¹ Ijesu ke mi eli obotu, o̱za he̱n okhun mi oko. O̱ke dia so to̱i, "Ivbiokho so̱i do̱ i egbe re. ² O̱tan unu o̱ o̱vbieiain, o̱ re̱ o̱i, ³ Ihianba li khi eli e̱so̱n si etin o̱gbe, isiain li khi e̱ghe̱ o̱ba isi Okhunueimi. ⁴ Ihianba li khi elo̱ gbaigue̱, alo̱ fun i ain udu re. ⁵ Ihinba li khi elo mo oi udu ohoo, elo̱ uku si o̱li agbo̱n na. ⁶ Ihianba li khi eli ohonmi bi ohanme̱n si aulo̱se̱n o̱gbe, elo kho̱o̱n. ⁷ Ihianba li khi elo̱ mo̱n itue̱ke̱n, elo̱ mii ihume̱ke̱n mie̱n. ⁸ Ihianba li khi elo̱ mo̱n o̱ko̱lo̱va vbi udu, elo̱ mii Oise̱le̱bua. ⁹ Ihianba li khi elo̱ nwun ohu, alo̱ e chi ain ivbi Oise̱le̱lbua. ¹⁰ Ihianba li khi elo̱ u khi akhu shan vbi o̱hio̱ si auemi lo̱se̱n, isi ain li khi e̱ghe̱ o̱ba si Okhumieimi. ¹¹ Ihianba li khi ise̱ si eia o̱khue e̱ a khue̱ shan, ata li eta lebe ededan yie̱ lo̱i vi ata vbi o̱hio̱ me̱n. ¹² Ya gho̱ngho̱n, vba ya vbo̱o̱ yi okhumi vbi egho̱ngho̱n, eri ee si avba gbai vbi okhuimieimi, ina li eia i kpokpi ekhe̱n eli o̱mie o, li ekpao vi agbo̱n khe̱ evba. ¹³ Vbavba ikhi ume̱in si agbo̱n. Aman, ume̱in khai kho̱ ya ke nwun vbi unu, e ba lo̱ kei ro̱i chien ume̱in lo̱ nwun. O̱ike chien mo̱n emi lo̱ o̱vbe lo̱ za hume̱n lo̱ i vbi laire̱ kuo̱i kwali eia ri iza te̱n o̱n inye̱n vboto̱. ¹⁴ Vbavba li khi urukpa si agbo̱n. Okpe̱vbo lo̱ ri vbi okhumo̱ko̱ ya ri egbe hee. ¹⁵ Eia ya gbi urukpa uwun o̱ vi e̱ge̱ge̱n ugin, okhumi eba wuin urokpao̱, alo̱ nwuoi o̱ li eai. ere̱me̱n ya re̱ miye vbi o̱li'we. ¹⁶ Vba zi urukpa vba vbie irae̱o si eia li yiain re̱ mi obia lo̱se̱n se̱e̱, lei re̱ ree Era lo̱ ri vbi okhumieimi. ¹⁷ Vba e oo khi eriivare li re̱ o̱ ria ai da ekhe̱n elo̱mie̱n. I vare li re̱ o̱ riain an, aman, li re̱ nwin ain se̱e̱. ¹⁸ Ata i re̱ tai yi vba, khi se̱vbi e̱gbe̱ li okhumieimi bi agbo̱n lo̱ re̱ rare, emi o̱kpa dabaa da emi la za teta vbi e̱ke̱n uhi kha de vbia, se̱vbo khi arii emi ere̱me̱n u. ¹⁹ O̱hio̱sio̱na, o̱li o̱ i u lo̱ gbi o̱kpa vbi eli uhi na a lo̱ vbie̱ evbee lei ui yo̱ lo̱ chien o̱la lo̱ e cho̱i o̱lo̱kere le̱ vbi e̱ghe̱o̱ba si okhumieimi. Aman, o̱lo̱ iu lo̱ rii re̱ o̱vbi ain lo̱ gbo vbie̱ i ain, alo̱ echo̱i o̱lo̱khua vbi e̱ghe̱ o̱ba si okhumieimi. ²⁰ O̱hio̱ khi itai yi vba khi sookpa khi aulo̱se̱n se̱, le̱ aulo̱se̱n si ekhe̱n be Ifarisi, ukha mo̱n ebi ulo̱ za ovbi eghe̱ o̱ba si okhumieimi. ²¹ Vba ho̱in khi atai li ain ho̱n igheghe, "li ai gbi ubi, o̱lo̱ gbi vbi, o̱lo̱ e vbi okhena si ihae̱zo̱n. ²² Aman, i tai li vba re̱ ho̱n khi o̱lo̱i u lo̱ bi ohan yi omio̱in, o̱lo̱ e vbi okhena si ighaezo̱n, bi o̱loi u lo̱ omio̱in, "u mo̱n emilu de uwun, o̱lo̱ evbi okhena si e̱gui, bi o̱lo̱ iu lo̱ o̱i, wa ruru, o̱lo̱ e vbi okhena si erain lo̱ ya too lee. ²³ O̱hio̱ si o̱na, u kha nwuin ohan se̱ yi ikpekpe̱ si oisa, lu za vban i ere khi omio̱in mo̱n emilo̱ko̱ rekhae̱n. ²⁴ Zi o̱li ohan se̱ obo̱ vbi otoi