¹ Maili ya nsu motobá, Mbali na kobunda Petèle, Yakobo, na Yoani, mana nina, kewe nakia nabo koawakio na Mokondi yaéya iboka. ² Ke we na kotimboka boso nabo; tchondi tchona kosana m'mba looba, ke n'tulu yandé ya uphfoka m'mba liangangi. ³ Ke bo, na komona Mose na Elia na ko omokéa bó, bo koénesana nande. ⁴ Petele, na kobunda looki na koena na Mbali: Mokolo, yefowei mbele teike abono; aika m'mba wa ema, no koimetshi ma lumba masato abowo, émo mondia be, ke emo mondia Mose, ke emo mondia Elia: ⁵ Aboa aendeleanga we na koena ke obonge ya liangangi ya komba bo. Ke looki na ko n'ngbekana mo obonge maoki simaamauo: "Oono uki manane waikenya, owanete tsheema tshane: m'ngbaiwe!

⁶ Aboa em'ngbe bo looki siowo, baeki na kokéa ase, ke bo nakoika na kotekateka kaema: ⁷ Ke Mbali, na kobakama, ke wa bunda bo, ke waena nabo: imanaii n'ndi bui kotina! ⁸ Bo na koyayowa maiso nakiyo, ke ba monaiki Mbali omune.

⁹ M'mba boa ase lelangawe mo mokondi, Mbali na koesa bo isosa: "mbe be bua koena na moto lilembeseli sieno, bena aboa mana moto okaiimoka ko ba kpi."

¹⁰ Baeki na ko phfiphfeya we: "mo tshei baandiki bo koena mbele engami na Elia kula boso?"

¹¹ We na kodjiboabo mbele éngami na Elia kula, ke maondi moose maimana. ¹² N'ndi naenaki nino mbele Elia, walake mono, n'ndi bitaebanga andé we, ke betii we, m'mba boa bamonangabo. Ke bena boobo, Mana Moto, oopati obaba, owandé obalu. ¹³ Baeki na koisa m'mba, waenaki nabo mondia Yoane Mon'nyi, ¹⁴ Aboa ilewe bakana ibamba, Moto omo na kula, kawe na komuna malu boso na Mbali, kewe na koena mbe: ¹⁵ Mokolo: "M'ngelea manane, tshombo ukana kifafa keopata obaba na koakaya; okéan'nembe emo mokaya n'nembe emo momaale. ¹⁶ Naalaki nande ko baeki babe, ndi bité ondese ande.

¹⁷ Iboti ya kobea mete, na boyaéli yabéa, Mbali na koena boobo, wena koena mbele bena eni n'nembé neengame mo koika nino? Wainandé aabo. ¹⁸ Mbali na koena na oténga koakika mosombo ya beya ya tokaiki koakande, ke maana waonda iki mo n'nembe siéyo.

¹⁹ Baeki na ko bakaméa Mbali, ke baena nandé bila be mine; mo isina ya tshei titebenge mosombo sieno?

²⁰ Mo iisina ya metema ino ya kobea kobea, Mbali na koena nabo boobo. Naenake nino liti, mbele beikange na koakoa m'mba kauma kamo seneve, mbele baenaki na Mokondi toka aabo yaanakoa, ke yaaya; mbele ango tshémo tshitoo ko beleandé bane. ²¹ Boyaéli ya mosombo siono, otokai alinga kokanda asima amo na masomboli ²² N'nembe ya aanga bo mo Galilaya, Mbali na koena nabo: Mana Moto weengami mo koabeka mo maako ma bato; ²³ Ke bo koiya iwe, ke maili ya nsu isato okoimoki ko ba kpi. Bo na kopata obaba.

²⁴ Aboa ilebo Kapalanaumu, baombi ba mandjandja na koena Petèle, mbele Molombia wino utoolipa mandjandja?

²⁵ Ikaiboobo, na ko ena: "boobo." Aboa ya n'ngeya we molumba, Mbali na kobunda we nakoena: "Tchei tcho teka-teka owe Simona? Mekota ya tshese, bootombi mandjandja kobanani? Kobana babo, ama kobaeni?"

²⁶ We na kodjiboa: "mbele kobaeni. We na koena "ke Mbali na kosumbola: bana bebuande motale. ²⁷ N'ndi mo otinésa koesabo obaba, yaa moiyaba, m'mbola kaabo, bota n'fe ya boso; kandoa yo kana, osangelai m'falanga. Biayo weesebo, bondi ane nabe.