas al aju kalama ta nus wan deya anas ab negi dukur te ja fata ne yala duga. ²⁶ Ya fi jede baba tali deya namna alkan ita aju gudam ita.

²⁷ Sokolina kulu wedi naana ya fi jede mafi ajol al arfu nyereku illa baba to mafi ajolal arfu baba illa nyereju me kila ajol nyereku ma gi aju geta fata nowo ²⁸ Taal tokum naana itakum tokumkullu ab fatara min ma nas al kalas tegil no'umon duniya ana bija kutu umon amla safa. ²⁹ Arfa tokum sela tayi kede itakum alim fugu ana misan baari wu ajol te sul kalama bisesi fi gelba itakum kaman biligo amla safa al ta raha. ³⁰ Kalam sella tayide ata ma gow me sella kefif zaidi.