¹ Ijesu re̱ teta vbiei eli obotu bi ivbiodogho so̱i. ² O̱re̱'a'ain, "Ehe̱in Iscribi bi Ifarisi e dia vbi aga si Imosisi. ³ O̱hio̱ si o̱na emi yain e̱'vba u, vba vbi elemina wa gbo re̱hain. Ama vbai oi awe siain, khi ya ti emi li yain ya u. ⁴ E̱e̱, yain gbali ihua li ohua la ya meti wu, e wuo̱i o̱vbi iguabo̱ si agbo̱n. Ama yain le gbian kha wu. ⁵ Ya vbi emi ere̱me̱n li ya u li agbo̱n ya mi yain. E ēhin e̱kpai lo̱ vbe̱i ere̱ hian bai efukpun siain. ⁶ E khume̱ke̱in ebi ukutu ea o̱ dia vbi ukpe bi aga si ukutu o̱ia vbi e̱ke̱in isinago̱. ⁷ a totobo̱ rui ain vbi ulaga si ekin, agbo̱n o̱ chi ain o̱lo̱ vbie̱ie̱mi. ⁸ ama aha e che vba 'o̱lo̱vbie̱iemi, khi o̱lo̱ vbie̱iemi o̱kpa vba mo̱e̱, vba vba ere̱me̱ imio̱n vba u. ⁹ E chi o̱so vbi ohumi oto̱i na era, khi era o̱kpa u mo̱e, o̱ rivbi ohumie̱imi. ¹⁰ Dii ae che'e o̱lo̱vbiēiemi, khi o̱lo̱vbie̱iemi kpa vba mo̱e̱, Ikristi. ¹¹ O̱lo̱ gbale̱ vbi use vba o̱lo̱ chiie̱in o̱gbo̱madia vba. ¹² O̱lo̱ huai egbe so̱i yi o̱humi a lo̱ deo̱ire, o̱lo̱ de'egbe so̱i re a lo̱ wo̱i huai. ¹³ Ama ihueo re̱ yi vba vba, isikribi bi ifarisi, vbavba li eo! Vba fi uhue̱de̱ si e̱ghe̱ o̱ba si ohumieimi di 'agbo yen. Khi vba vba le gbe vba vbai ovbo̱, vbaai ze 'ea evbee ovbo̱. ¹⁴ Ikhueo o̱ re̱ yi vbaa, Iscribi bi Ifarisi, vba vba li eo! Vba ve̱n o̱vbi iwe si ehe̱i o̱ro̱, bi vba re̱ ri adua lo̱ rere vbie̱ vba lo̱ mie̱i ikhueo lo̱ gbai. ¹⁵ Ikhueo 'o re̱yi vba, Iscribi bi Ifarisi, vba vba le eo! Vba san vbi e̱da bi oto̱i vba wui agbo̱n o̱vbi ukpode̱ vba, o̱ kha ke vare, vba vbo̱i ovbi eimerai la bi vba. ¹⁶ Ikhueo o̱ re̱yi vba, vba vba li ekhe̱e̱ liain rue̱o̱, vba vba lo̱ tae̱, o̱lo̱ ri ite̱pol keo̱, o̱i vbi emio̱so̱. Ama o̱lo̱ ri Igodi si ite̱poli keo̱, eo̱ lo̱ rame̱i kha zo̱i reghegbe! ¹⁷ Vbavba li oruru liain rue̱o! Iyo̱ lo̱ gbale̱, o̱li igodi di o̱li ite̱po lo̱ wui o̱li igodi fuan? ya ¹⁸ O̱ya lo̱ ri ikpekpoisa rami eo̱, aho̱i o̱. Ama, o̱ya lo̱ ri emi si o̱he̱n lo̱ rivbo keo̱, o̱ re̱hain o̱li eo̱ lo̱ ko̱i. ¹⁹ Vba vba li vba rueo! Iyo lo̱ gbale, o̱li emi si o̱he̱n dai o̱li ikpekpoisa lo̱ wui o̱li emi si o̱he̱n fuan? ²⁰ Ōhio̱sio̱na, o̱ya lo̱ ri ikpe̱kpoisa ra mi eo, o̱ri emi ere̱me̱ lo̱ rivbo rameo. ²¹ Ōli o̱ya lo̱ ri ite̱poli rami eo̱, o̱ro̱i bi o̱ya lo̱ dia vbo̱i va mi eo̱. ²² O̱ya lo̱ ri o̱humi eimi rami eo̱, ri ekpete si