¹ U siŋaapanpangu ke sala yidikaaba cianba yeni u dogu nni nikpela juogi ke bi baa teni ban kpa Yesu. ² Bi bo lol'o ki gedi yen'o ki pan ten'o Pilati yua bo tie dogu daano i. ³ Juda yua bo janbi Yesu n bo la ke b jia wani Yesu buudi ki kadi ke b baa kpa'o. O bo mua ke o yaa bi janbi 'o. Ke o taa a kujapiena piitaa yeni ki gedi ban ŋmiani sala yidikaaba yudanba yeni bi nikpela. ⁴ Ki yedi n tieni t tuonbiadi ki kuadi yua naa pia tagili ba kuli. Bi bo guani ki yed'o lani mɔ naa ŋua ti li ŋua fine ⁵ O bo luni iligi yeni u Tienu diegu nni ki ñani ki gedi ban sadi o bá. ⁶ sala yidikaa yudaano n bo gandi gandi li ligi yeni ki yedi. Laa ŋani ke laa ligi n kua u Tienu ŋanmani kpagu nni. ⁷ Ban bo juogi b bo taa laa ligi ki daa o tanmaalo kpagu ke la ya tie b canbáa ⁸ Lani ya po bi bo yini li kuanu m sɔwulikaama kuanu hali yeni dine. ⁹ Lanwani o saawalipualo Jeremi n bo maadi ya maama n bo tieni. B bi gaa kujala piitaa Isaraheli yaaba n dini u daagu maama n yeni o po. ¹⁰ Ki daa o tanmaalo kuanu nani o diedo n bo maadi maama yeni. ¹¹ Yesu bo sedi t buudidaano nintuali nni ke o bual'o: a tie jufi-nba bado bii? Ke Yesu guani ki yed'o: fini n yedi yeni. ¹² Ama sala yidikaa yudaano yeni a nikpela bo jaligi Yesu. O naa bo yedi bonli ba. ¹³ Lani yogunu Pilati bo yed'o: ŋaa gbia ban jalig'a yaala aa? ¹⁴ Jesu naa bo ŋmiani baa bonli ba. Li yaa po t buudi daano yama bo yaadi. ¹⁵ O dogudaano bo maani ka wan luodi yonmyendo yua ke bi niba bua'o i jufi -nba jaama. ¹⁶ Lan yogunu o yonbo bo ye ke b yi'o Balabasi. ¹⁷ U niwuligu bo taani ke Pilati buali ba: i bua min faabi i po ŋmaa i? Balabasi bii Yesu ban yi yua Kirisi. ¹⁸ kelima n bo bani ke bi cuo Yesu li nunponbiadili po i li bujiali kani. ¹⁹ Wan daa bo kaa o bujiali kani o bo ke o denpua yini ki maadi'o. Daa kua o naa niteginkaa maama nni kelima ya ñiagu n pundi ne n la fala boncianli t dangidi nni kelima o ya po. ²⁰ Sala yidikaa yudaano yeni a nikpela bo tundi bi niba ke ban cedi ban kpa Yesu ki lodi Barnabas. ²¹ O buujialo bo buali ba: min lodi ŋmaa i po? Ke bi bo yigini Barnabas. ²² Pilati bo guani ki buali ba? Tin tieni be Jesu yua ke yi yi'o Kirisi? Bi bo yedi kpa'o. ²³ Pilati bo yedi: O tieni baa biadima? Bi gɔ bo tandi ke li paa cie ban jɔn'o li daapɔnpɔnli po ²⁴ Pilati bo bandi ke o ji kan fidi tieni bonli baa kuli ke u fuugu gɔ pugini ke o taa m ñinma ki nidi bi niba kuli nintuali nni ki yedi: Mii pia tagili ba kuli o naa niteginkaa sɔma wulima nni. li li yinba i. ²⁵ U niwuligu kuli bo guani ki yed'o: o sɔma n guani baa tinba yeni t bila po ²⁶ Pilati bo lodi b po Barnabas i ki cedi ke b pua yesu a gbana. ki teni o nuu ke ban pan jɔn'o li daapɔnpɔnli po. ²⁷ Wani o buujialo mintela bo kuani Yesu t buujiali deili nni ki taani bi cagili kuli ki kaa ki lind'o. ²⁸ b B bo landi o tiadi ki bobin'o u kpalimɔngu ²⁹ B bo piani o badi fegiliga yeni i kunkoni ki yilin'o ki mubini o jienu li kankagili. Ki ji ki gbaandi o nintuali nni ki tua: t fuond'a fini Jufi- nba bado. ³⁰ Ke bi ji siini o po t ñinsandi ki yi taa li kankagili ki pua o yuli ³¹ Ban bo ñuañuadi'o ki gbeni bi bo bobidi o kpaliba ki guani lani'o o yaa tiadi ki gediki jɔn'o li daapɔnpɔnli po. ³² Ban bo caa bi bo tuogi Silena dogu nni yua ke b yi'o Simoni ke b tien'i u paalu ke o bugi Yesu daapɔnpɔnli. ³³ Bi bo pundi ban yi yaa kaanu