¹ ኢየሱስ ዋዳ ዝሬከ በጀፐረ ቀጥወ ፤ተገሊላ ተረሳታ ተዮርዳኖስ ሀ አጋድ አነዳ ኧይሁዳ ገኘ። ² ህሜ ቲያርካ ኖኦራ ሰቭ ቴሄተሪ ፤በህሜ ባአሸ አነዎታ ሰቭ አፊያ ኤፐንም ። ³ ኧፈሪሳ ሰቭ ኢፎትሪ ኧሁዳይ ቴኤኖምታ «ኧሁርትሞሀ ሰቭ በኸረ ባኸራአር እንእ ምሽትኋ ኢገፍሪ ተፈቀደይ? »ቧሪም ተሳአሪ ። ⁴ ዥፐረታ « ጎይታ ቤተረ ኧች ተገረድ ኤፐ ኧፈጠረኸ -አናነበብሁዋታ? ⁵ <በህም ኧቫአ ሰቭ አባሞሀይ አዶድሞሀ ኢችእ ፤ ተቭሽትኋ እማት ይኸር > ይካ ቃር አናነበብሁዋታ? ⁶ ቦዋቴ ሁና አት አካልኖዋ ባሀሬ ውሬት አሆርታ ፤እመኸ ኧኸሬ ጎይታ ፣አት ኤፐን ሰቭ አይቫትሪኩ »ባርኖም ። ⁷ ሰቭ « ባቴ ሙሴ አት ምስ ሚሽትኋ ቲገፍርካ ኧገፈረናኸ ያትሄርካ ኧፊርማ ወረቀት ኤንተ ያስራፕትካኸ ኧቭሪ ኤዘዘ? »ባሪ። ⁸ « ሙሴሁ ኧሂናሁዋ ቱእነድ አሸታ ምሽታሁዋ ትጎፉርዋይ ተፈቀደንሁም ባሀሬ ቲኢፍቲሽ ቅርሽተዋ ዋኸ አነፐረዳ ። ⁹ ጭን ዋኸ እርሁዋ አት ሚሽት ተኤኛ ምስ ሁጅር -ትደምድካ ባነኮዊያአህር ምሽትኋ ገፈረታ ኤኛ ምሽትያገአካ ገማ እንእ ተኤኛ ምሽት ውጅር ይደምድ ፤እመኸ ሂድቭ ተኤኛ ገማ ሁጅር ትደምደኸ ኢንአካ ብእመዳ ኧጎፈሪያም ሚሽት ያገአካ ምስ ተኤኛ እሽቻሁጅር ይደምድ ባረኖም ። ¹⁰ ተማሪሞኋ ኧቭሲ ኧቭሽት ዘንጋ ዋኸ በኸረ «አናጉኦት ኢፍዝ »ቧሪ ። ¹¹ ኢየሱስ ጭን « አናጉኦት ኢፈዝ ቱረዳ ዘንጋ ተጎይታ ደረግ ኧቴቭን ሰቭ ባሀሬ አትዎኋ ኢቴኤፐሪኵይአይኸነዳ። ¹² አታትሁኖ ዋተዋኤርም ኧቴኤኙዋ ፤ኧኛሁኗ በሰቭ ኧጅ ኢትዋኤሩዋ ኤኛሞሁኗ፤ኧጎይታ መንግስት ቲዩሩዋ ገግሁን ኢዋኢርታ ሰብአነዋ ፤ዋድ ኢቴኤፐሪ ኢኸነዳ ሰቭ ኧተኧቨር።» ¹³ ቀጥወ ኧጅኋ በፎርሁኗ ኧዲክተ ኢጥልይኗይ ብስካድ ዴንጋ ፤ኢኢየሱሲአቴኤነውዮም ።ተማሪምሞኋ ብስካዲየ ዴንጋ ኢኢየሱሲ አዎኦዋ ሰቭ ነፎጉዮም ¹⁴ ቢኸር ኢየሱስ ብስካድየ ዴንጋ ኢያይ ኦኦዋ አትሁርኤዮዋ፤ ኧጎይታ መንግስት ኧሁኖኸ ሰቭናአር »ባረኖም። ¹⁵ ኧጅኋ በፎርሁኖዋ አተገ በዳረኖዋ ቀጥወ ተሀ ኤኤዲ ቸኧ ወረ ። ¹⁶ አት ቀረ አት ምስ ኢኢየሱሲ ቴኤነቭታ «አስተማሪዮ ኧዘላለም አያ ሂንተሁ ኧረቭሪ ምር ወሄ ዘንጋ ነንአ? »ባረ ተሳአረን ። ¹⁷ ኢየሱስቭ ኧቭስ ሁዳ «ኧቭር ኦሄ ዘንጋአር ተተሳአሬ? ወሄ ኧኸረ እምት ጎይታ ፤አያ ሂንተኸ ትረቭሪ በሴኤኸ ጭንብ ኧጎይታ ትዛዝ ኧየ »ባረን ። ¹⁸ ምስ ሁዳ «ኧት ትዛዝ? »ባረ ተሳአረን ።ኢየሱስቭ «አትእትር ፥ተኤኛ ኢስቻ ሁጅር አድምድ ፤አትስርእ ፥ኤናአር አታአውድ ፤ ¹⁹ አቭ ታአዶዳኸ አህብድ ፤ሰቭ እንእ ኧገጋሁኸ ንቨድ ፤»ባረን ። ²⁰ ምስ ሁዳ እሸሁኗ እንእዎሁኖዋ እየሁ ኧኛአር ምር ኢቀብርቪ? ባረን ። ²¹ ኢየሱስ ጥርር ሰቭ ትኸሪ በሴኤኸ ሆርታ አነነኸዳ ንቭረድ እንእ አሰ የኧዚጋ አቭ ፤በሳቫይ ዱኒያ ትንከቭሴ ፤ተህም ቀጥወ የኸታ ኢያ ተኸተሬ »ባረን ። ²² ምስቭ ሁዳ ኖኦራ ዱኒያ ኧረፐረኒ ኧኸሬ ዋዳ ቢሰቭአ ዱኒያኋ አቨጠጠንታ አሳርት በጠበጠንመኸ ተዠፐረ ቢድኋይ ወረ ። ²³ ተህም ቀጥወ ኢየሱስ ኧተማሪኋ «ኧውረ እሁዋ ደንገኝኧጎይታ መንግስት ኢገቫአይ ኖኦራአር ያጀግርኩ። ²⁴ አትቭ ንድቭርወናአውድሁ « ደንገኝኧጎይታመንግስት ቢገአካ ሁዳ ጋሜራ ኧቨርፍ ጉድድ ቲዩሪዳ ኤኤድ ቢዋአ ይፈስኩ» ባረኖም ። ²⁵ ተማሪሞኋ ዋዳ ቢሶኦዋ ኖኦራአር ወግ ኸረዎምታ « አካ ማን ይተርፊ ኢኸነ? ቧሪ ። ²⁶ ኢየሱስቭ ኧተማሪኋ ኧሁኗይ ኤፐ ቲያዥ « ዋዳ ኧስቭ አይኸነዳናአር ኧጎይታ ጭን እንእአር ይኸነ »ባረኖም ። ²⁷ ግዚየ ጴጥሮስ «ኢና እንእአር ቸኧነ ተሄቴኔከ አካ ምር ንረህቭኔ ኢህርሴ? » ባረን ። ²⁸ ኢየሱስቭ « ኧውረመኛ እርሁዋ ቢቫአካ ወያ አለም ኧሰቭ ትከ በክብርኋ ዙፋንኋ ፎር ቢቸናካ ቀረ ኧትሄተርሁኝ አስረ ውሬኤማሁዋ በአስረ ውርኤት ዙፋን ቸየተሁዋታ ፥ባአሰረ ውርኤቸ ኧእስራኤል ጥብ ፎር ትፎርጅቴ ። ²⁹ ኢኢያባረታ ብድኋ ፣ኧሰማትኋ፣ ኧተማትኋ፣ አባኋ አዶድኋ ፣ዴንጋሞኋ ቹጃሞኋ ፥ቸኧ ኧትሄተረ እንእ በቭኧር ኧጅኋ ኢቴኤፐርኬ ፤ኧዘላለምቭ ህይወትቭ ኢወስኬ ። ³⁰ ኦዘጋ ጭን ዋአካ ኢኢፍቲ ኧሆርዋ ሁኗ ኖኦራሁኗ ኢኢ ኢሆርቴ ፤ ኢኢኧረፖሩዋ ኗኦራሁኗኢ ኢፍቲኢጎኦቴ »ባረኖም ።