Oise̱le̱bua bi o̱lo̱ dia vbo̱ rami eo̱. ²³ Ikhueo̱ re̱ yi vba, vbavba li iviege bi ifarisi, ehe̱in eo. Khi eri vba ei ahigbi si imiti bi idili bi icumi. Ama vba fi emi vba gha u o̱vbi olo̱i emi le khuai le vbi uhi - ae̱ eu, itue̱ke̱n bi ajuduan. Ama ena li vba kha ya u li vbai kha re zi eno̱i obo̱ li vbai uo̱i. ²⁴ Vba li ikhe̱e̱ le rue̱o, vba kha sin ukpugo fi vba wui ighuerighue̱re̱ o̱o̱n. ²⁵ Ikhueo re̱yi vba, vba vba li iviebe bi ifarisi, ehe̱in eo! Vba kali egbe si uko bi tasa a, Ama e̱ke̱o̱i vo̱n vbi ise̱me̱ o̱ kha u bi me̱me̱ Vkpa. ²⁶ Vbavba li ifarisi le rue̱o! Vba se̱ kali e̱ke̱in o̱li uko bi itasa, la re mie̱ khi egbe so̱i gbo fuan. ²⁷ Ikhueo re̱yi vba, vbavba li iviebe bi ifarisi, ehein eo! Vba u be̱ idi la e̱he̱n humose̱n, li egbe so̱i humose̱n, ama akpoka si ele u bi emi li'ain fuan vo̱i eke̱o̱i. ²⁸ Iyo̱ o̱ o̱, vba vbi emi le̱se̱n vbi e̱o si agbo̱n ama e̱ke̱n vba vo̱i vbi eo bi emilebe. ²⁹ Ikhueo o̱ re̱yi vba, vbavba li iviebe bi ifarisi, ehe̱in eo! Vba zi idi si eliyamie̱o vba gbo wui idi si eli yan mieho̱n humose̱n. ³⁰ Vba re̱o̱i, akha ga ze khi e̱ghe̱ si ereramai maza ragbo̱n, mai kha debai yain gbi e̱re si eliamie̱o kua. ³¹ O̱hiVsio̱na vba dobo̱ vba fi o̱se̱ o̱vbo̱ khi ivi eli yan gbi eliamie̱o yo̱i vba u. ³² Vba gbo ma vbi emi li evava u. ³³ Vbavba li e̱ye̱n, vbavba li evi'eyen, ebi vba lo̱i nifan si ighae̱zo̱n si eimierain? ³⁴ O̱hio̱sio̱na, kaowo, ya yi elitamieo bi eliyan mo̱i ewain bi iviebe re̱ vba. Eso vbi ain vba lo̱ gbe bi vba soi yain ye̱n vbi o̱gbe̱n, eso vbi ain vba lo̱ ri ukpasami gbe vbi isinagogi vba, vba za vbi e̱vbo hui yain yi e̱vbo. ³⁵ Ee so̱i lo̱ vbi uhumi se̱ li ēre si eli yain mieho̱n ere̱me̱ la gbei vbi ohumi o̱loto̱i na lo̱ e, re̱ za vbi e̱re si Abe̱li lo̱ mieho̱n, re̱ se̱ vbi e̱re si Izakaraya ovbi Baraka, eli vba gbei vbi esese̱ si ite̱poli bi ikpekpoise̱. ³⁶ Vbe̱ ke̱in ata i ta vbie̱ vba, eli emina ere̱me̱ lo̱ evbi uhumi si o̱li oreina. ³⁷ Ijerusale̱mu, Ijerusale̱mu, vbavba li vba gbi eliyamie̱o vba re̱ ri udo gbi ela ye re̱ vba! O̱ te̱i li ya re̱ hoo li si ivehan vba koko, ebi o̱ho̱ o̱ si ivio̱i koko vbi iguabo̱ so̱i, ama vbai hoo! ³⁸ Kaowo, iwe savba ke fi e̱vie̱. ³⁹ Khi i ta na vba ho̱n, vba kah mime̱ re̱za vbi ena re̱ ra le̱ sokpa vba o̱i, 'O̱khai ikhi isi o̱lo̱ ri eni si o̱lo̱mo̱e̱mai vare.