¹ Maili ya Mbali ko kikila baeki bande ikomi na ibe, we na kia, bondia ko ebesa ke ko nangola n'nkati ya metanga ya tchese. ² Yowani n'nkati ya mololo na ko n'ngba mekambo yaKlisto. Sieya ya enekanga na baeki bande: ³ "Ukai owa teendee mbe akulai, ke to ko ende ophei?"

⁴ Mbali na ko sumbolea bo: "Yaai moesai na enai na Yowani maondi sima mamona ke na maa ma n'ngbake bane. ⁵ Bakpi ba maiso ba mona ephe, ba kpi ba mao baendake, bato ba suli baondake, ba pki ba matu ba n'ngbake, ba kpi ba fufuka, ke mesao esaali ya londolekake ko touwe. ⁶ Ome ka owa uto ko n'ngba nsoni mo isina yane!"

⁷ Mo koenda kabo, Mbali na ko ena na nguma ya bato mo isina ya Yowani: "Bokia mo obandja ya ibunge ko phana tchei?" ⁸ N'ndi baakei ko mona tchei moto si owa we bate ntulu ya pholeya pholeya mondia baa be bate ntulu ya pholeya pholeya bika n'nkati ya malumba ma mekota. ⁹ N'ndi baakei komona tchei? Molondoi omo? Boobo, no ko ena nino mbele, owa we etei molondoi. ¹⁰ N'ndi ikai we wi owa ekpaloke bondia nde mbele: "Monai, no tomeki okulai boso ya tchondi tchabe, owa o ko endjeke mboka yabe boso yabe." ¹¹ No ko ena nino liti mbele, n'nkati ya boose siba be boteke na bamokali, wa ko engamesana na Yowani mo inyi. N'ndi owa weangowe ko etea n'nkati ya bokota ya kio weetee we na koema. ¹² Ko andja nyanga ya Yowani moini bena moono botu, bokota ya kio yo sondjeleka, ke basondji boosondjo yo. ¹³ Bondia ba londoi boose ke na angule ba eneangai maondi mekala bena ka Yowani; ¹⁴ Ke, aika m'mba baema ko eba. Ka owa uka Eliya owa wa engamangai kula. ¹⁵ Ka owa uka na matu ma ko ongba wa n'ngbake. ¹⁶ To kesanesi bato ba feto si ono na tchei? Bengamesangei na bana si baa bika ase asima ya ibongo, ke bo bokoeta baphe baana, ¹⁷ bo ko ena: "Ta lubeleake bane kalupi bet, ke bane bite sambowe bino; ta eyake mo isina ino ke bane bitengbelee ango base tchombo." ¹⁸ Bondia Yowani wa langai, bua koa ke bua koma, ke bo ko ena: "Uka na mosombo ya beya. ¹⁹ Mana moto wilei, koa na koma, ke bo ko ena: "Ukai moangi ke na momi, isau ya bakongoi mandjandja ke na bato ba beteleli ba bea. N'ndi boeli wa longeake ko mekambo yande."

²⁰ Ke na boobo we na ko andja ko esa mbela ko metanga si eya iteleke maondi ma bua ma kosangalesa, bondia bita timbolanga ande mitema yabo. ²¹ Tchombo koa kabe, Kolaji! Tchombo koa kabe, Bethesaida! Bondia, maondi ma ko sangalesa simaa meteleke kowa kino matelekange n'nkati ya Tula ke n'nkati ya sidona, mbele ba timbolake mono metema zamani na kobia saki ke na moto ya kaya. ²² Mo isina si no ko ena nino: "Mo botu ya kosamba, o koikai bosaali bondia Tula ke na Sidona ko etea bane." ²³ Ke owe, Kapalanauma, o olinyai bena koa kio? Boande. Oselelai bena boikaneo ya ba kpi; bondia, aikange m'mba maondi ma kosangalesa maa meteleke n'nkati yabe matelekange n'nkati ya Sodoma, mbele uka na koika bena mo ono botu. ²⁴ Mo isina si no ko ena nino: "Mo botu ya kosamba, tchese tcha Sodoma o koikai bosaali mo Sodomo ko eteya owe."

²⁵ Mo nyanga si eyo, Mbali na ko sumbola looki, ke na ko ena: "Na lombesake owe, Tata, Mokolo wa kio ke wa nseke, bondia ko iseka laondi si mano ko bato ba boeli ke na bato ba akli, ke wa moesake yo phololo ko baana banuke." ²⁶ Ee, tata na lombesake owe mo ko teleka ka ko ema kabe. ²⁷ Besima boose ba eselekaki noo na Tata o mune; ke moto uteli ande maana, ko sakolo Tata Mana ke owa Maana weeme ko moesa we phololo. ²⁸ Waai kowa ika noo, bane boose siba ba enake na ko bia ba kumbo, ke noo no ko omonesai bane. ²⁹ Biai mo ololo yane ke bundai maa na ebesake bane, bondia nika na tchee-tchee ke na motema ya ko selola; ke bo ko eselekai bo omoneo bondia mesombo ino. ³⁰ Bondia mo ololo yane ephoeyi, ke kumbo wane weowe.