vbi isao si ikpe̱kpe̱ si oisa, u shin oshan se̱, ikpao, vba bi omio̱in se̱ o̱haan, ukpe̱ vare o̱ ui ohaan se̱. ²⁵ Vba bi o̱lo̱ so̱ we̱ e̱zo̱n kuo̱ igbe vbi o̱kpa ebo̱i lode̱ vbi ikotu, dan o̱li o̱ o̱khi ui o̱n emi, a ke̱ai re̱ nwue̱n ni o̱lo̱ghae̱zo̱n, li o̱lo̱gheae̱zo̱n re̱ nwue̱n ni o̱lo̱risighan shan, alo̱ za mie̱n khi anwue̱n fio̱ vbi ighan. ²⁶ Ita i re̱ tai yi vba, u kha za vbi ain dinanre si uhan osa ere̱me̱n lu mo̱o̱n. ²⁷ Vba ho̱in kha tai "Ele̱ vbi o̱hi o̱ia, ²⁸ Aman, i tai yo vba khi, o̱lo̱ iu lo̱ kae̱o gho o̱kposo lo̱ ri si oghe̱e̱ re̱khan, o̱le̱i vbo̱ vbi udu so̱i. ²⁹ Ukpe̱o si obo̱dio̱n se̱ kha ze̱e̱ uo̱ kho̱o̱ vbo̱i, usi o̱i fia sho̱i vbi egbe re. O̱hume li efo̱kpa vbi e̱gbe̱ se̱ re̱ na kuo, le̱ li ai re̱ nwun e̱gbe se̱ ere̱me̱n fiō vbi erain okpije̱n. ³⁰ Obo̱dio̱n se̱ kha nwue̱n fi ukpode̱ do̱n, hiain fia, u fio̱ sho̱ vbi egbe re, o̱hume li efo̱kpa si egbe se̱ ria le̱ li egbe se̱ ere̱me̱n re̱ o vbi okpije̱n. ³¹ Agbo tai khi, " O̱lo̱ khu o̱hai fia, o̱ muin ebe lavin o̱i o̱n nai khi e kuyi o̱se̱n a", ³² Aman, i tai yi vba khi o̱lo̱ iu, lo̱ kue yi o̱se̱n siain bi o̱hio̱ a, lo̱i vbi o̱hio̱ khi o̱gboghe̱e̱, o̱ ro̱i chie̱n, o̱siwuan. o̱lo̱ ri roo o̱i ebo̱ ke re fii o̱dio̱n lee, o̱gboghe̱e̱. ³³ Vba chie ho̱n kha tai li ele rivbo̱ ighegho, vbae ranmie̱o si e̱he̱n, a man, aman, li vba re̱ ranmi e̱o yi o̱lo̱mo̱e̱n. ³⁴ Aman, i tai yi vba, li vbae ranmi eo̱ gbeigbei, eran mi okhumieimi, Ijo̱ni li khi ekpeto̱bo si Oise̱le̱bua. ³⁵ Da li vba re̱ ranmi oto̱i, yo̱in li khi ebi o̱hua awe̱ o̱, da Ijerusalemu, yo̱in li khi okpe̱vbo si o̱li Oje lokhua. ³⁶ Eranmi uhumi se̱, o̱hio̱, ukha meti ri ukpeto se̱ chie̱n o̱lo̱bi da o̱lo̱ fun an. ³⁷ Aman, zi eta se̱ vbi, He̱e̱, he̱e̱ alaa o̱gho̱, o̱gho̱. Emi lo̱ ̱le̱ o̱na obo̱ si o̱o̱be lo̱ za vare. ³⁸ Vba ho̱in kha tai, ukpe̱o li ukpe̱o bi ukpoto̱n li ukpako̱n. ³⁹ Aman, i tai yi vba, vba e kpa yi o̱io̱be sumi egbe. egbe lu lo̱ re̱ ui iyo̱, o̱lo̱ iu lo̱ fii we̱ emi vbi eha si obo̱dio̱ gbo deli eha lozi eva nai. ⁴⁰ O̱ia khai kho̱ lo̱ nwun vba yi ikotu, bi o̱mie̱ we̱ euan, zo̱i o̱lo̱i an gbo mie̱ we̱ agba da eun ba ai. ⁴¹ O̱lo̱ ui lo̱ we̱ shi oshi imaele o̱kpa, re̱ khain shin eva. ⁴² Re̱ li o̱lo̱ vbie̱, e̱ chie o̱lo̱ e̱we̱ ri e̱gho ni ōn mo̱mo̱. ⁴³ Vba ho̱n khai, O̱eo̱vbo̱ li ure̱ hume̱nken o̱zi eva se̱, ukho̱ e̱ke̱n o̱be se̱, ⁴⁴ Aman, ie̱ vba, hume̱ke̱n ekhe̱n o̱be se̱, uya li ero̱mo̱n li elo̱khue̱ shan ⁴⁵ Li vba re̱chie̱ivbi Era vba lo̱ ri vbi okhumieimi. O̱zi ovo̱n so̱i vbae ni eo̱be bi eia lese̱n o̱ ro̱n ame̱n li elo̱e̱n u bi elo̱ ie̱n u. ⁴⁶ Ukha hume̱me̱ke̱n elian hume̱ke̱n iyi ee lu lo̱ mie̱n obo̱? Elian mie̱n egho si uhumi gbu ukpe ya gbo vbi iyo̱? ⁴⁷ Ukha rui o̱mo̱n o̱kpo̱kpa emu'u le̱ eno̱i ehain Ige̱nti yan vbi iyo̱. ⁴⁸ O̱hio̱ si o̱na, ulo̱ gha ze̱n elabi era lo̱ri vbi okhumeimi.