Gɔligɔta lani tie t yukuodi kaanu. ³⁴ Ke bi ten'o u daamɔngu yeni yaa ñɔgu to ke wan ñu. Ama wan bo leni waa bo ñuni. ³⁵ Ban bo kpa'o bi bo taa o tiayiekaadi ki tɔni tiatia bɔbɔgidi. ³⁶ Lani ki ji kaa guu. ³⁷ Bi bo diani ban bo kpa'o yaali ya yuli ki maadi: O ne n tie Jufi-nba Bado. ³⁸ Bi bo kpaa nibiada lie ki taani yen'o. O yendo u jienu po o tɔ o ganu. ³⁹ A sancenda bo sugid'o ki fegini a yula ki tua: ⁴⁰ fini yua baa mudi u Tienu diegu ki guani maa dana taa, gaa a yuli naanla. A ya tie u Tienu bijua ŋan jiidi li daapɔnpɔnli po. ⁴¹ Sala yidikaaba yudanba yeni li bali maama banda mɔ bo ñuad'o ki tua: ⁴² o bo gaa nitɔba ki nan ji kan fidi gaa o yuli. O yaa tie Isaraheli buolu yaaba bado mɔnmɔni wan jiidi li daapɔnpɔnli po mola ne lanwani t baa tuo ki daan'o. ⁴³ Odugi u Tienu po i u Tienu yaa bua o mɔnmɔni wan nan gaa'o mola kelima o bo yedi: «ntie u Tienu bijua yo.» ⁴⁴ Ban bo taani kpaa'ba yeni ya nubiada mɔ bo sugid'o. ⁴⁵ ki cili u yensiicocoli li biigili bo tieni ki tinga nni kuli yaa caa u hali u yenjuogu. ⁴⁶ Li yenlibidili po Yesu bo yigini ki tiani ki maadi: Eli lamasabataani: Lan tie n Tienu n Tienu ba yaa po ke a ŋaa nni. ⁴⁷ Ya niba n bo ye li kani bi tianba bo gbadi ki yedi: o yi o saawalipualo Eli i. ⁴⁸ Tontoni b siiga yeni n sani pan taa u ciesuogu ki pagini m ñinmigma nni ki fini li kankagili po ki yugidi ki ten'o ke wan ñu. ⁴⁹ O lieba bo tua cedi mani t diidi Eli ya baa cua ki ga'o. ⁵⁰ Yesu gɔ bo tiani ke paa ki cabi o naano ki kpe. ⁵¹ Lanyogunu u Tienu diegu nni kpaldɔgikaabu bo padi siiga nni ki cili tanpoli ki ban jiini hali tinga nni ki bɔgidi kaani lie. Ki tinga bo digibi ke a tana yagidi ⁵² A kakula bo yaadi u Tienu nigagidiŋanba yaaba bo kpe siiga boncianli bo fii bi tinkpiba siiga nni ⁵³ Bi bo ñani a kakuli nni Yesu fiima bi tinkpiba siiga nni puoli. bi bo kua u dogagidiko nni ke bi niba boncianli la laa ba. ⁵⁴ Miteeli -nba canbáa yeni miteeli nba yaaba bo guu la ke i tinga niginigi yeni yaa bona tieni kuli. ke ti jiwaandi cuo ba ke bi maadi. «li ko baa tie mɔni ke o ne tie u Tienu bijua. ⁵⁵ Bi puobi yaaba bo ŋɔdi Jesu Galile ki pan baa guud'o bo se fagima ki nua ⁵⁶ Lani tie Maali Magdala Maali jaka yeni Josefi naá yeni Zebede bila naá. ⁵⁷ U yenjuogu ke ja ba tie Aimate yua ke b yi 'o Josefi o mo bo tie Yesu ŋɔdikaa i ke o mo cua. ⁵⁸ Ki nagini Palati kani ki mia ke wan taa Yesu gbannandi. Ke Pilati cabi ke bi taa Yesu gbannandi ki ten'o. ⁵⁹ Ke Josefi taa Yesu gbannandi ki pɔbini li cincenpienli nni yaala ŋani nni ⁶⁰ Ki duan'o li kakupanli nni wan bo cedi ke gbiidi yaala u tantiagu po. ⁶¹ Magidala yua Maliyam yeni Maliyam tua bo ye li kani ki kaa ki tiegi li kuli. ⁶² Lan bo fii ki fa bi bo bobini saaba daali ki gbeni yo. ke sala yidkaaba ciamo yeni falisiani -nba gedi ki la o dogudaano Pilati ⁶³ ki maadi'o. T bua tiad'a ke ki sua o daa fo o bo maadi ke dana taa daali n baa fii bi tinkpiaba siiga nni ⁶⁴ Lani yaa po ŋan cedi ban yaa guu li kakuli hali dana taa daali ke o ŋɔdikaaba n daa cua ki su 'o. ki yedi bi niba ke o fii bi tinkpiba siiga nni laa bɔndiyuami ji baa cie li bo kpiali. ⁶⁵ Pilati bo yedi ba: I minteeli -nba ye taa bi mani ban gedi guudi nani yi bua maama. ⁶⁶ Ke bi gedi ki bobini ban bo guudi li kakuli maama; ki ŋanbi biini li kakuli ki pɔli ki tieni m banma ki sieni soje-nba ke ban yaa guu.