¹ Ekha e̱zon, akha kha ezon nun. ² Vi ezon lu khae, yan lo gbo re kha nan, bi emu re maan, yan lo gbo re maan nan. ³ Emonze̱ lua re kaokho ekho̱ keree lo̱ rivi eo si omion. Ama umi ukonmekho̱ lo̱ rivi eo see̱? ⁴ Ebu lo̱i talo omion hon. Zemen win ekho̱ kere lo̱ rivi e̱o see re, vbe̱ rein ukonmekho rie vbeo? ⁵ We̱we̱ lukha vbata! Se̱kpao win ukonmenkho sho̱vi e̱o se̱e̱ re̱, o̱kpe̱se̱ umiuye re win ekho̱ kere sho̱vi e̱o si omion re. ⁶ E win emi lo̱ fuan liewa bi emi si ukutu e fio fia li isi. Elo̱ riza gbo̱, efie gbede̱le̱gbe soea. ⁷ Vbi, alo̱ wun nan, hoo, ulo̱mien. Solobo̱ o̱lo̱ wuyeu nan. ⁸ Re̱yi o̱lo̱ vbi, o̱mien, o̱lo̱ hoo omen, bi o̱lo̱ solobo̱ o̱wuyea. ⁹ Da iyi otuo̱kpa viva, lovio̱ lo̱ vieko, owin udo na? ¹⁰ Da o̱vbi e̱he̱n, owin e̱yen na. ¹¹ O̱hio̱ so̱ na, vba vba li vba vea lebe vaen ebi, win ivbohan le̱sen loviva. Ebi erava lo̱ rivi okhumeimi o̱khai win emilesen li o̱lo̱ vin? ¹² O̱hio̱ so̱ na, emi luhoi lugbon wun nan. We̱we̱i gbo wun nian, o̱na khi uhi bi elimeo. ¹³ Shanvi ukhe̱de̱ li hee. Khi uvein yon khi ukhe̱de̱ bi o̱vbe̱ gboo yon khi ukpode lo̱lode vbi ikhueo, agbon lebun yan shanvbo. ¹⁴ Ama hee bi o̱mianmen yon khi ukpe̱de̱ lo̱lode̱ vbi agbon, ikpeche yan shanvbo. ¹⁵ Muenwan vbi elian mieo sehen, nian gaeze bi ukpu si okhokho ama awaluhobo yon yan u. ¹⁶ Ule̱ ein yan ieyi ikpe̱ran sian. Agbon wuin ugbo fi koko vbi ori awe̱e̱ dia ori amago? ¹⁷ Ina gbo o̱ egbegboran o̱mi ikperan le̱sen. Ama ugboran lo̱be o̱mi ikperan lo̱be. ¹⁸ Ukporan le̱sen o̱kha meti mi ikperan lo̱be, iyo̱ gboo̱ reyi ukporan lo̱be. ¹⁹ Ovan lo̱i mi ikperan le̱sen akhean afio̱i fio̱ vbi eran. ²⁰ Iyo̱ o̱, ulo̱in yan re shan vbi ikperan sian. ²¹ O̱ivbi agbon eremen nian tanemenhon, O̱lo̱muen, O̱lo̱muen, nian lo ovbi e̱kheoba, ama elian vbi awee si Eramen lo̱ri vbi okhumeimi. ²² Agbon lo̱bun lo̱ tanemenhon o̱lu kpe̱dean, O̱lo̱muen, O̱lo̱muen, mai mieo re̱ shan vbi ein see̱, vbeni see̱ lima re̱ khui iko si esun, bi eni se̱ mare̱ vbi emi logba? ²⁴ O̱hio̱ so̱ na, uan khu uan lo̱ hentamen lo̱re khan o̱lou bi o̱monhe lo̱ moin ēwan lo zoa vbi udo. ²⁵ Amen ron, okho vbare, bi efio fio gbo loa, ama o̱ide, o̱hio̱ si okhon mundo yan zo̱i o̱. ²⁶ Ama uan khu uan lo hin etamen loi rekhan o̱lubi o̱mon khi oruru lo zoa vbi eken. ²⁷ Amen ron, okho vbare, bi efio fio gbo̱ loa, o̱de kua hioo." ²⁸ O̱ chian e̱ghe̱ li Ijesu re taleta na lee, o̱yin okuo̱yo̱ eo a re shan vbi ivbie̱mi so̱i. ²⁹ Ovbie yan emi bi khi o̱lo̱ moi utotomi, o̱vbi ela bi o̱tuo̱kpa vbian.